Ел башыннан Татарстанда кан әйләнеше системасы авыруларыннан үлүчеләр саны 0,5 процентка азайган. Бүген бу хакта ТР Министрлар Кабинетында узган Йөрәк һәм кан тамырлары авыруларына каршы көрәш елы кысаларында үткәрелгән республика чаралары программасының башлангыч нәтиҗәләренә багышланган брифингта ТР сәламәтлек саклау министры Гадел Вафин сөйләде.

Бүген Татарстан Республикасы Хөкүмәте Йортында Татарстан Республикасы Президенты Рөстәм Миңнеханов рәислегендә «Алабуга» махсус икътисадый зонасының Күзәтчелек советы утырышы узды. Утырышта потенциаль резидентларның яңа дүрт проекты һәм гамәлдәге  резидентның инвестицияләрен арттыру мәсьәләсе каралды һәм хупланды. Яңа проектларның гомуми суммасы 12,6 млрд. сум тәшкил итә.   

Бүген Харбинда (КХР) Икенче Россия-Кытай ЭКСПО кысаларында Татарстан-Кытай агросәнәгать комплексын үстерү фонды булдыру һәм Татарстан Республикасы территориясендә агросәнәгать җитештерүен интеграцияләү проектын гамәлгә ашыру турында килешү имзаланды. Тантана Татарстан Республикасы Президенты Рөстәм Миңнехановның Jinggong International Group Co. LTD компаниясе президенты Лю Хуаньлин җитәкчелегендәге Кытай эшлекле даирәләре белән очрашуы кысаларында узды.  

Регионара хезмәттәшлек үсеше - стратегик Россия-Кытай мөнәсәбәтләрен ныгытуда ышанычлы чара. Бу хакта Татарстан Республикасы Президенты Рөстәм Миңнеханов РФ Хөкүмәте Рәисе урынбасары Дмитрий Рогозинның  һәм КХР Дәүләт советы вице-премьеры Ван Янның Россия һәм Кытай регионнары һәм компанияләре җитәкчеләре белән очрашуында белдерде. Очрашу Харбинда (Кытай) Икенче Россия-Кытай ЭКСПО кысаларында узды. 

Бүген Татарстан Республикасы Президенты Рөстәм Миңнеханов «Гунда» корпорациясе директорлар советы рәисе, генераль директоры Чжан Дачэн белән «KAZAN EXPO» күргәзмә үзәген төзү проекты турында сөйләште. Рөстәм Миңнеханов корпорация җитәкчелегенә Татарстанга игътибарлары өчен рәхмәт белдерде. 

Бүген Татарстан Республикасы Президенты Рөстәм Миңнеханов Кытайга эш визиты кысаларында Харбин шәһәрендә (Хэйлунцзян провинциясе Кунли милли пракында булды. Аны ТР Президенты ярдмәчесе Радик Гыйматдинов, Туризм буенча ТР Дәүләт комитеты рәисе Сергей Иванов, "Туренскейп" компаниясенең президенты һәм баш дизайнеры Конгжиан Ю һәм башкалар озата йөрде. 

Хэйлунцзян провинциясе компанияләре Татарстанда җитештерүләрен урнаштырсалар, без шат булабыз. Бу хакта бүген Татарстан Республикасы Президенты Рөстәм Миңнеханов Хэйлунцзян провинциясе губернаторы Лу Хао белән очрашуда белдерде. Очрашу Рөстәм Миңнехановның Харбин шәһәренә (КХР) эш визиты кысаларында узды. Визитның төп максаты - Икенче Россия-Кытай ЭКСПОда катнашу. 

Татарстан Республикасы Президенты Рөстәм Миңнеханов Әнкарадагы террористик актка бәйле рәвештә Төркия Президенты Рәҗип Тайип Эрдоганга кайгыларын уртаклашу телеграммасын юллады. 

Татарстан белән Сычуань провинциясенең хезмәттәшлек өчен перспективалары яхшы. Бүген бу хакта Татарстан Республикасы Президенты Рөстәм Миңнеханов Сычуань провинциясе губернаторы Вэй Хун белән очрашуда хәбәр итте. 

Бүген Татарстан Республикасы Президенты Рөстәм Миңнеханов Чэнду шәһәрендә (КХР) Сычуань Инвестицион Корпорациясе җитәкчелеге белән очрашты. 

Очрашуда шулай ук Татарстан Республикасы Премьер-министры урынбасары – ТР сәнәгать һәм сәүдә министры Равиль Зарипов, Татарстан Республикасы Президентының халыкара мәсьәләләр буенча киңәшчесе Радик Гыйматдинов, Татарстан Республикасы Инвестицион үсеш агентлыгы җитәкчесе Талия Миңнуллина һәм башкалар катнашты.