Абхазия Республикасына эш визиты белән бүген Татарстан Республикасы Президенты Рөстәм Миңнеханов килде. Сухум шәһәре аэропортында аны Абхазия Премьер-министры Артур Миквабия каршы алды. Килеп төшүгә Рөстәм Миңнеханов Сухум районының Эшер авылына юл тотты, анда ул Абхазия Республикасының беренче президенты Владислав Адзимба мемориаль комплексына чәчәкләр салды. 

Бүген Татарстан Республикасы Президентиы Рөстәм Миңнеханов ТР Хөкүмәте Йортында Россия Баш дәүләт экспертизасы идарәсе башлыгы Игорь Манылов белән очрашты. 

Бүген Казанда Машина төзүчеләр көнен бәйрәм иттеләр. Тантаналы чарада Татарстан Президенты Рөстәм Миңнеханов, ТР Премьер-министры урынбасары - ТР сәнәгать һәм сәүдә министры Равил Зарипов, ТР машина төзелеше комплексы предприятиеләре җитәкчеләре, хезмәт коллективлары вәкилләре һәм тармак ветераннары, төбәк уку йортлары укытучылары һәм аспирантлары, балалар техник иҗат түгәрәкләренә йөрүчеләр катнашты.

Федераль миграция хезмәтене ТР буенча идарәсе федераль хезмәттән һәм республика җитәкчелегеннән бүләккә яңа бина алды. Бу хакта бүген яңа объект ачылу тантанасында Федераль миграция хезмәте җитәкчесе Константин Ромодановский белдерде. Казанның Миль урамы, 63а адресы буенча урнашкан бинаны ачу тантанасында ТР Президенты Рөстәм Миңнеханов һәм Федераль миграция хезмәтенең ТР буенча идарәсе башлыгы Артем Кузнецов катнашты.

Бүген ТР Дәүләт Киңәшчесе Минтимер Шәймиев “Россия 1” һәм “Россия 24” телеканалларына РФ Федераль Җыены Федерация советының Суриядә РФ Хәрби көчләрен файдалануга рөхсәт бирүе турындагы карарын шәрехләде.

Бүген ТР Дәүләт Киңәшчесе, ТРның тарихи һәм мәдәни ядкәрләрен яңадан торгызу Республика фонды Попечительләр советы рәисе Минтимер Шәймиев Казан һәм Татарстан митрополиты Феофан белән очрашты. Очрашу Казан Кремлендә узды.

Екатеринбургта VI Россия-Әзәрбайҗан төбәкара форумы узды. Чараның төп темасы ике илнең сәнәгый, фәнни-техник, сәяси һәм башка өлкәләрдә хезмәттәшлек перспективалары турында булды. Анда Россиянең 11 төбәге һәм Әзәрбайҗанның 5 өлкәсеннән 200дән артык кеше катнашты. Безнес-бергәлекләрне ике илдән 100 компания һәм эшлекле ассоциацияләр тәкъдим итте.

Форумда ТР Премьер-министры Илдар Халиков җитәкчелегендәге Татарстан делегациясе дә катнашты.

Бүген ТР Хөкүмәте Йортында Татарстан Республикасы Президенты Рөстәм Миңнеханов Федераль миграция хезмәте җитәкчесе Константин Ромодановскиий белән очрашты. Очрашуда шулай ук ТР Президенты Аппараты җитәкчесе Әсгать Сәфәров, ТР Иминлек Советы секретаре Айрат Шәфигуллин һәм ТР буенча Федераль миграция хезмәте Идарәсе башлыгы Артем  Кузнецов катнаштылар. 

Бүген Татарстан Республикасы Президенты Рөстәм Миңнеханов  Россия Профессиональ бокс федерациясе вице-президенты, "Бокс дөньясы" промоутер компаниясе директорлар советы рәисе Андрей Рябинский белән очрашты.