Яңалыклар

03.10.2012

Илдар Халиков: “Ветераннарның лаеклы һәм сыйфатлы тормыш шартларын булдыру – безнең өстенлекләрнең берсе”

Бүген Казанда ТР Ветераннары (пенсионерлар) иҗтимагый оешмасына 25 ел тулу уңаеннан конференция узды. Конференция эшендә ТР Премьер-министры Илдар Халиков катнашты. Чыгышы башында Илдар Халиков Г.Тукай исемендәге Татар дәүләт филармония залында барлык җыелганнарны ТР Президенты Рөстәм Миңнеханов исеменнән сәламләде. ТР Премьер-министры яшь буынны тәрбияләгәннәре, республика тормышында актив катнашканнары, Татарстан иминлеге өчен фидакарь хезмәтләре өчен, ветераннарга рәхмәтен белдерде.

02.10.2012

Фәрит Мөхәммәтшин РФ ФС югары һәм түбән палаталары башлыклары белән очрашты

Бүген Мәскәүгә эшлекле сәфәре кысаларында ТР Дәүләт Советы Рәисе Фәрит Мөхәммәтшин ФС Рәисе Валентина Матвиенко һәм Дәүләт Думасы Рәисе Сергей Нарышкин белән очрашты.

02.10.2012

ИКОМОС белгечләре борынгы Болгар каласында булды

Бүген Һәйкәлләрне һәм истәлекле урыннарны саклау буенча Халыкара совет (ИКОМОС), ЮНЕСКО Бөтендөнья мирасы комитетының консультатив органы экспертлары Виши Золт һәм Гергели Надь борынгы Болгар шәһәрендә булдылар. Аларны ТР Дәүләт Киңәшчесе Минтимер Шәймиев озата барды.

02.10.2012

ТР Президенты ИКОМОС экспертлары белән очрашты

Бүген ТР Президенты Рөстәм Миңнеханов Һәйкәлләр һәм истәлекле урыннарны саклау буенча Халыкара совет (ИКОМОС), ЮНЕСКО Бөтендөнья мирасы комитеты консультатив органы экспертлары Виши Золт һәм Гергели Надь белән очрашты. ТР Хөкүмәт Йортындагы очрашуда шулай ук ТР Дәүләт Киңәшчесе Минтимер Шәймиев, республика мәдәният министры Айрат Сибагәтуллин, ТР Президентының социаль мәсьәләләр буенча ярдәмчесе Татьяна Ларионова катнашты.

02.10.2012

Рөстәм Миңнеханов Росгидромет башлыгы белән очрашты

Бүген ТР Президенты Рөстәм Миңнеханов Гидрометеорология һәм әйләнә-тирә мохитне күзәтү федераль хезмәте җитәкчесе Александр Фролов һәм Бөтендөнья метеорология оешмасы генераль секретаре Мишель Жарро белән очрашты. ТР Хөкүмәт Йортындагы очрашуда шулай ук республика экология һәм табигый ресурслар министры Артем Сидоров, ТР Президентының икътисади мәсьәләләр буенча ярдәмчесе Айрат Хәйруллин, ТР буенча Гидрометеорология һәм әйләнә-тирә мохитне күзәтү идарәсе җитәкчесе Сергей Захаров катнашты.

02.10.2012

ТР Актаныш районы башлыгы вазыйфасын башкаручы билгеләнгән

Бүген ТР Актаныш муниципаль районы Советының чираттан тыш сессиясендә район башлыгы вазыйфасын башкаручы сайланган. Ул – Фаил Камаев. Моңа кадәр ул Актаныш муниципаль районының Башкарма комитеты җитәкчесе иде.

02.10.2012

Казанда гидрометеорология һәм әйләнә-тирә мохитне күзәтү проблемаларына багышланган халыкара фәнни конференция ачылды

Бүген Казанда гидрометеорология һәм әйләнә-тирә мохитне күзәтү буенча төбәк проблемаларына багышланган халыкара фәнни конференция ачылды. Ул БДБ илләре гидрометеорология буенча дәүләтара советының 24 нче сессиясе кысаларында оештырылган. Чара Казан (Идел буе) федераль университеты базасында уза. Бүген конференциянең ачылышы УНИКСның кече залында ТР Премьер-министры Илдар Халиков, Гидрометеорология һәм әйләнә-тирә мохитне күзәтү буенча федераль хезмәт җитәкчесе Александр Фролов, Бөтендөнья метеорология оешмасы генераль секретаре Мишель Жарро катнашында үтте.

02.10.2012

Рөстәм Миңнеханов Төркия компанияләре вәкилләре белән очрашты

Бүген Татарстан Президенты Рөстәм Миңнеханов Төркиянең “Коч Холдинг”, “Ренессанс” һәм “Форд Отосан” компанияләре вәкилләре белән очрашты. ТР Хөкүмәт йортында узган очрашуда вице-премьер – республика сәнәгать һәм сәүдә министры Равил Зарипов, Татарстан төзелеш, архитектура һәм торак-коммуналь хуҗалык министры Ирек Фәйзуллин, ТР Президентының халыкара мәсьәләләр буенча ярдәмчесе Радик Гыйматдинов, “КАМАЗ” ААҖ генераль директоры Сергей Когогин, “Түбән Кама Нефтехим” ААҖ генераль директоры Владимир Бусыгин катнашты. Төркия делегациясен Төркия-Россия эшлекле советы рәисе Эрман Ылыджак җитәкли.

02.10.2012

Татарстан Президенты Төркиянең Казандагы яңа консулы белән очрашты

Бүген Татарстан Президенты Рөстәм Миңнеханов Төркиянең Казандагы яңа консулы Сабри Тунч Ангылы белән очрашты. ТР Хөкүмәт йортында узган очрашуда ТР Президентының халыкара мәсьәләләр буенча ярдәмчесе Радик Гыйматдинов катнашты.

01.10.2012

ЮНЕСКО экспертлары Болгар һәм Зөя шәһәр утравының һәйкәлләре белән танышты

Татарстанда - Һәйкәлләр һәм истәлекле урыннарны саклау буенча Халыкара совет (ИКОМОС), ЮНЕСКО Бөтендөнья мирасы комитеты консультатив органы экспертлары, Виши Золт һәм Гергели Надь. Сәфәрләренең максаты - Болгар һәм Зөя шәһәрләре белән әлеге тарихи һәйкәлләрне ЮНЕСКО Бөтендөнья мирасы исемлегенә кертү буенча башланган эш кысаларында танышу.