Бүген Болгарда беренче тапкыр Археолог көненә багышланган тантаналы чара узды. Археологларны һөнәри бәйрәмнәре белән котларга дип, ТР Дәүләт Киңәшчесе, “Яңарыш” республика фонды попечительләр советы рәисе Минтимер Шәймиев килде.

Быел Татарстанда суда йөзә торган һәм сазлык-болын кошларын аулау 1 сентябрьдә башлана. Моңа кадәр 18 августта үрдәк һәм казларны атуны башларга планлаштырылган иде. Татарстан урманнарында янгын чыгу мөмкинлеге көчле булу сәбәпле, ату вакытын үзгәртергә туры килгән. Бу хакта бүген ТР Министрлар Кабинетында ТР Хайваннар дөньясы объектларын саклау һәм куллану идарәсе башлыгы урынбасары Федор Батков хәбәр итте.

Бүген иртә белән Казанда Декабристлар урамында урнашкан “Татмедиа” ААҖ бинасында акционер җәмгыятьнең генераль директорын тәкъдим итү булды. Ул - Ирек Миннәхмәтов.

ТР Президенты Указы нигезендә Татарстан Республикасы дәүләт хакимиятенең башкарма органнары структураларын камилләштерү максатыннан “Татмедиа»  матбугат һәм массакүләм коммуникацияләр буенча республика агентлыгы кыскартылды.
Аның матбугат һәм массакүләм коммуникацияләр өлкәсендә дәүләт идарәсе мәсьәләләре буенча функцияләре ТР Мәгълүматлаштыру һәм элемтә министрлыгына тапшырылачак.

Бүген ТР Дәүләт Киңәшчесе Минтимер Шәймиев Казанда Төркия Республикасының Генераль консулы Әхмәт Акынты белән очрашты.

Бүген “Казан ярминкәсе”ндә “Авиакосмик технологияләр, заманча материаллар һәм җиһазлар” дигән алтынчы халыкара күргәзмә ишекләрен ачты. 2002 елдан башлап Татарстан башкаласында ике елга бер тапкыр оештырыла торган әлеге масштаблы чара авиация һәм ракета-космик техника җитештерүче предприятиеләрнең фәнни, техник һәм технологик потенциалын үстерүгә, бу өлкәдә халыкара хезмәттәшлек һәм сәүдәне киңәйтүгә, инновацион эшчәнлекне активлаштыруга лаеклы өлеш кертә. Ул ил авиациясенең үсеш перспективаларын барлау, авиация техникасын төзү һәм модернизация процессын камилләштерү турында сөйләүче мәйдан да.

Татарстан Республикасы Президенты указы белән Моратов Марат Яшәр улы "Татмедиа" матбугат һәм гаммәви коммуникацияләр буенча республика агентлыгы җитәкчесе вазифасыннан азат ителеп Татарстан Республикасы Президенты Аппараты җитәкчесенең беренче урынбасары булып билгеләнә. Татарстан Республикасы Президенты указы белән Гатин Марат Илшат улы башка эшкә күчү сәбәпле Татарстан Республикасы Президентының дини оешмалар белән хезмәттәшлек итү буенча Идарә башлыгы вазифасыннан азат ителә.

Татарстан Президенты Рөстәм Миңнеханов төзелеш объектлары буйлап эшлекле сәфәр кылганда яңа IT-лицейда, Республика клиник хастаханәсендә һәм Балалар республика клиник хастаханәсендә, ишү каналында һәм Универсиада матбугат үзәгендә булды. Республика башлыгын ТР Премьер-министры Илдар Халиков, ТР төзелеш, архитектура һәм торак-коммуналь хуҗалык министры Ирек Фәйзуллин, Казан мэры Илсур Метшин озата барды.