Бүген Татарстанга эш сәфәре белән Төркия Республикасы Икътисад министры Нихат Зәйбәкҗи килде. «Казан» халыкара аэропортында шәрәфле кунакны Татарстан Республикасы Президенты Рөстәм Миңнеханов каршы алды.   

Сәфәренең төп максаты – «Алабуга» махсус икътисадый зонасында булу һәм андагы Төркия предприятиеләренең эшчәнлеге белән танышу.

Бүген «Россия-1» телеканалында турыдан-туры эфирда 200 һәм 2000 сумлык номиналлы яңа банкнотлардагы символлар өчен бөтенроссия тавыш бирүендә җиңүчеләр билгеле булды. Соңгы көнне Ерак Көнчыгыш белән Севастополь алга чыкты. 

Рөстәм Миңнеханов җиңүчеләрне тәбрик итте һәм һәр дәгъвачы шәһәрнең, һичшиксез, яңа купюрларда чагылыш табуга лаек икәнен билгеләп үтте. 

Бүген Мәскәүгә эш сәфәре кысаларында Татарстан Республикасы Президенты Рөстәм Миңнеханов «Газпром» ГАҖ идарәсе рәисе Алексей Миллер белән очрашты. Очрашу «Газпром» ГАҖның рәсми офисында узды, анда шулай ук Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасы вице-премьеры – Татарстан Республикасы мәгълүматлаштыру һәм элемтә министры Роман Шәйхетдинов катнашты. 

Яклар Татарстан белән «Газпром» компаниясе арасындагы хезмәттәшлекне үстерү мәсьәләләре турында фикер алыштылар.

Бүген Татарстанның Дәүләт Киңәшчесе, “Яңарыш” республика фонды Попечительлек советы рәисе Минтимер Шәймиев Болгар ислам академиясе һәм “Кол Гали” кунакханәсе комплексы төзелеше белән танышты. Аны ТР Дәүләт Советы Рәисе урынбасары, Яңарыш” республика фонды башкаручы директоры Татьяна Ларионова, Татарстан мөфтиенең беренче урынбасары Рөстәм Батров озата йөрде.

Эшнең барышы турында “Татинвестгражданпроект” ДУП генераль директоры Гадел Хөснетдинов һәм подрядчы оешма җитәкчесе – “Грань” ҖЧҖ генераль директоры Леонид Анисимов сөйләде.

Бүген ТР Хөкүмәте йортында ТР Премьер-министрының беренче урынбасары Алексей Песошин рәислегендә Республика социаль-хезмәт мөнәсәбәтләрен көйләү буенча өч яклы комиссия утырышы узды.

Бу чарада ТР хезмәт, мәшгульлек һәм социаль яяклау министры Эльмира Зарипова, ТР Профсоюзлар федерациясе рәисе Татьяна Водопьянова, Татарстан Республикасы эш бирүчеләр берлегенең координацион советы рәисе Александр Лаврентьев, ТРда Дәүләт хезмәт инспекциясе җитәкчесе Евгений Костюшин катнашты.

Бүген Казанда “Пирамида” комплексында Укытучылар көненә багышланган тантана уздырылды. Халыкара һөнәри бәйрәмдә Татарстанның меңнән артык педагогик хезмәткәре, шул исәптән мәгариф идарәләре һәм бүлекләре, башлангыч һәм урта һөнәри белем бирү учреждениеләре, иң уңышлы мәктәп директорлары һәм балалар бакчалары мөдирләре, укытучылар, тәрбиячеләр катнашты.

Тантанада республика Премьер-министры Илдар Халиков педагогик хезмәткәрләрне бәйрәмнәре белән Татарстан Президенты Рөстәм Миңнеханов исеменнән котлады.

Бүген Татарстанның Дәүләт Киңәшчесе, “Яңарыш” республика фонды Попечительлек советы рәисе Минтимер Шәймиев, Болгар ислам академиясе һәм Кол Гали кунакханәсе төзелеше белән танышу максатыннан, эш сәфәре белән Болгарга килде. Аның белән Татарстан Дәүләт Советы Рәисе урынбасары, "Яңарыш" фондының башкаручы директоры Татьяна Ларионова, ТР мөселманнары Диния нәзарәте рәисенең, ТР мөфтиенең беренче урынбасары Рөстәм хәзрәт Батров та бар иде.

Иң элек Минтимер Шәймиев 200 сумлык акчада Казан сурәте төшерелгән зурайтылган үрнәкне тоткан яшьләр һәм төзүчеләр янында фотога төште. Дәүләт Киңәшчесе яңа кәгазь акча банкнотларында сурәтләнәчәк шәһәр өчен бүген Интернет челтәрендә тавыш бирү төгәлләнүен искәртте. Акчалар тышлыгында Россиянең иң күренекле урыннары сурәтләнәчәген әйтик. Моңа берничә шәһәр дәгъва кыла, шул исәптән Казан да.

Бүген төштән соң Татарстан Республикасы Президенты Рөстәм Миңнеханов  AirBaltic компаниясе җитәкчелеге белән очрашты. Очрашу Ригада компания офисында узды.

Искәртәбез, Рөстәм Миңнеханов Ригада ике көнлек (2016 елның 5-6 октябре) эш сәфәрендә.

Рөстәм Миңнехановка компаниянең дөнья базарындагы эшчәнлеген тәкъдир иттеләр. 

Риганы азат итүчеләр һәйкәленә бүген көннең икенче яртысында Татарстан Республикасы Президенты Рөстәм Миңнеханов чәчәкләр салды. 

Искәртик, Рөстәм Миңнеханов Латвия Республикасына ике көнлек визит белән килде. 

Риганы азат итүчеләр һәйкәле мемориаль комлпексы Латвия башкаласында Даугава елгасының сул ярында Таш күпер артында урнашкан. 

Бүген Татарстан Республикасы Президенты Рөстәм Миңнеханов Латвия Республикасы Премьер-министры урынбасары - Латвия  Республикасы икътисад министры Арвилс Ашераденс белән очрашты. 

Очрашу Ригада Рөстәм Миңнехановның Латвиягә эш сәфәре кысаларында узды. 

Рөстәм Миңнеханов хәбәр иткәнчә, бүгенге визит Россия-Латвия мөнәсәбәтләре кысаларында  Татарстан-Латвия сәүдә-икътисадый һәм инвестицион хезмәттәшлекне үстерүгә, тулаем мөнәсәбәтләрне яхшыртуга ярдәм итәчәк.