7,5 меңнән артык яшь татарстанлы бүген “Юнармия” хәрәкәтендә катнаша. Бу хакта бүген Татарстан Республикасы Министрлар Кабинетында узган брифингта ТР яшьләр эшләре һәм спорт министры Владимир Леонов хәбәр итте.

“Республикада яңа “Юнармия” проекты актив гамәлгә ашырыла, бүген төбәктә 493 яшь армиячеләр отряды эшли, аларда 7600 мәктәп укучысы шөгыльләнә”, - дип сөйләде ул.

Бүген Татарстан Республикасы Премьер-министры вазифаларын башкаручы Алексей Песошин өченче чакырылыш Алабуга муниципаль районы советының унтугызынчы сессиясе эшендә катнашты. Бу чара районның 2016 елдагы социаль-икътисади үсеше нәтиҗәләренә һәм 2017 елга куелган бурычларга багышланган иде.

Бүген ТР Премьер-министры вазифаларын башкаручы Алексей Песошин Менделеев муниципаль районында булды.  Төп максаты – өченче чакырылыш Менделеев муниципаль районы советының унсигезенче утырышында катнашу иде. Утырышның темасы – “Менделеев муниципаль районының 2016 елдагы социаль-икътисади үсеш нәтиҗәләре һәм 2017 елга бурычлар”.

Бүген Татарстан Республикасы Президенты Рөстәм Миңнеханов эш визиты белән Бәхрәйн Корольлегенең Манама шәһәренә килде. "Бәһрәйн" халыкара аэропортында аны Россиянең Бәһрәйндәге Гадәттән тыш һәм тулы вәкаләтле илчесе Вакыйф Гәрәев белән шәйх Хәмәд бән Ибраһим Әл Хәлифә каршы алды.

Бүген IDEX-2017 Халыкара оборона күргәзмәсенең икенче көнендә Татарстан Республикасы Президенты Рөстәм Миңнеханов Берләшкән Гарәп Әмирлекләренә эш визитын дәвам итте. Төшкә кадәр ул ил хакимияте вәкилләре һәм бизнес даирәләре вәкилләре белән очрашты. Аннары Рөстәм Миңнеханов БГӘ Әмире киңәшчесе шәйх Солтан бән Хәлифа Әль Нахайян белән очрашты. Шуннан Татарстан Республикасы Президенты IDEX-2017 Халыкара оборона күргәзмәсе белән танышуын, игътибарны күбрәк NavDEХ 2017 хәрби-диңгез флоты күргәзмәсенә юнәлтеп, дәвам итте. 

Бүген Татарстан Республикасы Президенты Рөстәм Миңнеханов Россия Федерациясе Сәнәгать һәм сәүдә министры Денис Мантуров җитәкчелегендәге Россия Федерациясе рәсми делегациясе составында IDEX-2017 халыкара оборона күргәзмәсен ачуда катнашты. Күргәзмә Берләшкән Гарәп Әмирлекләренең Абу Даби шәһәренә 19-20 февральдә уза.
IDEX (International Defence Exhibition) – 1993 елдан бирле ике елга бер мәртәбә уздырыла торган хәрби кораллар һәм хәрби техника халыкара күргәзмәсе.    

Татарстан Республикасы Президенты Берләшкән Гарәп Әмирлекләренең Абу Даби шәһәренә эш сәфәре белән эш килде, анда ул 19-20 февральдә узачак IDEX-2017 халыкара оборона күргәзмәсендә катнаша. Рөстәм Миңнеханов Россия Федерациясе Сәнәгать һәм сәүдә министры Денис Мантуров җитәкчелегендәге Россия Федерациясе рәсми делегациясе составына керә.  
Татарстан Республикасы Президенты эш сәфәре программасында IDEX-2017 халыкара оборона күргәзмәсен ачу тантанасында катнашу, Берләшкән Гарәп Әмирлекләре җитәкчеләре һәм кайбер илләрнең күргәзмәдә катнашучы делегацияләре, бизнес бергәлекләре вәкилләре белән рәсми очрашулар  планлаштырылган.

Бүген “Россия чаңгы юлы-2017” массакүләм чаңгы ярышларында 20 меңнән артык казанлы  катнашты.

Казанда бу чара өч мәйданда  - Горки-Әмәт урман паркында, Казансу тугаенда (Гаврилов урамы буенча) һәм Юдино бистәсендәге “Локомотив” стадионында узды.

Татарстанда массакүләм чаңгы ярышларына якынча 190 мең кеше чыккан.

Татарстан Президенты hәм республика Хөкүмәте исеменнән  "Россия чаңгы юлы-2017" ярышларында  катнашучыларны Татарстанның премьер-министр урынбасары Васил Шәйхразиев сәламләде.

2017 башланганнан бирле Дәүләт төзелеш күзәтчелеге инспекциясе һәм Дәүләт хезмәт инспекциясе тарафыннан төзелештә хезмәтне саклау өлкәсендә 185 тикшерү уздырылган. «Татарстан Республикасы төзүчеләре бергәлеге» үзлегеннән җайга салынучы оешмасы тарафыннан оешманың 18  әгъзасына тикшерү уздырылган.      

Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте. 

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. 

Бүген Татарстан Республикасы Президенты Рөстәм Миңнеханов «Минск трактор заводы» ААҖ генераль директоры Федор Домотенко белән очрашты. 

Очрашу Татарстан Республикасы Хөкүмәте Йортында узды. Татарстан ягыннан очрашуда Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасы Президентының авиакомплекс буенча  киңәшчесе Равил Зарипов һәм башкалар катнашты.