Бүген Казанда ЮНЕСКО эшләре буенча Россия Федерациясе комиссиясе, Татарстан Республикасы Хөкүмәте, Татарстан Фәннәр академиясе, “Яңарыш” республика фонды, Казан (Идел буе) федераль университеты, Казан дәүләт мәдәният институты, “ТИСБИ” идарә университеты оештырган “Императив тотрыклы үсеш буларак кешелекне саклау” халыкара форумы ачылды. Форум кысаларында халыкара фәнни-гамәли конференция, гуманитар куркынычсызлык өлкәсендә дөньякүләм танылган белгечләр катнашында экспертлар панель утырышы уздырыла.

Форум яңа гуманизм төшенчәсен аңлау, кешелекне саклау мәсьәләләренә, җәмгыятьнең тотрыклы үсеше, мәдәни мирас объектларының дөньякүләм универсаль кыйммәтләре проблемаларына, гуманитар куркынычсызлык төшенчәсен билгеләүдәге алымнарга, шулай ук аны тәэмин итү ысуллары һәм механизмнарына багышланган. Форумның темасы һәм проблематикасы ЮНЕСКО генераль директоры Ирина Бокова тарафыннан хупланган.

Халыкара фәнни-гамәли конференциянең пленар утырышы бүген КФУның Попечительләр советы залында узды. Анда Татарстан Республикасы Дәүләт Киңәшчесе Минтимер Шәймиев, ЮНЕСКО эшләре буенча РФ комиссиясе рәисе урынбасары Александр Дзасохов һәм ЮНЕСКО эшләре буенча РФ комиссиясенең җаваплы секретаре Григорий Орджоникидзе, “Халыкны саклап калу өчен” гомумроссия иҗтимагый хәрәкәте президентташы, “Хатын-кызның киләчәге” халыкара хатын-кызлар үзәге” халыкара иҗтимагый оешмасы президенты, ЮНЕСКОның игелекле ихтыяр илчесе Александра Очирова катнашты.

Бүген Татарстан Республикасы Премьер-министры Илдар Халиков Балтач муниципаль районында булды. Аны район башлыгы Рамил Нотфуллин озата йөрде.

Бүген ТР Хөкүмәте йортында Татарстан Премьер-министры Илдар Халиков Американың Accuray компаниясе җитәкчелеге белән очрашты.

Кунакларны сәламләп, Илдар Халиков, бүген Татарстан Америка партнерлары белән актив хезмәттәшлек итә, дип билгеләде. Ул аеруча “Форд”, “Армстронг”, “ЗМ” кебек компанияләр белән хезмәттәшлекне билгеләде.

Бүген РФ Хөкүмәте Рәисе урынбасары Ольга Голодец 1 сентябрьдә ачылган International School of Kazan – Татарстан башкаласындагы беренче халыкара мәктәптә булды. Аны Татарстан Премьер-министры Илдар Халиков озата йөрде.

Бүген Казанда Республика клиник сырхауханәсенең бала тудыру үзәгенең яңа корпусын ачу тантансы узды. Чарада Татарстан Республикасы Президенты Рөстәм Миңнеханов һәм Россия Федерациясе Хөкүмәте Рәисе урынбасары Ольга Голодец, Татарстан Премьер-министры Илдар Халиков, Татарстан Республикасы Президенты ярдәмчесе Ләйлә Фазлыева, Татарстан Республикасы сәламәтлек саклау министры Гадел Вафин, Казан мэры Илсур Метшин һәм башкалар катнашты.

Россия Федерациясе Хөкүмәте Рәисе урынбасары Ольга Голодец Татарстанга эш сәфәре белән килде. «Казань» халыкара аэропортында аны Татарстан Республикасы Президенты Рөстәм Миңнеханов каршы алды. 

Бүген РФ вице-премьеры Республика клиник сырхауханәсенең бала таптыру үзәгенең яңа корпусын ачу тантанасында катнашачак.    

Бүген Татарстан Республикасы Президенты рөстәм Миңнеханов һәм Татарстан Республикасы буенча эчке эшләр министры Артем Хохорин полиция участок вәкилләре, патруль-пост хезмәте, идарәләрнең дежур частьләре, Татарстан Республикасы буенча РФ ЭЭМның шәһәр округлары һәм муниципаль районнары буенча бүлекләре хезмәткәрләренә 50 яңа эш автомобильләре тапшырдылар. Чара Татарстан Республикасы буенча ЭЭМ ның ЮХИДИ идарәсе бинасы янында үтте. 

Казанда җәмәгать электр транспорты паркын яңарту программасы төгәлләнде. Бүген Казан елга порты каршындагы мәйданда сатып алынган яңа техниканың чираттагы партиясе Татарстан Президенты Рөстәм Миңнехановка күрсәтелде.

Бүген Татарстан Республикасы Президенты Рөстәм Миңнеханов «Воздвижение Святого Креста» Казан Рим-католик приходының элеккеге настоятеле Диогенес Уркиза белән очрашты.   

Татарстан Республикасы Хөкүмәте Йортында узган очрашуда ТР Президенты Аппараты Җитәкчесе Әсгать Сәфәров тә катнашты. 

Искәртәбез, август аенда 21 ел хезмәт иткәннән соң Диогенес Уркизаның католиклар приходыннан Саратовка Святой Климент епархиясенең баш викарие булуарак китүе мәгълүм булды. Аны Татарстан башкаласында Чаллыдан  Андрей Старцев алмаштыра.   

Бүген Франкфурт-на-Майнада Messe Frankfurt халыкара күргәзмәләр комплексы территориясендә «Автомеханика–2016» запас частьләр, җайланмалар һәм автомобильләргә техник хезмәт күрсәтү халыкара махсуслаштырылган күргәзмәсе ачылды.
Ачу тантанасында Татарстан Республикасы Президенты Рөстәм Миңнеханов катнашты. 
Күргәзмә ачылыр алдыннан Рөстәм Миңнеханов Messe Frankfurt халыкара күргәзмәләр комплексы президенты Вольфганг Марцин белән әңәгәмә корды.