Бүген Татарстан Хөкүмәте йортында Татарстан Президенты Рөстәм Миңнеханов рәислегендә “Татнефтехиминвест-холдинг” Директорлар советының чираттагы утырышы узды. Холдинг генераль директоры Рафинат Яруллин 2012 елның беренче кварталында ТР нефть газ, химия комплексы предприятиеләренең эшчәнлеге нәтиҗәсе хакында белдерде. Нәтиҗә уңай дип бәяләнде. Комплекстта производство 8 процентка үскән, шул исәптә нефть эшкәртүдә – 31,5 процентка, химия һәм нефть химиясендә – 4 процентка. 212 млрд. сумлык продукция җитештерелгән, бу узган елның шул чорындагы күрсәткечләрдән 18 процентка артык.

Бүген ТР Премьер-министры Илдар Халиков рәислегендә “Татспиртпром” ААҖ Директорлар советы утырышы узды. Хөкүмәт башлыгы ТР Җир һәм мөлкәт мөнәсәбәтләре министрлыгының 2012 елның 17 апрель карары белән “Татспиртпром” Директорлар советы әгъзалары вәкаләтләренең вакытыннан алда тәмамлануын, акционерларның гомуми җыелышына кадәр Директорлар советының яңа составы расланачагын искә төшереп үтте. Шуңа бәйле рәвештә, совет әгъзлары бүген Директорлар советы рәисен сайлады. Алар бертавыштан Илдар Халиковны яклап тавыш бирде.

Бүген Татарстан Президенты Рөстәм Миңнеханов катнашында “Таттелеком” ААҖ ике яңа проектына старт бирелде. Аларның берсе MVNO схемасы буенча эшләүче кәрәзле элемтә хезмәтләре булса, икенчесе республиканы Wi-Fi челтәре белән каплауны күздә тоткан “Һәрвакыт челтәрдә” глобаль проекты. Аларны презентацияләү һәм символик эшләтеп җибәрү җәмгыять акционерларының еллык җыелышы кысаларында узды. Чарада шулай ук ТР Премьер-министры урынбасары- мәгълүматлаштыру һәм элемтә министры Николай Никифоров, “Таттелеком” ААҖ генераль директоры Лотфулла Шәфигуллин, һ.б. катнашты.

Бүген Татарстан тамашачысы Казанның “Пирамида” мәдәни-күңел ачу комплексында “Созвездие-Йолдызлык -2012” эстрада сәнгате буенча XII ачык республика телевизион яшьләр фестиваленең төрле номинацияләрдә җиңүчеләре һәм Гран-при ияләре исемнәрен ишетү бәхетенә иреште. Республика Гала-концертына берсеннән-берсе талантлы яшьләрнең сәләтен тамаша кылырга Татарстан Президенты Рөстәм Миңнеханов, Казанга эш сәфәрен күңел күтәргеч ноктада төгәлләргә уйлаган кунаклар – Казакъстан Республикасының Актүбә өлкәсе делегациясе вәкилләре һәм башка рәсми затлар килде.

Бүген Казан Кремлендә ТР Президенты Рөстәм Миңнеханов Актүбә өлкәсе хакиме Архимед Мухамбетов белән очрашты. Очрашуда ТР Премьер-министры Илдар Халиков, Премьер-министрның беренче урынбасары Равил Моратов, сәнәгать һәм сәүдә министры Равил Зарипов һ.б. катнашты.

Бүген дүртенче чакырылыш ТР Дәүләт Советының егерме сигезенче утырышында, тәүге тапкыр буларак, Премьер-министр Илдар Халиков депутатлар алдында 2011 елда Татарстан Республикасы башкарма хакимият органнары эшчәнлеге турындагы хисап тотты. Хөкүмәт рәисе үз чыгышында узган елда республиканың мөһим социаль-икътисади үсеш нәтиҗәләренә тукталды. 2011 елның республика икътисады өчен уңышлы тәмамлануын ассызыклады. Икътисадның реаль секторында керемнәрнең сизелерлек үсешенә, хезмәт базарында вазгыятьнең яхшыруына, хезмәт хакы күләме һәм халыкның керемнәре артуга, инфляция процессларының акрынаюына игътибар юнәлтте.

Бүген дүртенче чакырылыш ТР Дәүләт Советының егерме сигезенче утырышында, тәүге тапкыр буларак, Премьер-министр Илдар Халиков депутатлар алдында 2011 елда Татарстан Республикасы башкарма хакимият органнары эшчәнлеге турындагы хисап тотты. Хөкүмәт рәисе үз чыгышында узган елда республиканың мөһим социаль-икътисади үсеш нәтиҗәләренә тукталды. 2011 елның республика икътисады өчен уңышлы тәмамлануын ассызыклады. Икътисадның реаль секторында керемнәрнең сизелерлек үсешенә, хезмәт базарында вазгыятьнең яхшыруына, хезмәт хакы күләме һәм халыкның керемнәре артуга, инфляция процессларының акрынаюына игътибар юнәлтте.

Бүген Татарстан Хөкүмәт йортында Татарстан Президенты Рөстәм Миңнеханов рәислегендә “Татнефть” ААҖ Директорлар советының чираттагы утырышы узды. 2012 елның 3 аенда компаниянең бюджет үтәлешенә нәтиҗә ясалды, май аена бюджет расланды.

Бүген дүртенче чакырылыш ТР Дәүләт Советының егерме сигезенче утырышы уза. Көн тәртибендә каралачак үзәк мәсьәлә - 2011 елда Татарстан Республикасы башкарма хакимият органнары эшчәнлеге турындагы хисап булачак.

Бүген, татар халкының бөек улы Габдулла Тукайның 126 нчы туган көненә дип, Шагыйрь һәйкәле төбенә ТР Президенты Рөстәм Миңнеханов кәрзин тулы кып-кызыл роза гөлчәчәкләре китерде. Тукайның бронзадан коелган сынына күтәрелеп карап торганнан соң, баш иеп уйланып торды. Аның үрнәгендә Казакъстан Республикасының Актүбә өлкәсе әкиме Архимед Мөхәмбәтов та шундый бүләк китерде, ул да хөрмәт белән башын түбән иде.