Бүген Казанда Татарстан Республикасы Хөкүмәте башлыгы Илдар Халиков Россия Эчке эшләр министрлыгының җәмәгать тәртибен саклауны һәм РФ субъектлары башкарма хакимияте белән багланышларны координацияләү буенча баш идарәсе җитәкчесе Юрий Демидов белән бергә Казанда ТР буенча Эчке эшләр министрлыгы кинология хезмәтенең зональ үзәгендә булды. Шулай ук үзәктә ТР Президенты Аппараты җитәкчесе Әсгать Сәфәров, ТР буенча эчке эшләр министры Артем Хохорин һәм ТР буенча баш федераль инспектор Ренат Тимерҗанов булды.

Авыл авыл хуҗалыгы продукциясе җитештерүче сектор гына түгел, ул бик зур социаль блок та. Бүген Татарстан Республикасы Президенты Рөстәм Миңнеханов бу хакта Авыл хуҗалыгы һәм эшкәртү сәнәгате хезмәтчәне көне уңаеннан уздырылган тантанада ясаган чыгышында хәбәр итте. Тантана Татарстан Республикасы сөт терлекчеләге үсеше проблемаларына багышланган киңәшмәдән соң уздырылды. Залда республика авыл хуҗалыгы предприятиеләренең иң яхшы хезмәткәрләре һәм җитәкчеләре, Татарстан Республикасы агросәнәгать бизнесы, министрлыклары һәм ведомстволары вәкилләре җыелган иде. Тантанада Татарстан Республикасы Дәүләт Киңәшчесе Минтимер Шәймиев, Татарстан Республикасы Премьер-министры Илдар Халиков, Татарстан Республикасы Дәүләт Советы Рәисе Фәрит Мөхәммәтшин.

Бүген республика парламентында “Татарстан Республикасының 2014-2016 елларның планлы чорына бюджеты турында” ТР законы проекты буенча парламент тыңлаулары узды. Парламент тыңлауларында ТР Премьер-министры Илдар Халиков, ТР Дәүләт Советы Рәисе урынбасары Александр Гусев, ТР Икътисад министры Мидхәт Шаһиәхмәтов, ТР Финанслар министры Радик Гайзатуллин, парламентның Бюджет, салымнар һәм финанслар комитеты рәисе Морат Гаделшин катнашты.

Сөт терлекчелеге - республика җитәкчелеге һәм муниципаль берәмлекләр башлыклары ягыннан җитди игътибар таләп итүче Татарстан авыл хуҗалыгы өчен иң мөһим юнәлешләренең берсе ул. бу хакта ТР Президенты Рөстәм Миңнеханов сөт терлекчелеге мәсьәләләренә багышланган киңәшмә барышында белдерде.

Бүген Казан Кремлендә “Татарстан Республикасы. Мавыктыргыч сәяхәт” китабын тәкъдир итү чарасы узды. Борынгы тарихы, бай мәдәнияте, гаҗәеп традицияләре белән горурланучы Татарстан буенча сәяхәткә чакыручы бу хезмәтне тәкъдир итү чарасында Татарстан Дәүләт киңәшчесе Минтимер Шәймиев, ТР Президент Аппараты җитәкчесе Әсгать Сәфәров, ТР Премьер-министры урынбасары Юрий Камалтынов, ТР Дәүләт Советы Рәисе урынбасары Римма Ратникова, Татарстан муниципаль берәмлек башлыклары һәм шушы хезмәтнең дөнья күрүенә үз өлешен керткән башка затлар катнашты.

Бүген “Бердәм Россия” партиясе Татарстан төбәк бүлеге Төбәк сәяси советының сигезенче утырышында Татарстан төбәк бүлеге секретаре, ТР Дәүләт Советы Рәисе Фәрит Мөхәммәтшин, аның урынбасары Александр Гусев партиянең XIV съезды эш нәтиҗәләренә тукталды.

Бүген Татарстан Республикасы Президенты Рөстәм Миңнеханов Беларусь Республикасының Россия Федерациясендәге Гадәттән тыш һәм Тулы вәкаләтле илчесе Игорь Петришенко белән очрашты. Татарстан Республикасы Хөкүмәте Йортында узган әлеге очрашуда Татарстан Республикасы Президентының тышкы икътисадый эшчәнлек буенча ярдәмчесе Радик Гыйматдинов, республика сәнәгать министрының беренче урынбасары Руслан Кәбиров катнашты.

Казанда Евразия икътисадый комиссиясе Советының VIII утырышы узды. Казан ратушасында узган утырыш эшендә Российя Федерациясе Хөкүмәт Рәисенең беренче урынбасары Игорь Шувалов, ЕИК коллегиясенең рәисе Виктор Христенко, Казахстан һәм Белоруссия хөкүмәтләренең вәкилләре катнашты.

“Без Болгарда өч ел эчендә ирешелгән нәтиҗәләргә таң калдык”, - дип белдерде бүген Россия Хөкүмәте Рәисенең беренче урынбасары Игорь Шувалов, Болгар дәүләт тарихи-архитектура музей-тыюлыгын карап чыкканнан соң, журналист белән әңгәмәсендә. Бүген иртән Игорь Шувалов ЕИК коллегиясе рәисе Виктор Христенко җитәкчелегендәге Евразия икътисади комиссиясе (ЕИК) делегациясе вәкилләре белән ТР Спас районында урнашкан борынгы Болгар шәһәрендә булды. Кунакларны ТР Президенты Рөстәм Миңнеханов һәм ТР Дәүләт Киңәшчесе Минтимер Шәймиев озата барды.

Бүген Воронеж өлкәсендә Россия Федерациясе Премьер-министры Дмитрий Медведев "Россия Федерациясендә сөт терлекчелеген үстерү турында" киңәшмә үткәрде. Киңәшмәдә Татарстан Республикасы Президенты Рөстәм Миңнеханов катнашты.