Бүген көннең икенче яртысында Татарстан Республикасы Президенты вазыйфаларын вакытлыча башкаручы Рөстәм Миңнеханов 2015 елгы Су спорт төрләре буенча дөнья чемпионатының ир-атлар арасында хай-дайвинг буенча финал ярышларын карады. Ярышлар  Казансу елгасында уза. 

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Jinggong International Group Co. LTD (Цзингун Интернешнл, Кытай) компаниясе җитәкчелеге белән очрашты. Очрашу ТР  Хөкүмәте Йортында узды, Татарстан ягыннан ТР Премьер-министры урынбасары – сәнәгать һәм сәүдә министры Равил Зарипов, ТР Президенты ярдәмчесе Радик Гыйматдинов, ТР Инвестицион үсеш агентлыгы җитәкчесе Талия Миңнуллина һәм башкалар катаншты. 

Татарстан Республикасы Президенты вазыйфаларын вакытлыча башкаручы Рөстәм Миңнеханов бүген Татарстан Спас районы Болгар шәһәрендә “Дулкын” тренажер залы булган ябык бассейнын ачты.

Татарстан Республикасы Президенты вазыйфаларын вакытылча башкаручы Рцстщм Мижнеханов Болгар икмәк кабул итү предприятиесендә булды.  Аның белән ТР Премьер-министры урынбасары - авыл хуҗалыгы һәм азык-төлек министры Марат Әхмәтов, ТРның Спас районы башлыгы Камил Нугаев һәм башка рәсми затлар да бар иде.

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Әлки муниципаль районына барды, анда басуларда урып-җыю кампаниясенең барышын бәяләде. Аны ТР Премьер-министры- авыл хуҗалыгы һәм азык-төлек министры Марат Әхмәтов һәм Әлки муниципаль районы Башкарма комитеты җитәкчесе Александр Никошин озата йөрде. ТР Президенты вазыйфаларын вакытлыча башкаручы «Красный Восток Агро» ҖЧҖ - «Үзәк Әлки» ҖЧҖ филиалы (Хлебодаровка, Каргалы авыллары), «Красный Восток Агро» ААҖ - «Көнчыгыш Әлки» ҖЧҖ филиалы (Яңа Ургагар авылы), «Красный Восток Агро» ААҖ - «Үзәк Әлки» ҖЧҖ филиалы (Ташбилге), «Хузангай» ҖЧҖ (Иске Хурада, Татар Борнае, Югары Колчура, Түбән Колчура авыллары) басулары өстеннән очып узды.

Кече һәм урта бизнес вәкилләрен мәгълүмат белән тәэмин итүдә яңа портал эшли башлады. Анда теркәлү һәм портал хезмәтләреннән файдалану — бушлай.

Яңа электрон ресурс бүген ТР Министрлар Кабинетында журналистларга презентацияләнде. Анда ТР икътисад министры Артем Здунов, “ТРның дәүләт заказы, инвестицион эшчәнлек һәм төбәкара элемтәләр буенча агентлык” дәүләт унитар предприятиесе директоры Яков Геллер катнашты.

Бүген Татарстан Республикасы Президенты вазыйфаларын вакытылча башкаручы Рөстәм Миңнеханов "Ак Барс" хоккей командасының элеккеге уенчылары Илья Никулин һәм Евгений Медведевка ТР дәүләт бүләкләрен тапшырды. Тантаналы чара ТР Хөкүмәте Йортында узды, анда шулай ук ТР яшьләр эшләре һәм спорт министры Владимир Леонов, ТР Президенты ярдәмчесе Ләйлә Фазлыева һәм "Ак Барс" хоккей клубы президенты Шәфәгать Тәһаветдинов катнаштылар. 

Татарстан Республикасында 2015 ел башыннан төзелеш объектларында 31 бәхетсезлек очрагы булган, шул исәптән, 21 - авыр җәрәхәтләнүгә, ә 10сы үлемгә китергән. Дәүләт төзелеш күзәтчелеге инспекциясе белән Дәүләт хезмәт инспекциясе 2015 ел башыннан 702 тикшерү үткәргән. Хезмәтне саклау кагыйдәләрен һәм нормаларын бозган өчен 14,2 млн. сумлык 430 карар чыгарылган. 7,2 млн. сумлык штраф алынган.Бу хакта бүген ТР Хөкүмәте Йортында республика киңәшмәсендә ТР төзелеш, архитектура һәм торак-коммуналь хуҗалык министры Ирек Фәйзуллин хәбәр итте. Республиканың барлык муниципаль берәмлекләре белән видеоконференцэлемтә режимындагы киңәшмәне Татарстан Республикасы Президенты вазыйфаларын вакытлыча башкаручы Рөстәм Миңнеханов үткәрде. Киңәшмәдә Татарстан Республикасы Премьер-министры Илдар Халиков катнашты.