Яңалыклар

13.06.2014

Марат Әхмәтов: “Кырларда дым әле дә җитәрлек түгел”

Үткән көннәрдә явып узган яңгырлар Татарстан кырларындагы хәлне яхшыртты, әмма ул әле дә катлаулы булып кала. Бу хакта бүген ТР Хөкүмәте Йортындагы атналык киңәшмәдә ТР вице-премьеры – авыл хуҗалыгы һәм азык-төлек министры Марат Әхмәтов белдерде. Киңәшмәне Татарстан Президенты Рөстәм Миңнеханов уздырды.

13.06.2014

Казанда V Бөтенроссия татар дин әһелләре форумы пленар утырышы уза

Кичә Казанда башланган “Милли тормыш һәм дин” V Бөтенроссия татар дин әһелләре форумының бүген пленар утырышы уздырыла. Аның эшендә ТР Президенты Рөстәм Миңнеханов, ТР Президенты Аппараты җитәкчесе Әсгать Сәфәров, Россия Федераль Җыены Дәүләт Думасы депутаты, федераль татар милли-мәдәни мохтарияте рәисе Илдар Гыйльметдинов, ТР Дәүләт Советының Мәдәният, фән, мәгариф һәм милли мәсьәләләр комитеты рәисе Разил Вәлиев, Бөтендөнья татар конгрессы Башкарма комитеты рәисе Ринат Закиров һ.б. рәсми затлар катнаша. Югары дин әһелләреннән Россия мөфтиләр шурасы рәисе, Россиянең Европа өлеше мөселманнары Диния нәзарәте рәисе, мөфти Равил Гайнетдинов, Шәйхелислам, Югары мөфти, Россия мөселманнарының Үзәк диния нәзарәте рәисе Тәлгать Таҗетдин, ТР мөселманнары Диния нәзарәте рәисе, мөфти Камил Сәмигуллин һ.б. бар.

12.06.2014

Бүген Чаллыда милли бәйрәм – Сабан туен бәйрәм итәләр

Бүген Чаллыда Сабан туен бәйрәм итәләр. Сабантуйның тантаналы ачылышында бәйрәмгә килүчеләрне ТР Премьер-министры Илдар Халиков һәм Чаллы шәһәре мэры Васил Шәйхразиев котладылар.
Илдар Халиков Чаллы халкына ТР Президенты Рөстәм Миңнехановның котлавын тапшырды. “Чаллы Сабантуенда катнашучыларга һәм кунакларга чын күңелдән кызыклы ярышлардан уңай тәэсирләр алуларын телим”, диелә Президент котлавында.

12.06.2014

Фәрит Мөхәммәтшин: “Яшьләр тарихның һәм мәдәниятнең дәвамчанлыгы өчен аерым җаваплылыкта”

Бүген Страсбургта Европа Сараенда “Актив гражданлыкны алга этәрү һәм яшьләрне сайланган демократия институтлары аша җәлеп итү” («Продвижение активной гражданственности и включение молодежи через институты представительной демократии») халыкара конференциясе ачылды. Форумда катнашучыларны Европа Советы җирле һәм төбәк хакимиятләре Когрессының актуаль мәсьәләләр буенча комитеты исеменнән комитет башлыгы, ТР ДС Рәисе Фәрит Мөхәммәтшин сәламләде.

12.06.2014

ТР буенча ЭЭМ һәм махсус билгеләнештәге Республика үзәге җитәкчелегенә байраклар тапшырылды

Бүген Казанда "Kazan-Arena" стадионы янындагы мәйданда ТР буенча ЭЭМна һәм ТР буенча ЭЭМ махсус билгеләнештәге Республика үзәгенә байрак тапшыру тантанасы булды. Чарада ТР Президенты Рөстәм Миңнеханов катнашты. Министрлык башлыгы Артем Хохоринга һәм үзәк башлыгы Владислав Озеровка байракларны статс-секретарь – эчке эшләр министры урынбасары Игорь Зубов тапшырды.

12.06.2014

Россия көнендә Казанда яңа балалар бакчасы ачылды

Бүген Казанда Симонов урамында “Олимпионик” балалар бакчасы ачылышы булды. Балалар бакчасын ачу Россия көне белән туры килде. Көтеп алынган вакыйга белән шәһәр халкын ТР Президенты Рөстәм Миңнеханов һәм Казан мэры Илсур Метшин котлады. Авиатөзелеш районында урнашкан балалар бакчасы - 2370 кв. метр мәйданлы өч катлы бина. Мәктәпкәчә учреждение 120 урынга исәпләнгән. Балаларны тәрбияләү өчен монда барлык шартлар булдырылган: йокы бүлмәләре белән 6 төркем өчен бүлмә, музыка һәм спорт заллары, медицина блогы, азык-төлек блогы, юу бүлмәсе, яшелчәләр саклау урыны.

12.06.2014

ТР Хөкүмәте Йортында Казанның тарихи үзәгендәге төзелеш турында киңәштеләр

Казанның тарихи үзәгендә яңа биналарны төзү проектларын бүген ТР Хөкүмәте Йортында узган киңәшмәдә катнашучылар карады. Киңәшмәне Татарстан Президенты Рөстәм Миңнеханов уздырды, анда шулай ук Казан шәһәре мэры Илсур Метшин, ТР Президенты ярдәмчесе Олеся Балтусова, ТР төзелеш, архитектура һәм ТКХ министры Ирек Фәйзуллин, ТР җир һәм милек мөнәсәбәтләре министры Азат Хамаев, ТР мәдәният министры Айрат Сибагатуллин һәм башкаклар катнашты.

12.06.2014

Татарстан Президенты Казанның тарихи үзәгендә йөрде

Бүген Татарстан Республикасы Президенты Рөстәм Миңнеханов Казанның тарихи үзәге буйлап чираттагы җәяүле сәфәре кысаларында яңа төзелеш объектларын, шәһәрнең торгызылган һәм торгызылырга кирәкле тарихи биналарын карады. Аны Казан мэры Илсур Метшин, ТР Президенты ярдәмчесе Олеся Балтусова, ТР төзелеш, архитектура һәм ТКХ министры Ирек Фәйзуллин, ТР мәдәният министры Айрат Сибагатуллин һәм башкалар озата йөрделәр.

11.06.2014

Илдар Халиков: “ТКХ предприятиеләренә бурычлары өчен электр утын һәм газны сүндерергә кирәк”

ТР Премьер-министры Илдар Халиков алдагы ягу сезонына уңышлы әзерләнү өчен, бурычлы предприятиеләргә газ һәм электр утын сүндерергә өндәде. Тиешле йөкләмәне ул ТР Хөкүмәте Йортындагы киңәшмәдә бирде.

11.06.2014

Рөстәм Миңнеханов: «Социаль хезмәткәрләрнең хезмәтен бәяли белергә тиеш без»

Социаль хезмәт хезмәткәрләре җәмгыять өчен бик мөһим эш башкара, алар югары мораль һәм матди бәяләүгә, ихтирамга лаек. Бүген бу фикерне Татарстан Республикасы Президенты Рөстәм Миңнеханов Социаль хезмәткәр көненә багышлап Казанда уздырылган чарада хәбәр итте.