Яңалыклар
Казанда Универсидага әзерлек эшләре тәмаланды диярлек, Татарстан башкаласы тулысынча студент Уеннарына әзер булсын өчен транспорт инфраструктурасы һәм төзекләндерү буенча берничә эшне генә бетерәсе бар. Бу хакта бүген Татарстан Президенты Рөстәм Миңнеханов Россия Федерациясе Рәисенең беренче урынбасары Игорь Шувалов белән бергә Универсиада объектларын карап чыкканан соң хәбәр итте.
Бу чарада Татарстан Республикасы Премьер-министры Илдар Халиков, “Федеральная сетевая компания Единой энергитеческой системы” (ФСК ЕЭС) ААҖ идарәсе рәисе Олег Бударгин, Мари Эл Республикасы төзелеш, архитектура һәм торак-коммуналь хуҗалыгы министры Виктор Попов, төзелеш һәм энергитика компанияләре вәкилләре катнашты.
Бүген Россия Федерациясе Хөкүмәте Рәисенең беренче урынбасары Игорь Шувалов Казанга эш визиты кысаларында Татарстан башкаласында Казан шәһәрендәге 2013 елгы XXVII Бөтендөнья җәйге универсиадага төзелгән кайбер объектларны карап чыкты. Аны Татарстан Республикасы Президенты Р.Н. Миңнеханов озата йөрде.
Бүген Казанга эш визиты белән Россия Федерациясе Хөкүмәте рәисенең беренче урынбасары Игорь Шувалов килде. "Казан" халыкара аэропортында аны Татарстан Республикасы Президенты Р.Н. Миңнеханов каршы алды.
Очрашу ТР Хөкүмәт Йортында узды, анда ТР Яшьләр эшләре, спорт һәм туризм министрлыгы вәкилләре, ТР урман хуҗалыгы министры – ТР Авыр атлетика федерациясе президенты Наил Мәһдиев һәм башкалар катнашты.
Бүген Татарстан Республикасы Президенты Р.Н. Миңнеханов Мәскәүдә Бөтенроссия халык фронты съездында катнашты. Съездда катнашучылар оешма базасында хәрәкәт төзү өчен тавыш бирделәр һәм устав кабул иттеләр. Шулай ук алар бертавыштан хәрәкәт атамасын үзгәртү өчен тавыш бирделәр. Хәзер БХФ "Народный фронт — за Россию" дип аталачак. Бөтенроссия халык фронтын Россия Федерациясе Президенты Владимир Путин җитәкләде.
Бүген Татарстан Хөкүмәте йортында ТР Министрлар Кабинетының “2012-2013 еллар ягулык сезонында ТР да ягулык-энергетика оешмалар һәм торак-коммуналь комплекслар эш нәтиҗәләре һәм 2013-2014 елларда ягулык сезонына әзерлек буенча бурычлар” темасына багышланган утырыш узды. Утырышны республика Премьер-министры Илдар Халиков үткәрде. Шулай ук анда Татарстан Президенты Рөстәм Миңнеханов та катнашты.
Яңа «КамАЗ «Bravis» маркалы автобуслар ачкычларын иртәгә, 2013 елның 12 июнендә, Татарстан Республикасы муниципаль районнарының балалар-яшүсмерләр спорт мәктәпләре һәм Татарстан Республикасы Яшьләр эшләре, спорт һәм туризм министрлыгының спорт учреждениеләренә тапшыру булачак. С.Сәйдәш исемендәге ЗКЗ каршындагы мәйданчыкта узачак чарада Татарстан Республикасы Президенты Рөстәм Миңнеханов катнашачак. Вакыйга урыныннан on-line режимда Татарстан Республикасы Хөкүмәтенең рәсми порталында интернет-трансляция оештырылачак (www.prav.tatarstan.ru).
Creative Commons Attribution 4.0 International
Хата таптыгызмы? Сүзне яки җөмләне билгеләгез һәм CTRL+ENTER басыгыз