Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов 2015 елда Казанда Су спорт төрләре буенча XVI дөнья чемпионатына һәм «Мастерс» категориясендә Су спорт төрләре буенча XVI дөнья чемпионатына әзерлек буенча киңәшмә уздырды.

Киңәшмә Татарстан Республикасы Хөкүмәте Йортында узды.

Коррупциягә каршы күрелгән чараларга карамастан, конкрет үзгәрешләр турында сөйләргә иртә әле. Бүген бу хакта Татарстан Республикасы Президенты вазыйфаларын вакытлыча башкаручы Рөстәм Миңнеханов Коррупциягә каршы көрәш буенча Татарстан Республикасы Президенты каршындагы совет утрышында хәбәр итте. «Коррупциягә каршы законнарны үтәү, бюджет акчаларын һәм дәүләт (муниципаль) милектәге мөлкәтне файдалану нәтиҗәлелеген арттыру, шулай ук контроль-күзәтчелек эшчәнлеге турында» гы мәсьәлә карауга кертелгән иде. Чара Казан Кремлендә узды. Утырышта шулай ук Татарстан Республикасы Премьер-министры Илдар Халиков, Татарстан Республикасы Дәүләт Советы Рәисе Фәрит Мөхәммәтшин, республика министрлыклары һәм ведомстволары җитәкчеләре, дини конфессияләр вәкилләре һәм башкалар катнашты.

2015 елның беренче кварталында Татарстан Республикасының берләштерелгән бюджетына салым һәм салым булмаган керемнәр 43,4 млрд. сум тәшкил итте. Республика бюджетына үз табышыннан 34,8 млрд. сум тупланган. Җирле бюджетларга салым һәм салым булмаган керемнәр 8,6 млрд. сум күләмендә кергән. Бу хакта Татарстан Республикасы финанс министры Радик Гайзатуллин республиканың финанс, казначылык һәм салым органнары киңәшмәсендә белдерде.

Киңәшмәне Татарстан Республикасы Президенты вазыйфаларын вакытлыча башкаручы Рөстәм Миңнеханов үткәрде. Төп тема - 2015 елның I кварталында Татарстан Республикасы берләштерелгән бюджетын үтәү йомгаклары һәм 2015 ел азагына кадәр республика финанс, казначылык һәм салым органнарының бурычлары.Чара Татарстан Республикасы Хөкүмәте Йортында бөтен муниципаль районнар белән видеоконференцэлемтә режимында үткәрелде.

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Россия Юстиция министры Александр Коновалов белән очрашты. 2014 елда Россия Юстиция министрлыгының һәм ТРда аның ведомствосындагы федераль хезмәтләр эше нәтиҗәләренә, шулай ук 2015 елга бурычларына багышланган киңәшмә барышында яклар законлылык һәм хокук тәртибе өлкәсендә киләчәк хезмәттәшлек мәсьәләләре буенча фикер алыштылар. Чара Татарстан Республикасы Хөкүмәте Йортында узды. Киңәшмәдә шулай ук Татарстан Республикасы Премьер-министры Илдар Халиков, Россия Юстиция министрлыгының Татарстан Республикасы буенча идарәсе башлыгы Виктор Демидов һәм башкалар катнашты.

Казан үзәгенең тарихи кыяфәтен саклап калу бик мөһим. Бүген бу хакта Татарстан Республикасы Президенты вазыйфаларын вакытлыча башкаручы Рөстәм Миңнеханов Казан шәһәренең тарихи үзәгендәге яңа төзелеш мәсьәләләренә багышланган күчмә киңәшмәдә хәбәр итте. Рөстәм Миңнеханов яңа объектлар торгызу планлаштырыла торган берничә мәйданчыкта булды һәм Казан үзәгендә төзелешне чикләү турындагы карарның үтәлеше белән танышты. Рөстәм Миңнехановны Татарстан Республикасы Премьер-министры Илдар Халиков, Казан шәһәре мэры Илсур Метшин, Татарстан Республикасы Президенты Аппараты җитәкчесе Әсгать Сәфәров, республика министрлыклары һәм ведомстволары вәкилләре, төзелеш компанияләре җитәкчеләре һәм башкалар озата йөрде.

Татарстан Республикасында сәнәгать җитештерүе индексы (СҖИ) 2015 елның беренче кварталы йомгаклары буенча үткән ел белән чагыштырганда 99,5% тәшкил итә. Бүген бу хакта Татарстан Республикасы Министрлар Кабинеты каршындагы Икътисадый советның чираттагы утырышында Татарстан Республикасы Президенты вазыйфаларын вакытлыча башкаручы Рөстәм Миңнеханов хәбәр итте.

Утырыш Татарстан Республикасы Хөкүмәте Йортында узды һәм 2015 елның 1 кварталында Татарстан Республикасы икътисадын тотрыклы үстерүне һәм социаль стабильлекне тәэмин итү буенча беренче чираттагы чаралар планын гамәлгә ашыруга багышланды.