Бүген Татарстан Республикасы Президенты Рөстәм Миңнеханов Хакасия Республикасына эш сәфәре кысаларында «Социомәдәни үсеш ресурсы буларак, тарихи-мәдәни мирас» VI халыкара мәдәни-туризм форумынының пленар утырышында катнашты.

Бүген Татарстан Республикасы Президенты Рөстәм Миңнеханов Абакан шәһәренә (Хакасия Республикасы) эш сәфәре  белән килде. Сәфәрендә аны ТР Президенты Аппараты Җитәкчесе Әсгать Сәфәров, Татарстан Республикасы мәдәнитя министры Айрат Сибгатуллин, Туризм буенча Татарстан Республикасы Дәүләт комитеты рәисе Сергей Иванов, Татарстан Республикасы авыл хуҗалыгы һәм азык-төлек министры урынбасары Ришат Хәбипов һәм башкалар озата йөри. 

Эш сәфәренең төп максаты –  «Социомәдәни үсеш ресурсы буларак, тарихи-мәдәни мирас» VI халыкара мәдәни-туризм форумынының пленар утырышында катнашу.

«Бисеринки» бию коллективы һәм аның җитәкчесе бортында булган «Истантабул – Казан» рейсы очкычы Казанга 01.00 сәгатьтә килеп төште.

«Казан» халыкара аэропортында аларны Татарстан Республикасы Президенты аппараты вәкилләре каршы алды, шул исәптән Татарстан Республикасы Президенты ярдәмчесе Ләйлә Фазлыева һәм башкалар.

Россиядә федераль кыр көннәрен үткәрү кире кайта. 2016 елгы Бөтенроссия аграр тармак вакыйгасы Алтай краенда узачак, ә киләсе 2017 елда аны Татарстан үзендә кабул итәргә мөмкин.

РФ Авыл хуҗалыгы министрлыгының игенчелек, механикалаштыру, химияләштерү һәм үсемлекләрне саклау департаменты директоры Петр Чекмарев РФ авыл хуҗалыгы министрына шундый тәкъдим белән мөрәҗәгать итәргә җыена. Үзенең бу фикерен ул Татарстан Президенты Рөстәм Миңнехановка "Идел буенда Халыкара кыр көннәре" икенче технологик агрокүргәзмәсе ачылу тантансында җиткерде. Әлеге чара бүген республиканың Лаеш районында ачылды.

Бүген Татарстан Президенты Рөстәм Миңнеханов «Татнефтехиминвест-холдинг» ААҖнең Директорлар советы утырышын үткәрде. Анда Татарстан һәм Башкортстан нефть-газ-химия комплекслары  (НГХК) арасында хезмәттәшлекне үстерү концепциясе проекты турында фикер алышынды.

Документны ике республика башлыклары йөкләмәсе буенча «Татнефтехиминвест-холдинг» һәм БР Сәнәгать һәм инновацион сәясәт министрлыгы тарафыннан эшләнгән. Проектны «Татнефтехиминвест-холдинг»ның генераль директоры Рафинат Яруллин һәм "Башкортстан Республикасының үсеш корпорациясе" ААҖ генераль директоры урынбасары Денис Фомин үткәрде.

Татарстан Республикасы Президенты Рөстәм Миңнеханов Төркия Республикасы Премьер-министры Бинали Йылдырым әфәндегә һәм Истанбул мэры Кадыйр Топбашка 2016 елның 28 июнендә Истанбулда «Ататөрк» халыкара аэропортындагы һөҗүм аркасында бик күп кеше һәлак булуга бәйле рәвештә кайгы уртаклашу белдерде.

2025 елга кадәр чорга Россиянең дәүләт һәм милли сәясәте стратегиясендә өстенлекле бурычлар арасында этнографик һәм мәдәни-танып белү туризмын, рекреацион зонларны үстерү мәсьәләләре аерым урын алып тора. Бүген бу хакта Татарстан Республикасы Президенты Рөстәм Миңнеханов  Милләтара һәм диниара мөнәсәбәтләр буенча Татарстан Республикасы Президенты каршындагы Советның киңәйтелгән утырышында хәбәр итте.   

Утырыш Казан Кремленең вәкиллек корпусында узды һәм этнографик һәм мәдәни-танып белү туризмын, рекреацион зонларны үстерү мәсьәләләренә багышланды.   

Чарада Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Дәүләт Киңәшчесе Минтимер Шәймиев, шул исәптән республика министрлыклары һәм ведомстволары, Татарстан Республикасы буенча федераль башкарма хакимияте органнары җитәкчеләре, Татарстан Республикасы Дәүләт Советы депутатлары, Татарстан Республикасы мунициципаль районнары башлыклары, республика һәм муниципаль музейлары һәм музей-тыюлыклары, халык сәнгате һөнәрләрен үстерү үзәкләре, туризм өлкәсендәге мәгариф оешмалары, Татарстан Республикасы Иҗтимагый палатасы җитәкчеләре, этномәдәни, дини иҗтимагый оешмалар лидерлары, туризм  индустриясе, экспертлар бергәлеге вәкилләре, республика массакүләм мәгълүмат чаралары вәкилләре катнашты.

Бүген Татарстан Республикасы Президенты Рөстәм Миңнеханов «Нефть бирүне арттыруның термик алымнары: лаборатор тикшеренүләр, модельләштерү һәм промысел сынаулары» халыкара семинар-конференциясендә катнашучылар белән очрашты.

Очрашу КФУның Геология һәм нефть-газ технология институтының актлар залында (Казан, Кремль ур., 4) «түгәрәк өстәл» форматында узды.

Чарада «Татнефть» ГАҖ генераль директоры Наил Маһанов, КФУ ректоры Илшат Гафуров, нефть бирүне арттыруның термик алымнары өлкәсендә әйдәүче белгечләр катнашты.

Татарстан Республикасы Президенты Рөстәм Миңнеханов сентябрьдә булачак сайлауларны Татарстан командасын Дәүләт Думасына делегацияләү дип атады. Бу хакта ул 29 июньдә әйдәүче телевизион каналлар җитәкчеләре белән Кремльдә узган очрашуда хәбәр итте.

Татарстан Республикасы җитәкчелеге "Бисеринки" бию коллективы балалары хәлен контрольдә тота, алар кичә кич, 28 июнь көнне, Истанбулдагы "Ататөрк" халыкара аэропртыннан самолетта оча алмыйча калган. 

Татарстан Республикасы Президенты Рөстәм Миңнеханов йөкләмәсе буенча Истанбулдан Татарстан Республикасына балаларны кайтару эше белән бөтен тиешле структуралар шөгыльләнә.