Яңалыклар

18.09.2015

Рөстәм Миңнеханов Казахстан вице-премьеры Дарига Назарбаева белән очрашты

Бүген Татарстан Республикасы Президенты Рөстәм Миңнеханов КазахстанХөкүмәте Рәисе урынбасары Дарига Назарбаева белән очрашты. Очрашу "Корстон" КСККнда узды. Анда шулай ук ТР Президенты Ярдәмчесе Радик Гыйматдинов һәм ТР Премьер-министры урынбасары - сәнәгать һәм сәүдә министры Равил зарипов катнаштылар.

18.09.2015

Рөстәм Миңнеханов Минтимер Шәймиевка беренче номерлы «Дуслык» ордены тапшырды

Бүген Татарстан Республикасы Президенты Рөстәм Миңнеханов, Россия Федерациясе Президентының Идел буе федераль округындагы Тулы вәкаләтле вәкиле Михаил Бабич, Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер-министры Илдар Халиков һәм Татарстан Республикасы Президенты үз вазыйфасына керешү тантанасында катнашкан башка мәртәбәле кунаклар, шул исәптән Төркия Икътисад министры Нихат Зәйбәкҗи, Казахстан Хөкүмәте Рәисе урынбасары Дарига Назарбаева һәм башкалар Казан Кремлендә Татар халкы һәм Татарстан Республикасы дәүләтчеге тарихы музеенда булдылар.

18.09.2015

Рөстәм Миңнеханов Татарстан Республикасы Президенты вазыйфасына кереште

Бүген Рөстәм Миңнеханов рәсми рәвештә Татарстан Республикасы Президенты вазыйфасына кереште. Инаугурация тантанасы Казанда С.Сәйдәш исемендәге Дәүләт зур концерт залында узды.

Тантаналы чарада РФ Президентының Идел буе федераль округындагы Тулы вәкаләтле вәкиле Михаил Бабич, РФ Элемтә һәм массакүләм коммуникацияләр министры Николай Никифоров, ТР Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Төркия Республикасының Икътисад министры Нихат Зәйбәкҗи, Казахстан Хөкүмәте Рәисе урынбасары Дарига НазарбаеваРоссия һәм Татарстан Республикасы министрлыклары һәм ведомстволары вәкилләре катнашты.

18.09.2015

Россия Федерациясе Президенты Владимир Путин Рөстәм Миңнехановны Татарстан Республикасы Президенты вазыйфасына рәсми керешүе белән котлады

Россия Федерациясе Президенты Владимир Путин Рөстәм Миңнехановны Татарстан Республикасы Президенты вазыйфасына рәсми керешүе белән котлады.

«Хөрмәтле Рөстәм Нургали улы!

Сезне Татарстан Республикасы Президенты вазыйфасына керешүегез белән котлыйм. Сезнең алда регионны, аның икътисадын һәм социаль өлкәсен комплекслы үстерүгә юнәлгән җитди һәм җаваплы эш тора.

18.09.2015

ТР Президенты инаугурациясе тантанасында катнашу өчен Казанга мәртәбәле кунаклар килә

Бүген Татарстанга Россия Федерациясе Президентының Идел буе федераль округындагы Тулы вәкаләтле вәкиле Михаил Бабич, Төркия Республикасы Икътисад министры Нихат Зәйбәкҗи һәм Казахстан Хөкүмәте Рәисе урынбасары Дарига Назарбаева килде.

«Казан» халыкара аэропортында кунакларны Татарстан Республикасы Президенты вазыйфаларын вакытлыча башкаручы Рөстәм Миңнеханов, Татарстан Республикасы Премьер-министры Илдар Халиков, Татарстан Республикасы Дәүләт Советы Рәисе Фәрит Мөхәммәтшин һәм башкалар каршы алды.

18.09.2015

Казанда урман кисүчеләр арасында “Лесоруб-2015” III Россия чемпионаты ачылды

Бүген Казанда “Казан-Арена” стадионының ачык мәйданындагы урман кисүчеләр арасында “Лесоруб-2015” Россия чемпионатын рәсми ачу тантанасы уздырылды. Тантанада ТР Премьер-министры Илдар Халиков, ТР Дәүләт Советының экология, табигатьтән файдалану, агросәнәгать һәм азык-төлек сәясәте комитеты рәисе Таһир Һадиев, Россия урман сәнәгатьчеләре һәм урман экспортлаучылар берлеге президенты Мирон Тацюн, ТР урман хуҗалыгы министры Алмас Нәзиров һ.б. рәсми затлар катнашты.

17.09.2015

РФ Федераль Җыелышының Федерация Советы Рәисе Валентина Матвиенко һәм РФ Тышкы эшләр министры Сергей Лавров Рөстәм Миңнехановны сайлауларда җиңүе белән котладылар

РФ Федераль Җыелышының Федерация Советы Рәисе Валентина Матвиенко һәм РФ Тышкы эшләр министры Сергей Лавров Рөстәм Миңнехановка сайлауларда җиңүе уңаеннан котлау телеграммалары юлладылар. РФ Федераль Җыелышының Федерация Советы Рәисе Валентина Матвиенко телеграммада: "Ышанам ки, Сезнең тәҗрибәгез һәм максатчанлыгыгыз, республика мәсьәләләрен яхшы белүегез, төпле һәм уйланган караларыгызыз Россия дәүләтчелеген ныгытуга, төбәкнең икътисадый мөмкинлекләрен үстерүгә, халкы байлыгын арттыруга ярдәм итәчәк", - дип ассызыклады.

17.09.2015

Эльвира Нәбиуллина Иннополис шәһәрендә булды

РФ Үзәк банкы рәисе Эльвира Нәбиуллина һәм РФ элемтә һәм гаммәви коммуникацияләр министры Николай Никифоров Татарстанның Югары Ослан районындагы Иннополис шәһәрендә булдылар.

17.09.2015

Минтимер Шәймиев II Халыкара реставраторлар съезды делегатлары белән очрашты

Бүген Казан Кремлендә Татарстан Республикасы Дәүләт Киңәшчесе "Яңарыш" фондының Попечительлек советы рәисе Минтимер Шәймиев, кичә ачылган II Халыкара реставраторлар съезды делегатлары белән очрашты.

17.09.2015

Казанда Finnopolis - 2015 инновацион финанс технологияләренең беренче форумы ачылды

Бүген Казанда Finnopolis - 2015 инновацион финанс технологияләренең беренче Казан форумы ачылды. Аның эшендә Россия Үзәк банкы рәисе Эльвира Нәбиуллина, РФ элемтә һәм гаммәви коммуникацияләр министры Николай Никифоров, ТР Премьер-министры Илдар Халиков, "Россия Саклык банкы"/"Сбербанк России" ААҖ идарә рәисе Герман Греф катнаша.