Бүген Татарстан Республикасы Президенты Рөстәм Миңнеханов Хакасия Республикасы Башлыгы – Хакасия Республикасы Хөкүмәте Рәисе Валентин Коновалов белән очрашты.

Очрашу Көнчыгыш икътисади форумы кырларында узды.

Очрашуда Татарстан Республикасы белән Хакасия Республикасы арасында сәүдә-икътисади, фәнни-техник, социаль һәм мәдәни хезмәттәшлек турында Килешү имзаланды.

Бүген Татарстан Республикасы Президенты Рөстәм Миңнеханов һәм Ростуризм җитәкчесе Зарина Догузова туристлык тармагын үстерү мөмкинлекләре турында фикер алыштылар.

Очрашу Көнчыгыш икътисади форумы кырларында узды.

Бүген Татарстан Республикасы Президенты Рөстәм Миңнеханов Владивосток Диңгез сәүдә портында булды.

Искәртеп узабыз, Рөстәм Миңнеханов эш сәфәре белән Ерак Көнчыгышта. Сәфәрнең төп максаты - Көнчыгыш икътисади форумында катнашу.

Владивосток Диңгез сәүдә порты - ел саен 5 млн тонна генераль йөк һәм нефть продуктлары, 150 мең берәмлек автомобиль һәм тәгәрмәч техникасы һәм 670 мең TEU контейнер йөге сыйдырышлы Россиянең Ерак Көнчыгышындагы иң эре порт.

Биредә Рөстәм Миңнеханов FESCO линия-логистика дивизионы буенча вице-президент Герман Маслов белән очрашты.

Бүген Татарстан Республикасы Дәүләт Киңәшчесе Минтимер Шәймиев һәм ТР Дәүләт Советы Рәисе Фәрит Мөхәммәтшин Татарстанның Халык шагыйре, Г. Тукай исемендәге Дәүләт премиясе лауреаты танылган сәясәтче һәм җәмәгать эшлеклесе Роберт Мөгаллим улы Миңнуллинга мемориаль такта ачу тантанасында катнаштылар.

Мемориаль такта Толстой урамындагы йортның фасадына куелган, анда Роберт Миңнуллин гомеренең соңгы елларын үткәргән. Авторы – «Россия Рәссамнар берлеге» БИИО «Татарстан Рәссамнар берлеге» ТБнең әгъзасы скульптор Тимофей Тюрин.

Бүген Иннополис Университетында «Matriculation Ceremony & Graduation Party» дип аталган чара узды. Анда Татарстан Республикасы Премьер-министры урынбасары Роман Шәйхетдинов катнашты. Тантанада шулай ук Университет директоры Кирилл Семенихин, Иннополис мэры Руслан Шаһгалиев һәм башка кунаклар катнашты.

Әлмәттә Нефть һәм газ сәнәгате хезмәткәрләре көненә һәм Әлмәт шәһәре Көненә багышланган бәйрәмнең тантаналы өлеше узды. Тантанада Татарстан Республикасы Президенты Рөстәм Миңнеханов, «Татнефть» ГАҖ генераль директоры Наил Маһанов, башка рәсми затлар, мактаулы нефтьчеләр, нефть һәм газ тармагы хезмәткәрләре, хезмәт коллективлары вәкилләре катнашты.

Бүген Әлмәттә Татарстан Республикасы Президенты Рөстәм Миңнеханов Риза Фәхретдин исемендәге бульварда булды.

Исегезгә төшерәбез, Рөстәм Миңнеханов Әлмәткә нефть һәм газ сәнәгате хезмәткәре көнен бәйрәм итү уңаеннан оештырылган тантаналарда катнашу өчен эш сәфәренә килде. Аны Әлмәт муниципаль районы башлыгы Тимур Нагуманов, «Татнефть» ГАҖ генераль директоры Наил Маһанов һәм башкалар озата йөри.

Бүген Казанда «Казан» агросәнәгать паркы базасында бакчачы көнен бәйрәм итү оештырылды. Шунда ук Лаеш, Питрәч районнары һәм Чаллы шәһәре бакчачылары продукциясе күргәзмәсе үтә.

Мәйданчыкта Татарстан Республикасы Премьер-министры Алексей Песошин булды.

Бүген Әлмәттә сәнгать мәктәбе ачылды (Җәлил ур., 9). Бүген бу хакта Татарстан Республикасы Президенты Рөстәм Миңнеханов мәктпне тантаналы ачуда катнашты.

Исегезгә төшерәбез, 4 катлы бинаны реконструкцияләү эшләре 2021 елда башланган иде. Әлмәт сәнгать мәктәбенә скульптура, сәнгатьле фотография, сынлы сәнгать, компьютер графикасы, сәнгать тарихы һ.б. сыйныфлар керә.

Бүген Татарстан Республикасы Президенты Рөстәм Миңнеханов Әлмәт муниципаль районында эш сәфәрендә. Сәфәрнең төп максаты – нефть һәм газ сәнәгате хезмәткәрләре көнен бәйрәм итүгә багышланган чараларда катнашу.