Бүген Казанда “Азия-Тын океан икътисади хезмәттәшлеге” (“Азиатско-тихоокеанское экономическое сотрудничество” - АТЭС) форумында РФ авыл хуҗалыгы министры Николай Федоров һәм ТР Премьер-министры Илдар Халиков сәламләү сүзе белән чыкты.

Бүген Татарстан Президенты Рөстәм Миңнеханов Төркиягә рәсми визиты кысаларында Истанбулга килде. Ататөрк исемендәге Халыкара һава аланында Татарстан делегациясен Истанбул мэры Кадыйр Топбаш каршы алды.

Бүген ТР Хөкүмәте йортында ТР Премьер-министрының беренче урынбасары Равил Моратов рәислегендәге республиканың хәрби хезмәткә чакыру комиссиясенең муниципалитетлар белән видеоконференция рәвешендә утырышы уздырылды.

Бүген Татарстан Республикасы Президенты Рөстәм Миңнеханов Төркия республикасына сәфәре кысаларында Төркия тышкы эшләр министры Әхмәт Давыдуглы белән очрашты. Әнкарада Төркиянең тышкы сәясәт ведомствосы резиденциясендә узган эшлекле төшке аштан соң ТР Президенты белән Төркия тышкы эшләр министры журналистлар алдында чыгыш ясады. Рөстәм Миңнехановның Әнкарага килүе Төркия ММЧ вәкилләрендә зур кызыксыну уятты. ТР Президенты белән Төркия тышкы эшләр министрының чыгышын төрле телеканаллардан уннан артык телевизион камера төшерде.

Бүген Россиянең авыл хуҗалыгы министры Николай Федоровка Казанда булачак Агропромпаркны тәкъдир иттеләр. Чарада Татарстан Премьер-министры Илдар Халиков, ТР Премьер-министр урынбасары – авыл хуҗалыгы һәм азык-төлек министры Марат Әхмәтов катнашты.

Татарстанны газ белән тәэмин итү 98 процентны тәшкил итә. Моның турында бүген Татарстан Премьер-министры Илдар Халиков Казанда үтә торган “Газпром межрегионгаз” ҖЧҖнең региональ газ компанияләре семинар-киңәшмәсендә хәбәр итте.

Бүген Татарстан Президенты Рөстәм Миңнеханов ике көнлек рәсми визиты белән Төркия Республикасына сәфәр кыла. Визит ясау барышында Татарстан башлыгы Әнкарада һәм Стамбулда булачак. Шулай ук Татарстан делегациясе составына ТР Президентының Тышкы элемтәләр департаменты директоры – ТР Президенты ярдәмчесе Искәндәр Мөфлиханов, Татарстан мәдәният министры Айрат Сибгатуллин керә.

Бүген Казанга Россия Федерациясе авыл хуҗалыгы министры Николай Федоров эш сәфәре белән килде. Аны “Казан” Халыкара аэропортында Татарстан Республикасы Президенты Рөстәм Миңнеханов, ТР Премьер-министры урынбасары – ТР авыл хуҗалыгы һәм азык-төлек министры Марат Әхмәтов һ.б. каршы алды.

Бүген республика парламентында Татарстан Республикасы Дәүләт Советы Рәисе Фәрит Мөхәммәтшин Ветеринария һәм фитосанитария күзәтчелеге буенча федераль хезмәт җитәкчесе Сергей Данкверт белән очрашты.

Бүген Зөя утрау-шәһәрчегендә “Ат утары” комплексы ачылды. Ат утарында Татарстан Президенты Рөстәм Миңнеханов, ТР Дәүләт киңәшчесе, “Яңарыш” республика фондының попечительлек советы рәисе Минтимер Шәймиев, республика Премьер-министры Илдар Халиков һ.б. рәсми затлар кунак булды.