Татарстан Рәисе Рөстәм Миңнеханов җиденче чакырылыш республика Дәүләт Советының унбишенче утырышында катнашты. Анда шулай ук ТР Премьер-министры Алексей Песошин, РФ сенаторлары һәм Дәүләт Думасы депутатлары, Хөкүмәт әгъзалары, юнәлеш министрлыклары һәм ведомстволары, муниципаль берәмлекләр җитәкчеләре катнашты. Утырышны Дәүләт Советы Рәисе Фәрит Мөхәммәтшин аып барды.

Татарстан Рәисе Рөстәм Миңнеханов Россия Федераль Иминлек хезмәтенең Саратов һәм Самара өлкәләре буенча Чик буе идарәсе башлыгы Юрий Урванов белән очрашты. Очрашу ТР Хөкүмәте Йортында узды.

Бүген Татарстан Республикасы Рәисе Рөстәм Миңнеханов Мәскәүдә «Татарстан якташлыгы» төбәк иҗтимагый оешмасы вәкилләре белән очрашты.

Очрашу Пашков йортында (Мәскәү, Воздвиженка ур.) узды.

Чара башланганчы Рөстәм Миңнеханов өчен Пашков йорты буйлап экскурсия уздырдылар. Хәзер бина Россия Дәүләт китапханәсенә карый, Мәскәүдә архитектура һәйкәлләренең берсе булып тора.

Татарстан торак тапшыру күләме буенча Идел буе федераль округында беренче урында һәм Россиядә бишенче урында тора. Бу хакта ТР Министрлар Кабинетында узган брифингта ТР төзелеш, архитектура һәм ТКХ министры Марат Айзатуллин хәбәр итте.

Бүген Түбән Новгородта РФ Иминлек советының Идел буе федераль округында күчмә киңәшмәсе узды. Киңәшмәне РФ Иминлек Советы секретаре Сергей Шойгу уздырды. Иминлекне тәэмин итү, махсус хәрби операция шартларында критик мөһим объектларны террорчылык һөҗүмнәреннән саклау мәсьәләләре буенча фикер алыштылар.

Татарстан Рәисе Рөстәм Миңнеханов 2025 елның 9 аенда республиканың берләштерелгән бюджеты үтәлеше йомгаклары буенча финанс, казначылык һәм салым органнарының республика киңәшмәсен уздырды. Чара ТР Хөкүмәте Йортында узды. Анда Татарстан Премьер-министры Алексей Песошин катнашты.

Казанда Бөтенроссия гимнастика көне фестивален ачу тантанасы узды. Чарада Татарстан Премьер-министры Алексей Песошин һәм «Россия тимер юллары» ААҖ генераль директоры - идарә рәисе, Россия гимнастика федерациясе президенты Олег Белозеров катнашты.

Социаль-мәдәни объектларны капиталь ремонтлау эшләре тәмамланып килә - программа йөкләмәләренең күбесе үтәлгән, ә калганнары югары дәрәҗәдә әзер. Бу хакта ТР төзелеш, архитектура һәм торак-коммуналь хуҗалык министрының беренче урынбасары Дамир Шәйдуллин ТР Хөкүмәте Йортында узган республика киңәшмәсендә хәбәр итте. Киңәшмәне видеоконференцэлемтә режимында Татарстан Премьер-министры Алексей Песошин уздырды. Анда ТР Дәүләт Советы Рәисе Фәрит Мөхәммәтшин катнашты.

Татарстан Премьер-министры Алексей Песошин «Октябрьский – Урыссу» автомобиль юлында Ык елгасы аша реконструкцияләнгән күпер аша хәрәкәт ачу тантанасында катнашты.

Бүген Казанда «Бәллүр йолдызчыклар» бөтенроссия конкурсының гала-концерты булды. Чара Идел буе дәүләт физик культура, спорт һәм туризм университеты базасында узды.

Гала-концерт суд приставлары институтына нигез салынуның 160 еллыгына багышланды. Суд приставларының федераль хезмәте «Бәллүр йолдызчыклар» бөтенроссия балалар фестиваль-конкурсының финалын инде 18 нче тапкыр уздыра.