Татарстан Республикасы Президенты Рөстәм Миңнеханов бүген Төзүчеләр көне уңаеннан оештырылган бәйрәм чарасында катнашты.Тантана Сабантуй формасында Казанның Идел буе районындагы Каенлыкта узды. Кунак һәм катнашучыларны Сабантуйның гадәти капкасы каршы алды, ул бу юлы ике экскаватор чүмечләрен кара-каршы югары күтәргән рәвештә ясалган иде.  Рөстәм Миңнеханов һәм аны озата баручы затлар төрле компанияләр тәкъдир ителгән күргәзмә белән танышты, шулар арасында ЮТК Казанский, Кощаково кирпеч заводы, поликарбонат җитештерү заводы,полиэтилен трубаларны җитештерүче «Техстрой» предприятиесе, «Аутомотив Гласс Альянс Рус» ЯАҖ һәм башка компанияләр бар иде. 

Бүген “Казан” Милли мәдәният үзәгендә Александр Юртаевның вафат булуы сәбәпле, матәм митингы узды.

Бу чарада Татарстан Республикасы Президенты Рөстәм Миңнеханов, ТР Премьер-министры урынбасары – ТР мәгълүматлаштыру һәм элемтә министры Роман Шәйхетдинов, республика министрлары, ведомстволар җитәкчеләре, ТР Дәүләт Советы депутатлары, Александр Юртаевның дуслары, хезмәттәшләре, туганнры һәм якыннары катнашты.

Бүген ТР Хөкүмәте Йортында ТР буенча ЭЭМ ЮХИДИ идарәсе башлыгы Рифкать Миңнеханов җитәкчелегендә юл хәрәкәте иминлеген тәэмин итү буенча Татарстан Республикасы Хөкүмәте комиссиясе утырышы үтте.

Утырышта ТРдагы аварияләргә, юл һәлакәтләрен профилактикалау һәм җәрәхәтләр санын киметү чараларына, автобус маршрутларында пассажирлар ташуны куркынычсызлык шартлары белән тәэмин итүгә, мәгариф учреждениеләре яннарындагы керү юлларын һәм җәяүлеләр юлларын тиешле тәртипкә китерү буенча эшләрне оештыруга бәйле өч мәсьәлә каралды.

ТР буенча ЭЭМ ЮХИДИ идарәсе башлыгы урынбасары Мәсхүт Мифтахов чыгышында яңгыраганча, юллардагы вазгыять катлаулы булып кала бирә. Республика территориясендә 7 айда 2631 юл һәлакәте теркәлгән, аларда 389 кеше үлгән һәм 3376 кеше җәрәхәтләнгән.

Татарстан Республикасының Кама Тамагы районында гипс нигезендәге төзү материалларын җитештерүче "Фоника Гипс" ҖЧҖ яңа заводында бүген ТР Президенты Рөстәм Миңнеханов һәм  РФ табигать ресурслары һәм экология министры Сергей Донской булдылар.

Быел Татарстан республикасында узган IX Бөтенроссия яшь геологларның ачык кыр олимпиадасы туган як тарихын, геологлар тәҗрибәсен өйрәнергә мөмкинлек бирде. которая в этом году прошла в Республике Татарстан. Бу хакта бүген Россия Федерациясенең РФ табигать ресурслары һәм экология министры Сергей Донской олимпиаданы ябу тантанасында белдерде. Чара “Солнечный” балаларны сәламәтләндерү лагере (Залесный поселогы) территориясендә узды.  Яшь геологлар олимпиадасы Татарстанда  2013 елның 1 - 10 августында уза, чараны Җир асты байлыкларыннан файдалану буенча федераль агентлык һәм Россия геология җәмгыяте оештыра. Быел олимпиадада Россиянең 34 өлкәсеннән командалар һәм БДБ илләреннән алты команда катнаша.  

Бүген Татарстан Республикасы Президенты Рөстәм Миңнеханов "Әл-Мәрҗәни" мәчетендә булды. Ул анда Ураза бәйрәме уңаеннан гает вәгазен тыңлады.  Бәйрәм вәгазен Казан шәһәре имам-мөхтәсибе Мансур хәзрәт Җәләлетдин укыды. 

Татарстан кырларында һава торышы уңышны җыеп алырга уңай шартлар тудырмый, ләкин республика җитәкчелеге урып-җыю кампаниясенең уңышлы тәмамлануына өметләнә. Бу хакта Татарстан Президенты Рөстәм Миңнеханов бүген республиканың Мөслим, Актаныш һәм Минзәлә районнарына эшлекле сәфәреннән соң белдерде.