Россия китап берлегенең регионнар клубы киңәшмәсен бүген Россия китап берлеге президенты Сергей Степашин уздырды. Бу чара Казан Ратушасында үтте, анда ТР Премьер-министры Илдар Халиков катнашты.

Илдар Халиков катнашучыларны Татарстан Президенты исеменнән сәламләде һәм бүгенге чараны уздыру өчен Казанны сайлаулары өчен рәхмәт белдерде.

Бүген Татарстан Республикасы Президенты Рөстәм Миңнеханов Катлаулы профильләр заводында булды (Горький шоссесы, 47). Ул заводның җитештерү мәйданныран карады, яңа җиһазлар белән танышты. Завод җитәкчелеге вәкилләре Рөстәм Миңнехановка 2014 елның март аенда “Катлаулы профильләр заводы” ҖЧҖнең беренче чираты сафка бастырылганы турында хәбәр иттеләр (җарысы өч чиратны сафка кертү булачак). Бүгенге көнгә бу Россиядә профильләр чыгару буенча бердән-бер производство, алданрак алар тиешле җиһазлар булмаганлыктан җитештерелмәгәннәр.

“Наркотикларсыз тормыш” девизы астында узган наркотикларга каршы көрәш айлыгында Татарстанда 10 меңләп чара оештырылган, аларда 500 меңнән артык кеше катнашкан. Бу хакта бүген ТР Министрлар Кабинетында узган брифингта ТР прокуроры урынбасары Сергей Старостин хәбәр итте. Наркотикларга каршы көрәш айлыгында әлеге акциядә катнашучыларга лекцияләр укылган, түгәрәк өстәлләр, спорт ярышлары һ.б. оештырылган.

Бүген Татарстан Республикасы Президенты Рөстәм Миңнеханов Казанның Һади Такташ урамы, 115 адресы буенча урнашкан “Спасение” медицина берләшмәсе” ҖЧҖ нең күппрофильле сырхауханәсе белән танышты. Бу – Татарстанда сәламәтлек саклау өлкәсендә дәүләт-хосусый партнерлык системасының “беренче карлыгачы”. Президентны ТР сәламәтлек саклау министры Гадел Вафин, Казан шәһәре башкарма комитетының Сәламәтлек саклау идарәсе башлыгы Рамил Әхмәтов, ТР Дәүләт Советының социаль сәясәт комитеты рәисе Светлана Захарова һәм башкалар озатып йөрде.

Бүген “Казан” милли-мәдәни үзәгендә “Гражданлык җәмгыяте институтларының дәүләтчелек урнашуда роле һәм әһәмияте” дигән Бөтенроссия фәнни-гамәли конференциясе ачылды. Ул “Татарстан − Яңа гасыр” республика иҗтимагый хәрәкәтенең 15 еллыгына багышлана. Конференциядә башлап сүз алган ТР Дәүләт Советы Рәисе, «Татарстан – новый век» – «Татарстан – яңа гасыр» Республика иҗтимагый оешмасының сәяси советы җитәкчесе Фәрит Мөхәммәтшин түбәндәгеләрне бәян итте.

Һәр вуз һәм филиал, үзенә студентлар кабул иткәндә, югары әзерлек һәм сыйфатлы белем бирүгә ышандыра алырга тиеш. РФ мәгариф һәм фән министры Дмитрий Ливанов шулай дип саный. Бүген ул, Казанның “Корстон” комплексында Россия Федерациясе субъектларының мәгариф өлкәсе белән идарә итүче башкарма хакимият органнары җитәкчеләренең бөтенроссия киңәшмәсе алдыннан журналистларга биргән интервьюсында, 2014 нче елда абитуриентларны кабул итмәү киңәш ителгән вуз филиаллары белән бәйле вәзгыятьне шәрехләп үтте.

Татарстан яңа инновацион икътисад төзи – белемгә нигезләнгән икътисад, һәм мәгариф системасы анда беречел әһәмияткә ия. Бу хакта бүген Татарстан Республикасы Президенты Рөстәм Миңнеханов Россия Федерациясе субъектларның мәгариф өлкәсендә идарәне гамәлгә ашыручы башкарма органнары җитәкчеләренең бөтенроссия киңәшмәсенең пленар утырышында белдерде. Чара “Корстон” КСККнда узды һәм хәзерге заманда мәгариф үсешенең актуаль юнәлешләре һәм 2014-2015 уку елына бурычлары темасына багышланган иде. Киңәшмәне Россия Федерациясе мәгариф һәм фән министры Дмитрий Ливанов уздырды.

Бүген Татарстан Республикасы Президенты Рөстәм Миңнеханов «Кремонини груп» (Cremonini Group) компаниясенә нигез салучы һәм президенты Луиджи Кремонини җитәкчелегендә делегациясе белән очрашты. Очрашу Татарстан Республикасы Хөкүмәте Йортында узды, анда шулай ук ТР Премьер-министры урынбасары – авыл хуҗалыгы һәм азык-төдек министры Марат Әхмәтов, ТР Президенты ярдәмчесе Айрат Хәйруллин һәм башкалар катнаштылар.

Бүген Татарстан Республикасы Президенты Рөстәм Миңнеханов Төрекмәнстанга бер көнлек эш сәфәре ясады. Ашхабад халыкара аэропортында Рөстәм Миңнехановны Төрекмәнстан Министрлар Кабинеты Рәисе урынбасары – чит илләр эшләре министры Рәшид Мөридов каршы алды. Ашхабадка килеп төшүгә үк Рөстәм Миңнеханов Төрекмәнстан Президенты Горбанголы Бердымөхәммәдов белән очрашу өчен Огузхан (Ашхабад, Төрекмәнстан) сараена барды.