Бүген Татарстан Республикасы Хөкүмәте Йортында "Татнефтехиминвест-холдинг" ААҖ директорлар Советы утырышы узды.

Утырышны Татарстан Президенты - "Татнефтехиминвест-холдинг" ААҖ директорлар Советы рәисе Рөстәм Миңнеханов үткәрде.

Утырышта Россия Фәннәр Академиясе академигы Илья Моисеев чыгыш ясады. Аның чыгышы ягулыклар индустриясе һәм нефтехимия мәнфәгатьләрендәге бактериаль синтез мәсьәләләренә багышланган иде.

2010 елның 25нче апреленнән 15нче сентябренә кадәр Татарстан Республикасында “Курорт” планы үткәреләчәк. Әлеге план кысаларында ТР буенча эчке эшләр министрлыгы гражданнарның күмәкләшеп ял итү урыннарына аеруча зур игътибар юнәлтәчәк, елга һәм башка сулыкларда гражданнарның куркынычсызлыгын тәэмин итү буенча чаралар профилактикасы үткәреләчәк.

Моннан кала, су коену сезоны башлану белән “Акватория” операциясе дә старт ала.

Ул хакта бүген хокук бозулар профилактикасы буенча хөкүмәт комиссиясе утырышында ТР буенча эчке эшләр министры урынбасары – ТР буенча эчке эшләр министрлыгының иҗтимагый куркынычсызлык милициясе башлыгы Евгений Дәүләтшин хәбәр итте.

Утырыш видеоконференция тәртибендә узды. Чарада республиканың барлык муниципаль районнары да катнашты. Утырышны ТР Премьер-министры вазифаларын башкаручы Равил Моратов үткәрде.

Бүген, 26нчы март көнне, Татарстан Республикасы Президенты Рөстәм Миңнеханов Татарстан Республикасы Министрлар Кабинетының үз вәкаләтләрен туктату турындагы гаризасын кабул итте һәм республика Хөкүмәтенә Татарстан Республикасы Министрлар Кабинетының яңа составы формалашканчыга кадәр эшне дәвам итәргә күрсәтмә бирде.

Бүген Татарстан Президенты Рөстәм Миңнеханов Россия Президенты каршындагы физик культура һәм спорт, югары ирешүләр спорты, 2014 елда Сочида узачак XXII кышкы Олимпия уеннары һәм XI кышкы Паралимпия уеннарына әзерләнү һәм аларны үткәрү, 2013 елда Казанда узачак XXVII Бөтендөнья җәйге универсиадага әзерләнү һәм аны үткәрү буенча Совет утырышында катнаша.

Совет утырышы Сочида (Краснодар крае) узачак, аны Россия Президенты Дмитрий Медведев үткәрәчәк.

Тормыш дәрәҗәсен арттыру һәм керемнәрне легальләштерү буенча республика ведомствоара комиссия утырышын бүген Татарстан Республикасы Премьер-министры вазифаларын башкаручы Равил Моратов үткәрде.

Утырыш видеоконференция тәртибендә узды. Чарада республиканың барлык муниципаль районнары да катнашты. Хезмәт базарындагы вәзгыять һәм республикадагы эшсезләр санын киметү өчен үткәрелә торган чаралар белән ТР хезмәт, халыкны эш белән тәэмин итү һәм социаль яклау министры урынбасары Клара Таҗетдинова таныштырды.

Бүген Татарстан Президенты Рөстәм Миңнеханов Ислам үсеш банкы төркеме президенты доктор Әхмәд Мөхәммәд Али белән очрашты.

Очрашу Татарстан Республикасы Хөкүмәте Йортында узды.

Сүз Татарстан Халыкара Инвестицион Компаниясен оештыру турында барды.

Татарстан Халыкара Инвестицион Компаниясен оештыру турында килешү бүген Казанда, Татарстан Республикасы Хөкүмәте бинасында имзаланды.

Документка кул кую вакыйгасында Татарстан Республикасы Президенты Рөстәм Миңнеханов һәм Ислам үсеш банкы төркеме президенты Әхмәд Мөхәммәд Али катнашты.

"Татарстан Республикасы Президенты вазыйфасының никадәр җаваплы булганын мин тулысынча аңлыйм. Ләкин шул ук вакытта мин Россия Федерациясе җитәкчелеге, республикабыз гражданнары һәм сез - минем коллегаларымның ярдәмен тоям", - диде бүген Татарстан Республикасы Президенты вазыйфасына керешү тантанасында Рөстәм Миңнеханов.

Бүген Минтимер Шәймиев барлык Татарстан халкы һәм үз исеменнән Рөстәм Миңнехановны Татарстан Республикасы Президенты вазыйфасына керешүе белән тәбрикләде.

"Татарстан кебек республиканың җитәкчесе булу - мәртәбәле, җаваплы эш, - диде тантанада Минтимер Шәймиев. - Рөстәм Миңнехановның тормыш тәҗрибәсе, эшли алу сәләте, компетентлыгы, кешелек сыйфатлары безнең Президентыбызның республика һәм Россия Федерациясе халкы мәнфәгатьләрендә уңышлы эшләячәгендә шик калдырмый".