13 июльдә сәгать 8гә булган мәгълүматларга караганда, республиканың Суд-медицина экспертизасы бюросына “Булгария” теплоходында һәлак булучыларның 89 мәете китерелгән, дип хәбәр итә ТР Гражданнар оборонасы эшләре һәм гадәттән тыш хәлләр министрлыгы.

Бүген Татарстанда "Булгария" теплоходында һәлак булган кешеләрне җирли башладылар. Республикада 22 кешенең мәете җиргә бирелде. Ул хакта фаҗиганең сәбәпләрен өйрәнү буенча хөкүмәт комиссиясе утырышында хәбәр ителде. Аны ТР Хөкүмәт Йортында РФ транспорт министры Игорь Левитин үткәрде.

“Булгария” теплоходы фажигасендә һәлак булганнарның гаиләләренә һәм каза күрүчеләргә бер тапкыр матди ярдәм күрсәтү турында бүген Татарстан Хөкүмәте 398 нче номерлы карар чыгарды.

"Булгария" теплоходы һәлакәтен өйрәнү буенча хөкүмәт комиссиясе әгъзалары "Булгария"дә һәлак булучылар истәлегенә чәчәкләр салды. Вакыйгада ТР Президенты Рөстәм Миңнеханов, РФ транспорт министры Игорь Левитин, ТР Дәүләт Киңәшчесе Минтимер Шәймиев, Казан мэры Илсур Метшин һәм башка рәсми затлар катнашты.

Бөтенроссия матәм көнендә "Булгария" баткан урынга матәм чәчәкләре салынды. ТР Президенты Рөстәм Миңнеханов, ТР Дәүләт Советы рәисе Фәрит Мөхәммәтшин, РФ Президенты ярдәмчесе Александр Абрамов, РФ Транспорт министры Игорь Левитин, һәлак булганнарның туганнары суга чәчәкләр салды.

14 сәгатькә булган мәгълүматлар буенча "Булгария" баткан урында 75 мәет табылган. Алар арасында - 50 хатын-кыз, 9 бала һәм 16 ир-ат.

Россия Федерациясе транспорт министры Игорь Левитин белән Татарстан Республикасы Президенты Рөстәм Миңнеханов “Булгария” теплоходы фаҗигасендә һәлак булучыларны искә алу чарасында булды. Казанның Петропавловски соборында һәм республика башкаласының борынгы Әл-Мәрҗәни мәчентендә һәлак булучылар рухына дога кылдылар.

Иртәнге сәгать 10га булган мәгълүматлар буенча "Булгария" теплоходы һәлакәткә юлыккан урында 66 мәет табылды. 55 мәет инде Республика суд-медицина экспертизасы бюросына җибәрелде.

Хәзерге вакытта 44 кешенең шәхесе ачыкланган. 11е - әлегә ачыкланмаган.

Бу саннарны Татарстан Хөкүмәт йортында узган брифингта ТР Премьер-министры И.Ш.Халиков китерде.

12 июльнең иртәнге сәгать 6га булган мәгълүматлар буенча "Булгария" теплоходы һәлакәтендә һәлак булган 34 кешенең шәхесе ачыкланган. Барлыгы судан 58 мәет чыгарылган. Шуларның 39ы - хатын-кызлар, 5е - балалар, 14е - ир-атлар.

ТР гражданлык оборонасы эшләре һәм гадәттән тыш хәлләр министрлыгы иртәнге сәгать 6га булган мәгълүматлар китерә.

Татарстанга коточкыч кайгы килде. Республикабыз тарихындагы иң зур һәлакәтләрнең берсендә безнең гражданнар һәлак булды.