Рөстәм Миңнеханов РФ ФС Федерация Советының Фән, мәгариф һәм мәдәният комитеты каршындагы Экспертлар советы әгъзасы В.В. Самойлов белән очрашты

Бүген Татарстан Республикасы Президенты Рөстәм Миңнеханов РФ ФС Федерация Советының Фән, мәгариф һәм мәдәният комитеты каршындагы Экспертлар советы әгъзасы В.В. Самойлов белән очрашты.

Рөстәм Миңнеханов Көньяк Моравия крае гейтманы Ян Гролих белән видеоконференция режимында очрашты

Бүген төштән соң Татарстан Республикасы Президенты Рөстәм Миңнеханов Көньяк Моравия крае гейтманы Ян Гролих белән очрашты.

Очрашу видеоконференция режимында узды. Рөстәм Миңнеханов билгеләп үткәнчә, мондый очрашуларның форматы гадәти күренешкә әверелде, һәм барыбыз да яңа шартларда эшләргә өйрәндек.

Ышанам ки, бүгенге аралашу хезмәттәшлекне киңәйтүгә ярдәм итәчәк, диде Рөстәм Миңнеханов. Ул Татарстан делегациясенең 2019 елда «Данафлекс» компаниясе заводын ачу тантанасында, Россия Федерациясе һәм Чехия Республикасы арасында икътисадый, фәнни-техник хезмәттәшлек буенча Хөкүмәтара комиссия утырышында катнашу өчен Чехиягә визиты өчен рәхмәт белдерде.

Рөстәм Миңнеханов сүзләренчә, бүгенге көндә эшлекле элемтәләрне саклап калу һәм ныгыту мөһим бурыч булып тора. Безнең бурыч – бизнеска дөрес сигнал бирү, диде ул һәм уртак проектларга ярдәм итүләре өчен рәхмәт белдерде.

Кызганычка каршы, узган ел безнең товар әйләнеше сизелерлек кимеде, диде Татарстан Президенты, әмма быел беренче яртыеллык инде үсеш күрсәтә.

Безнең хезмәттәшлек өчен һәрвакыт шартлар булды һәм бар, шул исәптән төбәкара дәрәҗәдә – Татарстан белән Чехиянең Көньяк Моравия крае арасында уртак проектларны гамәлгә ашыру өчен яхшы механизмнар булдырылган. Чехия компанияләре Татарстанда уңышлы эшли, даими рәвештә эшлекле даирәләр очрашып тора.

Рөстәм Миңнеханов искәрткәнчә, Татарстанда декабрь башында Машина төзелеше ярминкәсе («Машина төзелеше. Металл эшкәртү. Эретеп ябыштыру. Казан») күргәзмәсе  кысаларында эшче төркем утырышын уздырырыга әзербез. Ул Көньяк Моравия крае делегациясен әлеге чарада катнашырга чакырды. 

Алексей Песошин Казанның 175 нче гимназиясе педагоглары һәм хезмәткәрләренә ТР дәүләт бүләкләрен тапшырды

Татарстан Премьер-министры Алексей Песошин бүген Казанның 175 нче гимназиясе педагогларына һәм хезмәткәрләренә Татарстан Республикасының дәүләт бүләкләрен тапшырды. 

Бүләкләү тантанасы ТР Хөкүмәте йортында узды.

Рөстәм Миңнеханов: Татарстан БДИдә 100 баллы нәтиҗәләр буенча Россиянең иң яхшы биш төбәге арасына керә

Татарстанда мәгариф системасы бай тарихка ия һәм үз эченә Европаның, илебезнең һәм милли гореф-гадәтләрне берләштерә. Без прогресс өчен ачык һәм киләчәккә ышанычлы карыйбыз. Бүген бу хакта Татарстан Республикасы Президенты Рөстәм Миңнеханов Халыкара укытучылар көненә багышланган чарада хәбәр итте. Тантана «Пирамида» мәдәни-күңел ачу комплексында (Казан) узды.

Бөтенроссия халык санын алуда Татарстанда 8,5 меңнән артык кеше катнашачак

Бөтенроссия халык санын алучыларның 70%ы коронавирустан прививка ясаткан яисә авырып терелгән. Бу хакта ТР Министрлар Кабинетында узган брифингта Федераль дәүләт статистика хезмәтенең Татарстан Республикасы буенча территориаль органы (Татарстанстат) җитәкчесе Наталья Гатауллина хәбәр итте.

Рөстәм Миңнеханов Токиода 2020 елгы XXXII җәйге Олимпия уеннары җиңүчеләренә һәм призерларына Татарстан Республикасы дәүләт бүләкләрен тапшырды

Бүген Казан Кремлендә Татарстан Республикасы спортчыларын – 2020 елда Токиода XXXII җәйге Олимпия уеннарында җиңүчеләрне һәм призерларны хөрмәтләделәр.

Олимпиячеләрне спорттагы җиңүләре белән Татарстан Республикасы Президенты Рөстәм Миңнеханов котлады.

Иннополис университетында ясалма интеллект буенча тикшеренү үзәге булдырылачак

Иннополис университеты “Ясалма интеллект” федераль проекты кысаларында 2024 елга кадәр ясалма интеллект буенча тикшеренү үзәге булдырырга федераль грант алды. Бу үзәк кысаларында ИТ- югары уку йорты бизнес һәм икътисадның өстенлекле тармаклары өчен экспорт-юнәлешле платформа карарлар эшләячәк.