Бүген “Казан” халыкара аэропортында “Боинг–737" очкычы һәлакәтенә өч ел тулуга багышланган матәм митингы булды, анда 50 кеше һәлак булган иде.  

Бу чарада Татарстан Премьер-министры Илдар Халиков, ТР транспорт һәм юл хуҗалыгы министры Ленар Сафин, ТР хезмәт, мәшгульлек һәм социаль яклау министры Эльмира Зарипова, ТР мәдәният министры Айрат Сибагатуллин, шулай ук һәлак булганнарның  туганнары катнашты.

Татарстан Республикасы Премьер-министры Илдар Халиков бүген төбәк инжиниринг һәм прототиплаштыру үзәкләренең сәнәгать предприятияләре белән хезмәттәшлеген ныгыту мәсьәләләре буенча   киңәшмә уздырды.

Бу чара ТР Хөкүмәт йортында узды, анда  ТР Сәнәгать һәм сәүдә министрлыгы, ТР Мәгариф һәм фән министрлыгы вәкилләре, инжиниринг һәм прототиплаштыру үзәкләре җитәкчеләре катнашты.

Бүген Татарстан Республикасы Президенты Рөстәм Миңнеханов һәм РФ Генераль прокурорының беренче урынбасары Александр Буксман РФ Генераль прокуратурасы Академиясенең Казан юридик институты (филиалы) ачылышында катнаштылар. Вуз академиянең төбәк бүлекчәләре системасында дүртенче булачак. Алданрак филиаллар Санкт-Петербургта, Иркутскида һәм Кырым Республикасында ачылган. Институтта 100 гә якын студент белем алачак.12 педагог белем бирә, шуларның 9ы гыйльми дәрәҗәгә һәм исемнәргә ия.

Бүген Идел буе спорт һәм туризм академиясендә (Казан) ТР Премьер-министры “Мәктәп экопатруле” хәрәкәтенең иң уяу яшьләрен бүләкләде. Яшь экологлар оештыру комитеты адресына табигатьне саклау кануннарын бозуны раслаган 5 меңнән артык фотодәлил юллаган.

Мәктәп укучылары укудан буш вакытларында мобиль җайланмалары камераларына тиешсез урыннарда яткан чүплекләрне төшереп, Татарстанның Экология министрлыгына юллаганнар. Белгечләр алар хәбәр иткән урыннарга чыгып, чүплекләрне бетерү буенча чаралар күргән. Шул ук вакытта хәбәр җибәргән һәр кешегә бу турыда телефон аша нәтиҗәсен җиткергәннәр.

Татарстанда республикадан “Марс” компаниясен чимал белән тәэмин итеп торачак эшче төркем төзелә. Россия вәкиллеге инде Татарстан Республикасы тәкъдимен карау буенча йөкләмә алган.

Бу хакта Татарстан Хөкүмәте йортында узган брифингта ТР инвестиция үсеше агентлыгы җитәкчесе Талия Миңнуллина җиткерде.

Исегезгә төшерәбез: брифинг ТР Президенты Рөстәм Миңнеханов җитәкчелегендәге делегациянең АКШка эшлекле сәфәре нәтиҗәләренә багышланган иде.

Бүген Татарстан Республикасы Президенты Рөстәм Миңнеханов Татарстан Республикасы ДОСААФ белем бирү оешмалары җитәкчеләренә LADA GRANTA яңа автомобильләр ачкычлары тапшырды.

Тантана Татарстан Республикасы буенча ЭЭМның ЮХИДИИ мәйданчыгында (Казан, Оренбург тракты) узды.

Рөстәм Миңнеханов ышанып әйткәнчә, бу 100 яңа автомобиль Татарстан Республикасы ДОСААФның автомәктәпләре матди-техник базасын ныгытачак, машина йөртүчеләрне сыйфатлы әзерләүне тәэмин итәчәк. 

Бүген Татарстан Республикасына эш визиты белән Россия Федерациясе генераль прокуроры урынбасары Адександр Буксман килде.

Бүген Татарстан Республикасы Президенты Рөстәм Миңнехановның статс-секретарь – Россия Федерациясе оборона министры урынбасары Николай Панков белән очрашты. Очрашу кысаларында Татарстан Республикасы Хөкүмәте белән РФ Оборона министрлыгының "Армиянең үзәк спорт клубы" федераль автоном учреждениесе («ЦСКА») арасында Хезмәттәшлек турында килешү имзаланды. Документка имзаларын ТР Премьер-министры Илдар Халиков һәм «ЦСКА» РФ ОМ ФАУ башлыгы Михаил Барышев куйды. 

Бүген Татарстан Республикасы Президенты Рөстәм Миңнеханов «Хальдор Топсе» (Дания) компаниясе президенты Бъерне Клаусен белән очрашты. Очрашу Татарстан Республикасы Хөкүмәте Йортында узды. Очрашуда шулай ук Татарстан Республикасы Премьер-министры урынбасары – мәгариф һәм фән министры Энгель Фәттахов, Татарстан Республикасы Президенты ярдәмчесе Ринат Сабиров, Татарстан Республикасы сәнәгать һәм сәүдә министры урынбасары Алмаз Хөсәенов, «ТАИФ» ГАҖ генераль директоры Альберт Шиһабетдинов, «Аммоний» АҖ Директорлар советы рәисе Ринат Ханбиков, «ТАНЕКО» АҖ генераль директоры Леонид Алехин, «Татнефтехиминвест-холдинг» ААҖ генераль директоры Рафинат Яруллин, республиканың әйдәүче югары уку йортлары вәкилләре катнашты. 

Бүген Татарстан Республикасы Президенты Рөстәм Миңнеханов Һиндстан Республикасының Россия Федерациясендәге Гадәттән тыш һәм Тулы вәкаләтле Илчесе Панкадж Саран белән очрашты. Очрашу Казан Кремлендә Татарстан Президенты резиденциясендә узды. 

Кунакларны сәламләп, Рөстәм Миңнеханов билгеләп үткәнчә, соңгы елларда Һиндстан социаль-икътисадый үсештә җитди уңышларга иреште һәм халыкара аренада үзенең абруен ныгытты.