Татарстан Президенты Указы белән кандидатурасын ТР Дәүләт Советы раслаганчы ТР Премьер-министры урынбасары - ТР сәнәгать һәм сәүдә министры вазифаларын башкаручы итеп "Химград" ААҖ директорлар советының элеккеге рәисе Альберт Кәримов билгеләнде. Бу вазифаны башкарган Равил Зарипов ТР Президентының авиакомплекс буенча ярдәмчесе итеп билгеләнде.

Бүген Татарстан Республикасы Президенты Рөстәм Миңнеханов Казанда  Иске Татар Бистәсе территориясендәге торгызу эшләре һәм Яңа Татар Бистәсен үстерү мәсьәләләре белән танышты. Аны ТР Президенты Аппараты Җитәкчесе Әсгать Сәфәров, Татарстан Республикасы Президенты ярдәмчесе Олеся Балтусова, Казан мэры Илсур Метшин, Татарстан Республикасы төзелеш, архитектура һәм ТКХ министры Ирек Фәйзуллин, Татарстан Республикасы мәдәният министры Айрат Сибәгатуллин, Татарстан Республикасы Прокуроры Илдус Нәфыйков, Казан шәһәренең баш архитекторы Татьяна Прокофьева һәм башкалар озата йөрде. 

Бүген Яшел Үзән Мәдәният йортында А.М.Горький исемендәге Яшел Үзән суднолар төзү заводы оешуга 120 ел тулу уңаеннан тантаналы чара узды. Тантанада ТР Премьер-министры Илдар Халиков, РФ Оборона министрлыгы вәкилләре, республика министрлыклары һәм ведомстволары, ТР машина төзү предприятиеләре һәм Яшел Үзән районы хакимияте  җитәкчеләре катнашты.

Бүген Яшел Үзән шәһәрендә “Кызыл металчы” торак комплексының беренче чиратын файдалануга тапшыру тантанасы узды. Бу чарада Татарстан Республикасы Премьер-министры Илдар Халиков, РФ Оборона министрлыгы идарәсе башлыгы Павел Печковский, “А.М.Горький исемендәге Яшел Үзән суднолар төзү заводы” ААҖ генераль директоры Ренат Мистахов, ТР министрлыклары һәм ведомстволары вәкилләре катнашты.  

Татарстан Республикасында 2015 елның 10 аенда авыл хуҗалыгы тулай продукциясенең күләме 189,4 млрд сум тәшкил иткән.

Бу хакта бүген ТР Хөкүмәте йортында узган республика киңәшмәсендә ТР Премьер-министры урынбасары – ТР авыл хуҗалыгы һәм азык-төлек министры Марат Әхмәтов хәбәр итте.

Киңәшмәне республиканың муниципаль районнары белән видеоконференцэлемтә режимында ТР Премьер-министры Илдар Халиков уздырды.

ТР буенча Дәүләт хезмәт инспекциясенең оператив мәгълүматларына буенча 2015 елның гыйнвар-ноябрь айларында төзелеш тармагында 42 бәхетсезлек очрагы булган, шул исәптән 26 кеше каты имгәнгән һәм 16 кеше үлгән.

Бүген ТР Хөкүмәте йортында узган республика киңәшмәсендә шундый мәгълүмат хәбәр ителде.

Киңәшмәне республика муниципаль районнары белән видеоконференцэлемтә режимында ТР Премьер-министры Илдар Халиков уздырды.

Татарстан Республикасы Премьер-министры Илдар Халиков салым хезмәте хезмәткәрләрен Россия Федерациясе салым органнары оешуга 25 ел тулу белән котлады.

“Хөрмәтле салым органнары хезмәткәрләре! Татарстан Республикасы Хөкүмәте һәм шәхсән үз исемемнән сезне Россия Федерациясе салым органнары оешуга 25 ел тулу белән котлыйм, -диелә котлау текстында. - Сезне бу матур дата белән котлавыма шатмын. 25 ел - кеше тормышындагы кебек көчле, белем тупланган һәм дөньяны яхшыга үзгәртергә әзер булган бик матур вакыт”.

Бүген Татарстан Республикасы Президенты Рөстәм Миңнеханов Люксембургка эш сәфәре кысаларында (2015 елның 19-20 ноябре) «Мангров кэпитал» (Mangrove Capital) венчур фонды идарәче партнерлары белән очрашты. Очрашу Люксембургның Сәүдә палатасында узды.
«Мангров кэпитал» фондына нигез салучы һәм генераль директоры Марк Тлуц, хәбәр иткәнчә, ул Казанда берничә мәртәбә булган. Мин Люксембург белән Татарстан арасында бик күп уртак нәрсәләр күрәм, диде ул.

Без Люксембург бизнесын һәм капиталын Татарстанга җәлеп итәргә телибез һәм үзара файдалы элемтәләрне киңәйтүгә шат булачакбыз. Бүген бу хакта Татарстан Республикасы Президенты Рөстәм Миңнеханов Люксембург Сәүдә палатасында булганда хәбәр итте.

Искәртәбез Рөстәм Миңнеханов җитәкчелегендәге Татарстан делегациясе Бөек Люксембург Герцоглыгына эш сәфәре (2015 елның 19-20 ноябре) кыла.

Бүген Казан федераль университетының Актлар залында Казан университетының нигезләнү көненә багышланган КФУ гыйльми советының тантаналы киңәйтелгән утырышы узды.

Ул символик вакыйга белән аталды – ТР Дәүләт Киңәшчесе, Татарстанның беренче президенты Минтимер Шәймиевкә “Казан (Идел буе) федераль университетының шәрәфле докторы” исеменә истәлек билгесен тапшыру.