Бүген тарихи Одунпазары районында (Искешәһәр, Төркия Республикасы) Татарстан Республикасы Президенты Рөстәм Миңнеханов, Искешәһәр провинциясе губернаторы Гюнгер Азим Туна, Бурса провинциясе губернаторы Шиһабетдин Харпут һәм Одунпазары районы башлыгы Бурхан Сакаллы катнашында Татар мәдәни үзәге ачылу танатанасы узды. 

Бүген Татарстан Республикасы Президенты Рөстәм Миңнеханов Искешәһәр провинциясе губернаторы Гүнгер Азим Туна һәм Бурса провинциясе губернаторы Шиһабетдин Харпут белән очрашты. Очрашу “Анемон” отеле конференц-залында узды (Искешәһәр ш, Төркия).

 

Бүген Татарстан Республикасы Премьер-министры Илдар Халиков ТР Хөкүмәте Кубогына картинг буенча ярышлар ачылышында катнашты.

Бу чара “Форсаж” картинг-үзәгендә (Казан) узды һәм ул 1июнь – Халыкара балаларны яклау көненә туры китерелгән иде.

Бүген Татарстан Республикасы Президенты Рөстәм Миңнеханов Искешәһәргә (Төркия Республикас) бер көнлек эш визиты белән килде. Анатолия университеты аэропортында аны РФнең Төркия Республикасында Гадәттән тыш һәм Тулы вәкаләтле илчесе Владимир Ивановский,  Искешәһәр провинциясе губернаторы Гүнгер Азим Туна, Искешәһәр мэры Йылмаз Бөекәршен каршы алдылар.

Бүген махсус дәүләт стипендияләрен ТР Премьер-министры, ТР Президенты каршындагы “Созвездие-Йолдызлык” фестиваленә ярдәм итү буенча совет рәисе Илдар Халиков эстрада сәнгатенең Ачык республика телевизион яшьләр фестивалендә җиңүчеләргә тапшырды.

Бу чара Татарстан Республикасы Хөкүмәт Йортында узды.Анда шулай ук Республика матбугат һәм массакүләм коммуникацияләр агентлыгы җитәкчесе Ирек Миңнәхмәтов һәм ТР Муниципаль берәмлекләр советы рәисе Минсәгыйть Шакиров катнашты.

Бүген Татарстан Республикасы Президенты Рөстәм Миңнеханов эш визиты белән Мәскәүдә булды, анда ул “Торак- коммуналь хезмәт күрсәтүләрнең сыйфатын яхшырту гамәлләре турында” РФ Дәүләт советы утырышында катнашты.

Татарстан Республикасында соңгы мәгълүматлар буенча күпбалалы гаиләләргә 18 мең җир участоклары тәкъдим ителгән, шул исәптән май аенда - 422 җир участогы. Барлыгы республикада җир участоклары алу исемлегенә 21 мең 110 гариза бирүче кертелгән. Бу хакта бүген ТР Хөкүмәт Йортында узган республика киңәшмәсендә җир һәм мөлкәт мөнәсәбәтләре министры Азат Хамаев хәбәр итте. Киңәшмә гадәттәгечә республика муниципаль районнары белән видеоконференцэлемтә режимында булды. Аны Татарстан Республикасы Президенты Рөстәм Миңнеханов уздырды.

Татарстанның зур финанс оешмасы – “Ак Барс” банкы” – республиканың уңышлы икътисадый үсешенә зур өлеш кертә. Бу хакта бүген ТР Премьер-министры Илдар Халиков “Ак Барс”банкы” ААҖ акционерларының гомуми еллык җыелышында чыгыш ясаганда хәбәр итте.

Татарстан Республикасында 30 май күрсәткечләренә караганда 983,3 мең кв. м. (еллык заданиенең 41 %) торак гамәлгә кертелгән, бу былтыргы дәрәҗәнең 108,3 % тәшкил итә. Апас, Питрәч һәм Тукай муниципаль районнары еллык планны үтәгәннәр. Бу хакта ТР Хөкүмәт Йортында узган республика киңәшмәсендә ТР төзелеш, архитектура һәм торак-коммуналь хуҗалык министры Ирек Фәйзуллин хәбәр итте. Киңәшмә гадәттәгечә республика муниципаль районнары белән видеоконференцэлемтә режимында булды. Аны Татарстан Республикасы Президенты Рөстәм Миңнеханов уздырды. 

Бүген Татарстанга Гамбия Республикасы Президенты Яйя Джайме килде. “Казан” халыкара аэропортында африка иле делегациясен Татарстан Премьер-министры Илдар Халиков каршы алды.