Бүген Татарстан Республикасы Премьер-министры Илдар Халиков “КНИАТ” Инновация-технология үзәге” технопаркын үстерү буенча киңәшмә үткәрде.

Оренбург өлкәсендә Муса Җәлил мемориаль комплексы пәйда булачак. Бу хакта бүген "Сочи-2011" халыкара инвестиция форумы кысаларында Татарстан Президенты Рөстәм Миңнеханов белән узган очрашуда Оренбург өлкәсе губернаторы Юрий Берг белдерде.

Бүген “Сочи-2011" халыкара инвестиция форумында Татарстан, Пермь крае һәм Башкортстан арасында “Универсаль электрон карта” проектын гамәгә кую максатыннан, төбәкара тулы вәкаләтле оешма булдыру турындагы меморандум имзаланды.

2012 ел башында республика Президенты Рөстәм Миңнеханов рәислегендәге Татарстан делегациясенең Люксембургка сәфәре планлаштырылды.

Бүген ТР Хөкүмәте йортында республикада торак-коммуналь хуҗалыкны реформалау мәсьәләсе буенча киңәшмә узды. Аны республика Премьер-министры Илдар Халиков үткәрде.

Очрашу башында ул бүгенге киңәшмәнең ТР Президенты Дәүләт Советына Юллама белән чыккач узуын билгеләп үтте. Анда халык түләгән акчаны нәтиҗәле файдалану мәсьәләсе, шулай ук тариф белән бәйле проблемалар кузгатылган иде. “Лениногорски һәм Чаллыда узган зона киңәшмәләре торак-коммуналь хуҗалык өлкәсендә проблемаларны ачыклау һәм хәл итү бик мөһим булуын күрсәтте”, - дип ассызыклады Илдар Халиков.

Бүген Х Халыкара инвестицион "Сочи-2011" форумы кысаларында Внешэкономбанк белән "Форд-Соллерс" арасында 36 млрд. сумлык кредит килешүе төзелде. Документны имзалау тантанасында ТР Президенты Р.Н.Миңнеханов та катнашты.

Бүген Чаллы катыргы-кәгазь комбинатының генераль директоры, шәһәрнең мактаулы гражданины Сергей Павлович Титов белән хушлаштылар.

Бүген “Сочи-2011” халыкара инвестиция форумында ТР Президенты Рөстәм Миңнеханов һәм Саклык банкының бүлендек “Strategy Partners” консалтинг компаниясе идарәче партнеры Александр Идрисов белән очрашуда Татарстан икътисадына “Россия Саклык банкы” ААҖ инвестицияләрен җәлеп итү буенча фикер алыштылар. Очрашуда Татарстан Республикасы Инвестиция үсеше агентлыгы җитәкчесе Линар Якупов, ТР Тышкы элемтәләр департаменты директоры – Татарстан Президенты ярдәмчесе Искәндәр Мөфлиханов та катнашты.

Бүген “Сочи-2011” халыкара инвестиция форумы кысаларында Татарстан Президенты Рөстәм Миңнеханов Россия Саклык банкының эшлекле иртәнге ашында катнашты.

Кичә “Сочи-2011” халыкара инвестиция форумы кысаларында Татарстан Президенты Рөстәм Миңнеханов катнашында, Яшел Үзән судно заводында төзелелгән А145 тизйөрешле пассажир судносы тәкъдим ителде.