Бүген Татарстан Президенты Рөстәм Миңнеханов Казанда Россия Федерациясе эчке эшләр министрының урынбасары, Россия ЭЭМ эчке гаскәрләре главнокомандующие армия генералы Николай Рогожкин белән очрашты. ТР Хөкүмәт Йортында узган очрашуда шулай ук ТР Хөкүмәте вице-премьеры Әсхәт Сәфәров, ТР буенча эчке эшләр министры Артем Хохорин, Татарстанның Иминлек Советы секретаре Валерий Власов катнаштылар.

Бүген Казанда, Универсиада авылының Халыкара мәгълүмат үзәге залында үткәрелгән беренче чара кысаларында сәламәтлек саклау тармагы алдынгыларын хөрмәтләделәр. “Ел табибы – Ак чәчәкләр” VI юбилей конкурсы җиңүчеләрен бүләкләү тантанасында РФ Хөкүмәте Рәисе урынбасары Ольга Голодец, Татарстан Президенты Рөстәм Миңнеханов, РФ Сәламәтлек һәм социаль үсеш министры урынбасары Татьяна Яковлева, ТР Сәламәтлек саклау министры Айрат Фәррахов, республиканың медицина җәмәгатьчелеге катнашты.

Бүген Россия Федерациясе Хөкүмәте Рәисе урынбасары Ольга Голодец Казанга бер көнлек эш визиты кысаларында Универсиада авылында булды. Татарстан Республикасы Президенты Р.Н. Миңнеханов озата баруында ул Универсиада авылындагы торак урыннарын карап чыкты. Спортчылар өчен яшәү шартлары турында Универсиада авылы мэры Фәрид Габделганиев сөйләде. Ольга Голодец Универсиада авылының мөхтәрәм кунаклары китабында язма калдырды.

Бүген журналистлар, “Ак чәчәкләр” республика премиясен тапшыру тантанасыннан соң, РФ вице-премьеры Ольга Голодецның Казанга эш сәфәре нәтиҗәсендә туган хис-кичерешләре белән кызыксынды. “Казанның медицина оешмаларына карата бер сорау да юк – алар намус белән төзелгән”, - дип белдерде Ольга Голодец массакүләм мәгълүмат чаралары вәкилләренә.

XXVII Бөтендөнья студентлар уеннары утын Башкортстан Республикасы башкаласы – Уфа халкы күрде.38 факел йөртүче Универсиаданың төп символын шәһәрнең урамнары һәм мәйданнары буйлап алып барды. Ут эстафетасының озынлыгы 7 км тәшкил итте.

Бүген Уфада БР Президенты Рөстәм Хәмитовның ТР Дәүләт Советы Рәисе Фәрит Мөхәммәтшин белән очрашуы булды. Татарстан парламенты башлыгы Башкортстанга эшлекле сәфәр белән Универсиада уты эстафетасының Уфа этабына старт бирү тантансында катнашырга килгән иде.

7 нче шәһәр клиник сырхауханәсендә, Республика онкология диспансерында һәм 44 нче балалар бакчасында үзенең Казанга эш визиты кысаларында Россия Федерациясе Хөкүмәте Рәисе урынбасары Ольга Голодец булды. Аны Татарстан Республикасы Президенты Р.Н. Миңнеханов озата йөрде.

Татарстан Республикасында 2013 елның 15 апреленнән 15 июньгә кадәр 1595 рөхсәтсез чүп урыны ачыкланган, шуларның 1419 бетерелгән. Бу хакта бүген брифингта ТР экология һәм табигать ресурслары министры Артем Сидоров хәбәр итте.
Брифинг ТР Хөкүмәт Йортында узды һәм ул Татарстан Республикасы территорияләрен санитар-экологик чистарту буенча ике айлык нәтиҗәләренә багышланган иде.
Гадәттәгечә бу чара республиканың барлык муниципаль районнары белән видеоконференция-элемтә режимында булды.

Бүген Казанга эш визиты кысаларында Россия Федерациясе Хөкүмәте Рәисенең урынбасары Ольга Голодец "Казаноргсинтез" ААҖда булды. Татарстан Президенты Рөстәм Миңнеханов белән вице-премьер җитештерү цехларын карады һәм предприятие хезмәткәрләре белән очрашты. 

Бүген Казанга эш визиты белән Россия Федерациясе Хөкүмәте Рәисе урынбасары Ольга Голодец килде. Казан тимер юл вокзалында аны Татарстан Республикасы Президенты Р.Н. Миңнеханов каршы алды.