Бүген Татарстан Президенты Рөстәм Миңнеханов Түбән Камага эш сәфәре кысаларында төзелеп килгән нефтьнең авыр калдыкларын тирәнтен эшкәртү комплексында  булды. Искәртәбез: әлеге стратегик инвестицион проектны "ТАИФ-НК" ААҖ ("ТАИФ" компанияләр төркеме) тормышка ашыра.

Бүген Түбән Камада «ТАИФ-НК» ААҖнең бензин заводында "Евро-5" стандартлы бензин сәнәгый җитештерелә башлады. Тантаналы чарада Татарстан Президенты Рөстәм Миңнеханов, ТР Премьер-министры урынбасары - сәнәгать һәм сәүдә министры Равил Зарипов, Түбән Кама муниципаль районы һәм Түбән Кама каласы башлыгы Айдар Метшин, "ТАИФ" ААҖ генераль директоры Альберт Шиһабетдинов катнашты. "ТАИФ-НК" РФ Хөкүмәтенең "Автомобиль һәм авиация бензинына, реактив двигательләр өчен дизель һзм судно ягулыгы һәм мич мазутына таләпләр турында"гы техник регламенты кабул ителгәнче үк "Евро-5" стандартлы бензин җитештерә башлый. Шул ук вакытта заводта түбәнрәк класслы бензин чыгару тулысынча туктатылачак.

Бүген Түбән Камага эш сәфәре кысаларында Татарстан Республикасы Президенты Рөстәм Миңнеханов "Нефтехимик" футбол клубының укыту-тренировка базасында булды. Биредә аны "Нетехимик" ФК президенты Тимур Шиһабетдинов һәм "Нефтехимик" ФК директоры Наил Гыйззәтуллин каршы алдылар. Рөстәм Миңнеханов визитының төп максаты - клуб инфраструктурасы белән танышу. 

Бүген Татарстан Республикасы Хөкүмәте йортында ТР Премьер-министры Илдар Халиков катнашында Муса Җәлил исемендәге республика премиясе лауреатларын бүләкләү тантанасы уздырылды.

Тантанада шулай ук ТР Дәүләт Советының Мәгариф, мәдәният, фән һәм милли мәсьәләләр комитеты рәисе Разил Вәлиев, ТР яшьләр эшләре һәм спорт министры урынбасары Рөстәм Гарифуллин, Казан дәүләт медицина университеты ректоры Алексей Созинов, ТР Язучылар берлеге рәисе Рафис Корбан, ТР Театр әһелләре берлеге рәисе Фәрит Бикчәнтәев, ТР Рәссамнар берлеге рәисе Зөфәр Гыймаев, ТР Композиторлар берлеге рәисе урынбасары Резедә Ахиярова һ.б. катнашты.

Бүген Россиядә эчке эшләр органнары хезмәткәре көне билгеләп үтелә. Һөнәри бәйрәм хөрмәтенә Казандагы "Пирамида" мәдәни-күңел ачу комплексында Татарстан Республикасы Президенты Рөстәм Миңнеханов һәм Татарстан Республикасы эчке эшләр министры Артем Хохорин җитәкчелегендә тантаналы чара узды.

"Граждан өчен полиция формасы кигән кеше хакимият, закон һәм гаделлекне гәүдәләндерә. Сезнең эшегез һәрвакыт намус, батырлык һәм чын күңелдән бирелеп эшләү символы булып торды. Шәһәр урамнарында тәртип, гражданнар тынычлыгы, аларның куркыныч янамавына ышанычы нәкъ менә сездән тора", - диде Рөстәм Миңнеханов, эчке эшләр органнары хезмәткәрләрен котлап.

«Хальдор Топсе» компаниясе – Татарстанның стратегик партнеры, һәм без сезнең белән киләчәктә дә хезмәттәшлек итәргә телибез. Бүген бу хакта Татарстан Республикасы Президенты Рөстәм Миңнеханов «Хальдор Топсе» компаниясе президенты Бъерне Клаусен әфәнде белән очрашуда хәбәр итте.

Очрашу Татарстан Республикасы Хөкүмәте Йортында узды.

Бүген көннең икенче яртысында Татарстан Республикасы Премьер-министры  Илдар Халиков Англия сәламәтлек саклау илкүләм хезмәте рәисе, Йорк университеты мактаулы ректоры, 5-100 проекты халыкара советы әгъзасы Малколм Грант белән очрашты. 

Очрашу Татарстан Республикасы Хөкүмәте Йортында узды, анда Татарстан Республикасы мәгариф һәм фән министрыы урынбасары Андрей Поминов, К(И)ФУ ректоры Илшат Гафуров һәм башкалар катнашты.

Татарстан нефть-газ химиясе комлпексының төп предприятиеләре 2015 елның январь-сентябрь айларында 136,6 млрд. сум табыш алдылар, бу былтыргы күрсәткечләрдән өчтән бер өлешкә артык. Бу хакта бүген Казанда узган «Татнефтехиминвест-холдинг» ААҖ директорлар советы утырышында билгеле булды. Утырышны Татарстан Республикасы Президенты Рөстәм Миңнеханов уздырды. 

Бүген Россия Федерациясе Хөкүмәте Рәисе Дмитрий Медведев 2016 – 2025 елларга «Россия Федерациясе субъектларында гомуми белем оешмаларында яңа урыннар булдыруга ярдәм» программасы буенча селектор киңәшмә уздырды.

Киңәшмә «Горки» (Мәскәү өлкәсе) резиденциясендә узды.

Видеоконференцэлемтә режимында киңәшмәдә федерация субъектлары башлыклары катнашты.

Татарстан Республикасы ягыннан чарада Татарстан Республикасы Президенты Рөстәм Миңнеханов катнашты.  

Бүген Татарстан Республикасы Президенты Матбугат хезмәте җитәкчесе  Андрей Кузьмин, имеш, республикада әзерләнүче терактлар һәм диверсияләр турында социаль челтәрләрдә таратыла торган хәбәрләргә комментарийлар бирде.

«Рәсми рәвештә белдерәсем килә, халыкка янаулар, әзерләнүче терактлар һәм диверсияләр турындагы барлык хәбәрләр – болар бар да провокация!» – дип белдерде Андрей Кузьмин. – Кемнеңдер җәмгыятьтә паника һәм киеренкелек тудырасы килә. Тиешле структуралар, эчке эшләр органнары тикшеренүләр  алып бара – социаль челтәрләрдә мондый мәгълүмат кайдан килгән һәм аны кем тарата. Аннары бу хәлләргә хокукый бәя биреләчәк».