Бүген Казанда “Дортрансэкспо”ның 13 махсуслаштырылган күргәзмәсе ачылды. Анда төзелеш, автомобиль юлларын тоту һәм ремотлау, юл инфраструктурасы объектларын төзү өчен иң яңа җиһазлар күрсәтелгән. Барлыгы күргәзмәдә Татарстаннан, Россиянең башка төбәкләреннән, якын һәм ерак чит илләрдән 90 компания катнаша. Күргәзмә кысаларында ТР Транспорт һәм юл хуҗалыгы министрлыгы коллегиясенең утырышы узды. Анда Татарстан Премьер-министры Илдар Халиков катнашты.

Тагын әле 700 дән артык авылны каты өслекле юллар белән тоташтырасы бар. Беренче чиратта бу эшне халкы 125 кешедән артык булган 110 авылда башкарырга кирәк булачак. Бу саннарны Татарстан Премьер-министры Илдар Халиков бүген ТР Транспорт һәм юл хуҗалыгы министрлыгы коллегиясенең киңәйтелгән утырышында белдерде. Утырыш “Дортрансэкспо”ның 13нче махсуслаштырылган күргәзмәсе кысаларында узды, ул Татарстан юл өлкәсе эшләренең агымдагы елның 9 ае нәтиҗәләренә багышланган иде.

ТР Дәүләт Советы Рәисе Фәрит Мөхәммәтшин “2014 нче елга һәм 2015, 2016 нчы еллар планлы чорына ТР бюджеты турында”гы ТР Законы проекты һәм республиканың социаль-икътисади үсешен фаразлау параметрлары турында сөйләшү буенча зона киңәшмәсендә катнашты.

2012 ел өчен Татарстанлыларга исәпләнгән милек өчен салым 3,8 млрд. сумнан артык тәшкил итә. Бу хакта бүген ТР Министрлар Кабинетында узган брифингта Россия Федераль салым хезмәтенең ТР буенча идарәсе башлыгы Марат Сафиуллин хәбәр итте.

Бүген Татарстан Республикасы Президенты Рөстәм Миңнеханов Казанда "СОГАЗ" иминият компаниясенең яңа офисында булды. Офисны ТР Президентына "СОГАЗ" ААҖнең идарә рәисе Сергей Иванов күрсәтте.

Бүген Татарстан Республикасы Президенты Рөстәм Миңнеханов Rovio компаниясенең маркетинг буенча вице-президенты - Angry Birds уеннарның бөтендөньяга мәгълүм сериясен иҗат итүче Петер Вестербака белән очрашты. Татарстан Республикасы Хөкүмәте Йортында узган очрашуда шулай ук Казан мэры Илсур Метшин, Татарстан Республикасы Президентының икътисадый мәсьәләләр буенча киңәшчесе Айрат Хәйруллин катнашты.

Татарстан аграрийлары шикәр чөгендеренең калган 27 мең гектарын җыюны 15-20 көн эчендә тәмамларга тиеш. Бүген Татарстан Республикасы Президенты Рөстәм Миңнеханов эш визиты белән Апас һәм Буа районнарында булганда шундый максат куйды. Татарстан Республикасы Президентын Татарстан вице-премьеры – республиканың авыл хуҗалыгы һәм азык-төлек министры Марат Әхмәтов озатып йөрде.

Бүген ТР Дәүләт Советы Рәисе Фәрит Мөхәммәтшин Әстерхан өлкәсе делегациясе белән очрашты. Делегация җавап сәфәр белән Татарстанда һәм Россиянең лидер-төбәкләренең берсенең үсеш тәҗрибәсе белән таныша.

Бүген Татарстан Президенты ТР Министрлар Кабинетында узган киңәшмәдә республика күренекле урыннарының үткән ял көннәрендә тәмамланган "Россия 10" федераль проектында катнашуның нәтиҗәләрен билгеләде. Рөстәм Миңнеханов фикеренчә, интернет-тавыш бирү оештыручылары конкурсның ачыграк һәм аңлаешлы булуын тәэмин итәргә тиеш иделәр.

“Бердәм Россия” партиясе вәкилләренә сентябрь сайлауларыннан соң, киеренкелекне бетерергә ярамый, киресенчә, кешеләр белән эшне, аларның проблемаларын чишүне яхшыртырга кирәк, дип белдерде Россия Премьер-министры Дмитрий Медведев Мәскәүдә партия съездында. Съезда ТРдан 27 делегат катнаша, шул исәптән, ТР Президенты Рөстәм Миңнеханов, ТР Дәүләт Советы Рәисе Фәрит Мөхәммәтшин.