Бүген Татарстан Республикасы Президенты Рөстәм Миңнехов Татарстан Республикасы Дәүләт Советының егерменче утырышы кысаларында  республиканың эчке һәм тышкы хәле турындагы еллык юллама белән мөрәҗәгать итте.  

Чара Салих Сәйдәш исемендәге ЗДКЗда (Казан) узды.

Утырышны Татарстан Республикасы Дәүләт Советы Рәисе Фәрит Мөхәммәтшин ачты. Ул хәбәр иткәнчә, чарада Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Премьер-министры Илдар Халиков, Россия Федерациясе Федераль Собраниесе Федерация Советы әгъзалары һәм Дәүләт Думасы депутатлары, Татарстан Республикасының чит илләрдәге һәм Россия төбәкләрендәге даими вәкилләре, Татарстан Республикасы Хисап палатасы рәисе, муниципаль берәмлекләр башлыклары, сәнәгать предприятиеләр, банклар, югары уку йортлары вәкилләре, иҗат  интеллигенциясе, җәмәгать оешмалары вәкилләре һәм башкалар катнаша.  

Бүген Татарстан башкаласында Казан Ратушасы алдындагы мәйданда ТР Урман хуҗалыгы министрлыгы дәүләт учреждениеләренә 32 яңа автомобиль ачкычларын тапшыру тантанасы узды. Бу чарада Татарстан Премьер-министры Илдар Халиков катнашты.

Татарстан Республикасы белән Берләшкән Гарәп Әмирлекләре арасындагы багланышларны Россия-Әмирлекләр мөнәсәбәтләре кысаларында үстерү безнең өчен зур әһәмияткә ия. Бүген  бу хакта Татарстан Республикасы Президенты Рөстәм Миңнеханов «Мубадала» инвестицион фонды (Берләшкән Гарәп Әмирлекләре) делегациясе һәм Россия турыдан-туры инвестицияләр фонды (РФПИ) генераль директоры Кирилл Дмитриев белән очрашуда хәбәр итте.

Очрашу Казан Кремленең Губернатор сараенда узды.

Иртәгә, 2016 елның 21 сентябрендә, Татарстан Республикасы Хөкүмәтенең рәсми порталында бишенче чакырылыш Татарстан Республикасы Дәүләт Советының егерменче утырышын интернет-трансляцияләү оештырылачак. 

Утырыш кысаларында Татарстан Республикасы Президенты Рөстәм Миңнеханов республиканың эчке һәм тышкы хәле турындагы еллык юллама белән Татарстан Республикасы Дәүләт Советына мөрәҗәгать итәчәк.   

Бүген ТР Хөкүмәте йортында Татарстан Республикасы Премьер-министры Илдар Халиков Татарстанның чит илләрдәге һәм Россия субъектларындагы вәкилләре белән киңәшмә уздырды.

Илдар Халиков киңәшмәне ачып, бүгенге көндә Татарстан Республикасының якын һәм ерак чит илләрдә 15, Россия субъектларында  8 вәкиллеге эшли, дип билгеләде.

10 һәм 17 сентябрьдә ярминкә мәйданнарына 120 млн сумлык авыл хуҗалыгы азык-төлеге китерелгән. Бу хакта бүген ТР Министрлар кабинетында узган брифингта Татарстанның авыл хуҗалыгы һәм азык-төлек министрының беренче урынбасары Николай Титов хәбәр итте.

Бүген Казан федераль университеты базасында “Киләчәк фәне” II халыкара конференциясе һәм “Киләчәк фәне – яшьләр фәне” II Бөтенроссия яшьләр фәнни форумы башланды.

Аларны ачу тантанасында РФ Президенты ярдәмчесе Андрей Фурсенко, РФ мәгариф һәм фән министры урынбасары Алексей Лопатин, Татарстан Президенты Рөстәм Миңнеханов, КФУ ректоры Илшат Гафуров катнашты.

Татарстанда сәүдә челтәрләре эшчәнлеген мониторинглау өчен электрон мәйданчык барлыкка килергә мөмкин. ТР Премьер-министры Илдар Халиков бүген Республика Дәүләт Советының Экология, табигатьтән файдалану, агросәнәгать һәм азык-төлек сәясәте комитеты, Татарстанның сәүдә өлкәсендә федераль законнар таләпләре үтәлешен мониторинглау төркеме җитәкчесе Таһир Һадиевның доклады буенча шундый тәкъдим кертте.

Доклад Казанда үткәрелгән “Сәүдә эшчәнлеге өлкәсендә көндәшлек тәэмин итү” темасына халыкара фәнни-гамәли конференциядә укылган иде.

Бүген Татарстан Республикасы Президенты Рөстәм Миңнеханов Беларусь Республикасының Россия Федерациясендәге Гадәттән тыш һәм Тулы вәкаләтле Илчесе Игорь Петришенко белән очрашты. ТР Хөкүмәте Йортында узган киңәшмәдә Татарстаннан ТР Президенты ярдәмчесе Радик Гыйматдинов, ТР Премьер-министры урынбасары - мәгълүматлаштыру һәм элемтә министры Роман Шәйхетдинов, ТР Премьер-министры урынбасары - сәнәгать һәм сәүдә министры Альберт Кәримов һәм башкалар катнашты. 

Бүген Татарстан Республикасы Премьер-министры Илдар Халиков Төньяк Рейн федераль җире - Вестфалия (ГФР) Икътисад министрлыгы Дәүләт секретаре Гюнтер Хорзетцки белән очрашты.

ТР Хөкүмәте йортында узган очрашуда шулай ук ТР икътисад министры Артём Здунов, ТР Инвестицион үсеш агентлыгы җитәкчесе Талия Миңнуллина, ТР сәнәгать һәм сәүдә министры урынбасары Илдар Миңгалиев катнашты.