Яңалыклар

02.10.2015

Татарстанда минималь хезмәт хакы күләме турында килешү имзаланды

Бүген Казанда ТР Профсоюзлар федерациясе, ТР Эш бирүчеләр координацион советы һәм ТР Министрлар Кабинеты арасында Татарстанда минималь хезмәт хакы турындагы килешүгә кул куелды. Документны ТР Премьер-министры Илдар Халиков, ТР Профсоюзлар федерациясе рәисе Татьяна Водопьянова һәм ТР Предприятиеләр һәм эшмәкәрләр ассоциациясе президенты, ТР Эш бирүчеләр координацион советы рәисе Александр Лаврентьев имзалады.

02.10.2015

Илдар Халиков Казанда WorldSkills Competition дөнья чемпионатын уздыру һәм аңа әзерлек мәсьәләләре буенча киңәшмә уздырды

Казанда WorldSkills халыкара чемпионатына әзерлек максатында Россия Федерациясе дәрәҗәсендә җаваплылыкны бүлү концепциясе эшләнә, аның кысаларында төбәкара компетенция үзәкләре төзү каралган. Аларны булдыру өчен федераль бюджеттан 4 млрд сум акча бүленә. Бүген бу хакта ТР Премьер-министры Илдар Халиков катнашында узган киңәшмәдә ТР мәгариф һәм фән министры Энгель Фәттахов хәбәр итте.

02.10.2015

Татарстан белән MasterCard арасында хезмәттәшлек турында килешү имзаланды

Бүген Татарстан Республикасы һәм MasterCard халыкара түләү системасы хезмәттәшлек итү турында килешү имзаладылар. Документка имзаларын Татарстан Республикасы Президенты Рөстәм Миңнеханов һәм MasterCardның тиз үсүче Европа базарлары төбәге президенты Белла Ставчански куйдылар.

02.10.2015

Рөстәм Миңнеханов «Касторама РУС» ҖЧҖнең күчемсез милек һәм үсеш буенча директоры Мишель Шез белән очрашты

Бүген Сочида Халыкара инвестиция форумы кысаларында Татарстан Республикасы Президенты Рөстәм Миңнеханов «Касторама РУС» ҖЧҖнең күчемсез милек һәм үсеш буенча директоры Мишель Шез белән Татарстан Республикасы павильонында очрашты.

02.10.2015

Рөстәм Миңнеханов Сбербанкның эшлекле иртәнге ашында катнашты

«Сочи-2015» халыкара инвестицион форумы кысаларында Сбербанк «Диверсификация. Сайлап алу мөмкинлеге күп булса да, башка альтернатива юк» темасына эшлекле иртәнге аш уздырды. Чарада Татарстан Республикасы Президенты Рөстәм Миңнеханов катнашты.

02.10.2015

Рөстәм Миңнеханов Сочида Халыкара инвестиция форумында катнаша

Татарстан Республикасы Президенты Рөстәм Миңнеханов Сочига Халыкара инвестиция форумында катнашу өчен килде. Бүген әлеге чара кысаларында ТР Президенты Саклык банкының иртәнге эшлекле ашында катнашырга планлаштыра. Анда катнашучылар Россия икътисадын диверсификацияләү буенча перспектив чаралар турында әңгәмә корачак.

01.10.2015

Рөстәм Миңнеханов Абхазиянең җитештерү предприятиеләрендә булды

Бүген Татарстан Республикасы Президенты Рөстәм Миңнеханов Абхазиянең кайбер җитештерү предприятиеләрендә булды. Аны Абхазия Республикасы Президенты Рауль Хаҗимба, Абхазия Премьер-министры Артур Миквабия, Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов, Татарстан икътисад министры Артем Здунов, Татарстан Республикасы һәм Абхазия Республикасы министрлыклары һәм ведомстволары вәкилләре озата йөрде.

01.10.2015

Минтимер Шәймиев Иван Белеков белән очрашты

Бүген Казан Кремлендә ТР Дәүләт Киңәшчесе, "Яңарыш" фондының Попечительләр советы рәисе Минтимер Шәймиев Алтай Республикасы Дәүләт җыены - Әл Корылтай рәисе Иван Белеков һәм республиканың Язучылар берлеге рәисе Бронтой Бедюров белән очрашты. Алтай кунаклары Казанга бүген ачылган XI Халыкара төрки халыклар шигърияте фестивалендә катнашу өчен килде.

01.10.2015

"Халык контроле" системасы эшендә уңай динамика күренә

Агымдагы елның 9 аенда ТР "Халык контроле" Дәүләт мәгълүмат системасында басылган белдерүләр саны узган елның шул чоры белән чагыштырганда, 36 процентка арткан. Хәл ителгән мәсьәләләр өлеше 5 процентка артык. Бу хакта бүген "Халык контроле" системасы эшенә багышланган киңәшмәдә ТР мәгълүматлаштыру һәм элемтә министры урынбасары Тимур Зарипов белдерде. Киңәшмәне ТР Министрлар Кабинетында ТР Премьер-министры Илдар Халиков үткәрде.

01.10.2015

Рөстәм Миңнеханов: Татарстан белән Абхазия арасындагы мөнәсәбәтләрнең электән килгән күркәм тарихы бар

Татарстан һәм Абхазия бизнесменнары хезмәттәшлек өчен яңа юнәлешләр табар һәм уртак проектлар турында килешерләр дип ышанабыз. Бүген бу хакта Татарстан Республикасы Президенты Рөстәм Миңнеханов Татарстан һәм Абхазия эшлекле даирәләре катнашында уздырылган түгәрәк өстәл барышында хәбәр итте. Чара Сухум шәһәренә Татарстан делегациясе эш сәфәре кысаларында узды.