Казанда Дәүләт думасының энергетика буенча комитетының күчмә утырышы узды, ул Россия ягулык базарының, шулай ук табигый газны мотор ягулыгы сыйфатында куллануны киңәйтү өлкәсендә дәүләт сәясәтен гамәлгә ашыруның төп мәсьәләләренә багышланган иде.

Утырышны Дәүләт думасының энергетика буенча комитеты рәисе Павел Завальный уздырды.

Бу чарада ТР Премьер-министры урынбасары Шамил Гафаров, РФ энергетика министры урынбасары Кирилл Молодцов, “Газпром газомоторное топливо” ҖЧҖ генераль директоры Михаил Лихачев катнашты.

Бүген Татарстан Республикасы Президенты Рөстәм Миңнеханов бүген Казанда II Православие җәмәгатьчелеге форумында чыгыш ясады. Чара "Корстон" кунакханә комплексында узды. Анда шулай ук ТР Президенты Аппараты җитәкчесе Әсгать Сәфәров, II Татарстан Республикасы Православие җәмәгатьчелеге форумын оештыру комитеты җитәкчесе, ТР Премьер-министры урынбасары Васил Шәйхразыев, ТР Дәүләт Советы Рәисе урынбасары Юрий Камалтынов, РПЧ Татарстан Митрополиясе башлыгы, Казан һәм Татарстан Митрополиты Феофан, Үзәк Диния нәзарәте рәисе, Россия Баш мөфтие Тәлгать хәзрәт Таҗетдин, дини һәм иҗтимагый оешмалар, предприятиеләр, бизнес даирәләр җитәкчеләре катнашты. 

Бүген иртән Татарстан Республикасы Президенты Рөстәм Миңнеханов республика әһәмиятендәге мәдәни мирас объекты – Cошествие Святого Духа чиркәвендә булды.

Кичә, 2015 елның 25 ноябрендә, Россия Тикшерү комитеты Рәисе Александр Бастрыкин Татарстан Республикасы Президенты Рөстәм Миңнехановка һәм Татарстан Республикасы Дәүләт Советы Рәисе Фәрит Мөхәммәтшинга   Россия Федерациясе Тикшерү комитетының «Ярдәм күрсәткән өчен» медальләрен тапшырды.

Бүләкләү Россия Федерациясе Тикшерү комитетының Татарстан Республикасы буенча Тикшерү идарәсендә уздырылды.

Бүген Татарстан Республикасы Дәүләт Киңәшчесе Минтимер Шәймиев Екатеринбургка Борис Ельцинның Президент үзәген ачуда катнашу өчен килде.

Тантанада шулай ук Казан мэры Илсур Метшин һәм “Казан Кремле” музей-саклаулыгы директоры Зилә Вәлиева катнашты. 

ТР Хөкүмәте йортында бүген ТР Министрлар Кабинеты һәм Рус Православие иске обряд чиркәвенең Казан-Вятка епархиясе арасында хезмәттәшлек турында килешү имзалау тантанасы узды. Документка Татарстан Премьер-министры Илдар Халиков һәм Рус Православие иске обряд чиркәвенең Казан-Вятка епархиясе епискобы Евфимий (Евгений Дубинов) имзаларын куйды.

ТР Хөкүмәте йортында бүген ТР Министрлар Кабинеты белән ТР мөселманнары Диния нәзарәте һәм Рус православие чиркәвенең  (Мәскәү Патриархаты) Татарстан митрополиясе арасында хезмәттәшлек турында килешү имзалау тантанасы узды. Анда Татарстан Премьер-министры Илдар Халиков, ТР мөселманнары Диния нәзарәте рәисе, мөфти Камил хәзрәт Сәмигуллин һәм Рус православие чиркәвенең Татарстан митрополиясе башлыгы, Казан һәм Татарстан митрополиты Феофан катнашты.

Бүген Татарстан Республикасы Президенты Рөстәм Миңнеханов һәм Чечен Республикасы Башлыгы Рамзан Кадыйров Грозныйда «КАМАЗ» ГАҖнең махсус техникасы күргәзмәсен карадылар. Аларны Россия Федерациясе Федераль Собраниесе Дәүләт Думасы депутаты Адам Делимханов, Чечня Парламенты Рәисе Мөхәммәд Даудов, Чечен Республикасы Башлыгының һәм Хөкүмәтенең администрациясе җитәкчесе Ислам Кадыйров, «КАМАЗ» ГАҖ гендиректоры Сергей Когогин һәм башка рәсми затлар озата йөрде.  

Без Татарстан Республикасының, Мәскәү һәм илнең тагын берничә төбәге белән беррәттән, Кореянең стратегик партнеры булуы белән горурланабыз. Бу хакта бүген Татарстан Республикасы Премьер-министры Илдар Халиков “Корея – Татарстан” ассоциациясе җитәкчесе Су-Мен Ким белән очрашуда белдерде.

Очрашу ТР Хөкүмәте йортында узды.

Бүген Грозный шәһәренә эш визиты кысаларында Татарстан Республикасы Президенты Рөстәм Миңнеханов Центарой авылында Чечня Республикасының беренче Президенты, Россия Герое Әхмәт-Хаҗи Кадыйров каберен зиярәт кылды. Аны Чечня Республикасы Башлыгы Рамзан Кадыров озата барды.