Бүген очрашуда ТР Президенты вазыйфаларын башкаручы – ТР Премьер-министры Илдар Халиков һәм РФ транспорт министры урынбасары Андрей Недосеков “Ауропа-Кытай” транспорт коридоры төзелеше проекты кысаларында хезмәттәшлек итү буенча фикер алышты.

Якын киләчәктә Татарстанда бензин кыйммәтләнергә тиеш түгел. Ул хакта бүген ТР Министрлар Кабинетында узган брифингта хәбәр ителде. ТР Президенты ярдәмчесе Ринат Сабиров хәбәр иткәнчә, Татарстанда ай саен 90 мең тонна бензин кулланыла. 50 мең тоннаны "ТАИФ-НК" заводы җитештерә.

2011 елның беренче ярты елында ТР юлларында 505 мең кв. метр мәйданда чокыр-чакырларны ямау эшләре башкарылган. Бу 2010 ел күрсәткечләре белән чагыштырганда 50 процент тәшкил итә.

Татарстан Республикасы Президенты Рөстәм Миңнеханов кыска вакытлы ялга китә. Республика башлыгының ялы 2011 елның 5 июленнән 17 сенә кадәр.

Бүген мәскәүлеләр татар-башкорт халкының яраткан бәйрәмен – Сабан туен билгеләп үтә. Быел ул яңа урында – “Коломенское” Мәскәү дәүләт музей-тыюлыгында узуга да карамастан, бәйрәмгә кеше күп килгән иде.

Татарстан Республикасының Свердловски өлкәсендәге Вәкаләтле вәкиллегендә - яңа җитәкче. Әлеге вазифага Ринат Садриев билгеләнде. Вәкаләтле вәкиллекнең яңа башлыгын коллективка вице-премьер – ТР Министрлар Кабинеты Аппараты җитәкчесе Шамил Гаффаров тәкъдим итте.

Бүген Екатеринбургта федераль Сабантуйны ачу тантанасы узды. 2011 елгы Сабан туеның үзенчәлеге ике бәйрәм датасы белән бәйле – быелгы ел Россиядә Космонавтика елы дип игълан ителде, ә Татарстанда быел бөек татар шагыйре Габдулла Тукайның 125 еллыгын бәйрәм итәләр.

Бүген Татарстан Президенты Рөстәм Миңнеханов ике көнлек визит белән Екатеринбургка килде. "Кольцово" аэропортында республика башлыгын Свердловски өлкәсе губернаторы Александр Мишарин каршы алды.

Республикада быел гражданнарны авария хәлендәге тораклардан күчерү программасы өзелү куркынычы астында калган. Сәбәбе, бүген ТР Хөкүмәте йортында узган видеокиңәшмәдән аңлашылганча, программаны гамәлгә ашыру схемаларының ахыргача уйланып җитмәгән булуында. Программаны гамәлгә ашыру өчен җаваплы затлар бүген ТР Президенты Рөстәм Миңнехановның көчле тәнкыйтенә эләкте.

Республикада торак төзелеше һәм сафка бастыру темасына июнь урталарында ТР Хөкүмәте йортында узган чираттагы видеокиңәшмәдә беренче яртыеллыкта сафка бастырылырга тиешле, ләкин һаман проблемалары чыкканга, файдалануга тапшырыла алмаган Казандагы 3 йорт атап үтелгән иде. Шуларның берсе башкаланың Габишев урамындагы 8 нче йорт.