Бүген Татарстан Президенты ТР Министрлар Кабинетында узган киңәшмәдә республика күренекле урыннарының үткән ял көннәрендә тәмамланган "Россия 10" федераль проектында катнашуның нәтиҗәләрен билгеләде. Рөстәм Миңнеханов фикеренчә, интернет-тавыш бирү оештыручылары конкурсның ачыграк һәм аңлаешлы булуын тәэмин итәргә тиеш иделәр.

“Бердәм Россия” партиясе вәкилләренә сентябрь сайлауларыннан соң, киеренкелекне бетерергә ярамый, киресенчә, кешеләр белән эшне, аларның проблемаларын чишүне яхшыртырга кирәк, дип белдерде Россия Премьер-министры Дмитрий Медведев Мәскәүдә партия съездында. Съезда ТРдан 27 делегат катнаша, шул исәптән, ТР Президенты Рөстәм Миңнеханов, ТР Дәүләт Советы Рәисе Фәрит Мөхәммәтшин.

Бүген ТР Хөкүмәте Йортында үткән атналык республика киңәшмәсендә ТР Президенты Рөстәм Миңнеханов, республика программаларын үтәмәгән өчен, берничә муниципаль берәмлекнең башлыкларын тәнкыйтьләде.

Бүген Татарстанда традицион “Урман утырту көне” табигатьне саклау акциясе уза. Күп кенә дәүләт учреждениеләре, министрлыклар, ведомстволар, ТР Президенты Аппараты һәм республика Хөкүмәте хезмәткәрләре, вуз студентлары һәм укытучылары Казан территориясендә агачлар утыртуда катнаша.

Аерым алганда, бүген Игенчеләр сарае каршындагы Федосеев паркында ТР Хөкүмәте Аппараты хезмәткәрләре 50 чыршы утыртты. Аларның икесен ТР Премьер-министры Илдар Халиков утыртты. Шулай ук акциядә вице-премьер – ТР Министрлар Кабинеты Аппараты җитәкчесе Шамил Гафаров һәм республиканың урман хуҗалыгы министры Наил Мәһдиев катнашты.

Бу шимбәдә парламентарийлар һәм Дәүләт Советы Аппараты хезмәткәрләре Казан мемориаль паркында агачлар утырттылар, әлеге бакчада Парламент аллеясы барлыккка килде.

Бүген Мәскәүдә Россия Президенты Владимир Путин бюджет акчаларын сарыф итү мәсьәләсе буенча РФ Дәүләт Советы утырышын уздырды. Дәүләт Советы эшендә Татарстан Республикасы Президенты Рөстәм Миңнеханов катнашты.

“Бердәм Россия” партиясе вәкилләренә сентябрь сайлауларыннан соң, киеренкелекне бетерергә ярамый, киресенчә, кешеләр белән эшне, аларның проблемаларын чишүне яхшыртырга кирәк, дип белдерде Россия Премьер-министры Дмитрий Медведев Мәскәүдә партия съездында.

Бүген Казан федераль университетының Физика институтында автоматлаштырылган проектлау системаларының уртак лабораториясе - “КФУ-Аджилент” үзәге ачылды. Тантаналы ачылышта ТР Премьер-министры Илдар Халиков катнашты.

Бүген Казанның Спорт сараенда “Идел буе” конференциясендә Төнге хоккей лигасының өченче сезоны ачылды. “Звезды Ночной хоккейной лиги” һәм “Казанские Драконы” бер-берсен җиңә алмады. Россиянең һәвәскәрләр хоккей лигасы дип аталган Төнге хоккей лигасы 2012 нче елда булдырылган. Хәзерге вакытта ул - Россиянең иң зур спорт оешмасы. Сезонны ачу матчлары Казан, Санкт-Петербург, Чиләбе, Подольск һәм Мәскәүдә уза.

Бүген Татарстан Республикасы Президенты Рөстәм Миңнеханов “СТС Медиа” холдингы генераль продюсеры, “Сеть Телевизионных Станций” ЯАҖ генераль директоры Вячеслав Муругов белән очрашты. Татарстан Республикасы Хөкүмәте Йортында узган очрашуда шулай ук Татарстан Республикасы Президенты Мабугат хезмәте җитәкчесе Андрей Кузьмин, “Татмедиа” Мабугат һәм массакүләм коммуникацияләр буенча республика агентлыгы җитәкчесе Ирек Миңнеәхмәтов катнашты.