Бүген Татарстан Республикасы Премьер-министрының беренче урынбасары Рөстәм Нигъмәтуллин барысын да Ватаннан читтә хезмәт бурычын үтәгән россиялеләрне искә алу көне белән котлады. Россиядә бу көн 15 февральдә билгеләп үтелә.

Татарстан Республикасы Хөкүмәте Йортында 2022 елның 24-27 ноябрендә Болгариядә онлайн-форматта узган информатика буенча XIV халыкара көзге турнир җиңүчеләре һәм призерларын бүләкләү тантанасы узды. Анда Татарстан Республикасы Премьер-министры урынбасары Роман Шәйхетдинов, Татарстан Республикасы мәгариф һәм фән министры урынбасары Рәмис Мөҗипов һәм Иннополис Университеты ректоры Александр Тормасов катнашты.

Бүген Татарстан Республикасы Премьер-министры вазыйфаларын башкаручы Рөстәм Нигъмәтуллин Чистай муниципаль районына эш сәфәре кылды.

Чистай муниципаль районы башлыгы Дмитрий Иванов озатуында Рөстәм Нигъмәтуллин «Бетар» ПКФ» ҖЧҖ җитештерү комплексында булды, анда пластмассадан эшләнмәләр җитештерү цехы, инструмент җитештерү үзәге, җайланмалар эшләү һәм җитештерү үзәге эшчәнлеге белән танышты, шулай ук төп корпусны (үлчәү приборларын җыю цехын) карады.

Аннары «Чистай» мәдәният үзәгендә Чистай муниципаль районы Советының 2022 елдагы эш йомгакларына һәм 2023 елга бурычларга багышланган утырышы узды.

Бүген Татарстан Республикасы Рәисе Р.Н. Миңнеханов "Куйбышев исемендәге флотның ремонт базасы" ЯАҖ Директорлар советы рәисе С.В. Фофанов мбелән очрашты. Очрашу ТР Хөкүмәт Йортында узды.

Предприятиене үстерү мәсьәләләре, үзара файдалы хезмәттәшлек буенча алдагы адымнар буенча фикер алышынды.

Бүген Татарстан Республикасы Рәисе  Рөстәм Миңнеханов Татарстан Республикасында Педагог һәм остаз елына старт бирде.

Тантаналы чара Казан федераль университетының Филология һәм мәдәниятара багланышлар институты бинасында узды.

Чара башланганчы Рөстәм Миңнеханов КФУның ИФМК эше белән танышты, югары уку йортының уку аудиторияләрендә булды.

«Россия – Ислам дөньясы: KazanForum 2023» ХIV халыкара икътисадый форумы 2023 елның 18-20 маенда «Казан Экспо» халыкара күргәзмә үзәге мәйданчыгында узачак. Форум кысаларында 200гә якын чара планлаштырылган. Бүген үк инде «Россия – Ислам дөньясы: KazanForum 2023» ХIV халыкара икътисадый форумы программасы белән чара сайтында танышырга мөмкин - https://kazanforum.ru/program/

Бүген бу хакта Татарстан Республикасы Хөкүмәте Йортында уздырылган традицион брифингта ММЧ вәкилләренә хәбәр иттеләр.

Бүген Цифрлы үсешкә ярдәм итү ассоциациясенең чираттагы утырышы узды. Чара Казан дәүләт энергетика университеты базасында узды. Татарстан Республикасында Университет технологик эшкуарлыгын үстерүгә багышланган утырышта Татарстан Республикасы Президенты Рөстәм Миңнеханов катнашты.

Бүген Татарстан Республикасы Рәисе Рөстәм Миңнеханов Казан дәүләт энергетика университеты янында урнашкан «Энергетикларга багышлана» мемориалына чәчәкләр салды.

Әлеге тантанасында Казан дәүләт энергетика университеты ректоры Эдвард Абдуллаҗанов, «Юл хәрәкәте куркынычсызлыгы» ДБУ директоры, Цифрлы үсешкә ярдәм итү ассоциациясе Советы рәисе Рифкать Миңнеханов катнашты.

Бүген Татарстан Республикасы Рәисе Рөстәм Миңнеханов «СО ЕЭС» АҖ идарәсе рәисе Федор Опадчий белән очрашты.

Очрашу ТР Хөкүмәт Йортында узды, республиканың энергетика системасын үстерү мәсьәләләре буенча фикер алыштылар.

Рөстәм Миңнеханов билгеләп үткәнчә, республикада Идел буенда иң эре һәм илнең иң эре энергетика системаларының берсе эшли.

Төбәкара хезмәттәшлекне ныгыту мәсьәләләре Татарстан Республикасы Рәисенең Адыгәй Республикасы Башлыгы Морат Кумпилов белән очрашуында каралды.

Очрашу бүген  төштән соң Казан Кремлендә узды.