“Инвалидлар белән эшләү безнең өчен декада белән генә чикләнеп калмый, ул ел дәвамында бара”, - диде бүген ТР Министрлар Кабинетында узган брифинг барышында ТР сәламәтлек саклау министрының беренче урынбасары Сергей Осипов. Брифинг инвалидлар декадасына багышланган.

Сергей Осипов билгеләгәнчә, инвалидларны медицина ярдәме белән тәэмин итү РФ Инвалидларының хокукы турындагы конвенция, “РФ инвалидларын социаль яклау турында”, “Инвалидларны һәм олы яшьтәге гражданнарны социаль тәэмин итү турында”, “Ветераннар турында” федераль законнар нигезендә оештырылган.

2016 елның 11 гыйнварыннан Иннополис университеты каршында сәләтле балалар өчен мәгълүмати технологияләр лицее эшли башлаячак.

Бу хакта бүген ТР Министрлар Кабинетында узган брифингта ТР мәгариф һәм фән министры урынбасары Илдар Мөхәммәтов һәм Иннополис университетының студентлар һәм абитуриентлар белән эшләү буенча проректоры Сергей Масягин хәбәр итте.

Татарстанда бүген 319 мең инвалид яши, шуларның 15,1 меңе балалар. Бу хакта бүген Татарстан Республикасы Министрлар Кабинетында инвалидлар декадасына багышланган брифинг барышында ТР хезмәт, халыкны эш белән тәэмин итү һәм социаль яклау министры Эльмира Зарипова сөйләде.

Татарстан Республикасы Дәүләт Киңәшчесе Минтимер Шәймиев бүген Казан Кремлендә РФ кинематографистлар берлеге рәисенең беренче урынбасары, кинорежиссер, РФ халык артисты Клим Лаврентьев белән очрашты, ул Казанга РФ кинематографистлар берлегенең ТР төбәк бүлеге отчет-сайлау конференциясендә катнашу өчен килде.

Бүген Татарстан Республикасы Президенты Рөстәм Миңнеханов гражданнарны кабул итте. Чара РФ Президентының кабул итү бүлмәсендә Татарстан Республикасы муниципаль берәмлекләре белән видеоконференцэлемтә режимында узды.  

Мөрәҗәгатьләр “Бердәм Россия” партиясе оештырган бердәм кабул итү көне кысаларында кабул ителде.

Татарстан Республикасы Премьер-министры Илдар Халиков бүген Түбән Камада "Бердәм Россия" партиясе бүлегендә гражданнарны кабул итте. 

Кабул итү Түбән Камада Бердәм гражданнарны кабул итү көне кысаларында, “Бердәм Россия" партиясенең җирле бүлеге җәмәгатьчелек кабул итү бүлмәсендә уза.

Искә төшерәбез: 1 декабрь - "Бердәм Россия" Бөтенроссия сәяси партиясенең туган көне. 

Бүген Татарстан Республикасы Президенты Рөстәм Миңнеханов Татарстан Республикасы Хөкүмәте Йортында «Россия – ислам дөньясы» стратегик караш төркеме координаторы, МДХМИның Халыкара тикшеренүләр институты составындагы Цивилизацияләр партнерлыгы үзәге директоры   Вениамин Попов белән очрашты.

Очрашуда шулай ук ТР Президенты Аппараты Җитәкчесе Әсгать Сәфәров  һәм Татарстан Республикасы Президентының халыкара мәсьәләләр буенча киңәшчесе Радик Гыйматдинов катнашты.  

Бүген Чаллыда суыртучы насос станциясен файдалануга тапшыру тантанасы узды. Бу чарада ТР Премьер-министры Илдар Халиков катнашты.

Бүген Татарстан Республикасы Президенты Рөстәм Миңнеханов Россия Федерациясе Үзәк сайлау комиссиясе Рәисе Владимир Чуров белән очрашты.

Очрашу Татарстан Республикасы Хөкүмәте Йортында узды, анда Татарстан Республикасы Президенты Аппараты Җитәкчесе Әсгать Сәфәров, Татарстан Республикасы Үзәк сайлау комиссиясе Рәисе Әгъзам Гобәйдуллин катнашты.

Татарстан Республикасы Президенты Рөстәм Миңнеханов Россия режиссеры Эльдар Рязанов хәләл җефете Эмма Абайдуллинага, кайгысын уртаклашып, телеграмма юллады.

«Хөрмәтле Эмма Валерияновна! Татарстанлылар һәм шәхсән үз исемемнән  күренекле Совет һәм Россия режиссеры Эльдар Александрович Рязановның вафаты уңаеннан чын күңелдән кайгыгызны уртаклашам, – диелә телеграмма текстында. – Безнең илдәге һәм чит илләрдәге миллионлаган сәнгать сөючеләр өчен Эльдар Рязанов Россиянең бәһасез байлыгы булды һәм мәңгегә шулай булып калачак та.