2014 елда Татарстанда барлыгы 212 мең 617 баланы ял һәм сәламәтләндерү мәсьәләсендә "колачлау" планлаштырыла, ләкин әле бу сан төгәл түгел, ул фаразланганнан артыграк булырга да мөмкин, чөнки алдагы еллар тәҗрибәсе ял иткән балаларның ниятләнгән саннан артыграк булуын күрсәтә. Җәйге чорда исә 168 мең 596 кеше ял иттерү һәм сәламәтләндерү лагерьларына озатылачак. Бу хакта ТР Министрлар Кабинетында узган брифингта ТР яшьләр эшләре һәм спорт министры Рафис Борһанов сөйләде.

Россия Гражданнар оборонасы эшләре һәм гадәттән тыш хәлләр министрлыгының ТРда кече суднолар буенча дәүләт инспекциясе идарәсенең бүлек җитәкчесе Илһам Насыйбуллин хәбәр иткәнчә, 2нче июньгә кадәр Татарстанның 23 пляжында техник тикшерү булган. Шуның нәтиҗәсендә, бары 13 пляж гына файдаланылышка яраклы дип табылган.

«ИКЕА МОС» ҖЧҖ генераль директоры Армин Микаэли белән бүген Татарстан Республикасы Президенты Рөстәм Миңнеханов очрашты. Казан Кремлендә узган очрашуда шулай ук ТР вице-премьеры – сәнәгать һәм сәүдә министры Равил Зарипов, Татарстан Республикасы Президентының икътисадый мәсьәләләр буенча ярдәмчесе Айрат Хайруллин, Казан мэры Илсур Метшин катнаштылар.

9 июньдә Татарстан Республикасы Дәүләт Советының 52 нче утырышы уздырылачак. Бүген ТР Дәүләт Советы Рәисе Фәрит Мөхәммәтшин үткәргән республика парламенты президиумы утырышында шундый карар кабул ителде.

Татарстан премьер-министры Илдар Халиков бүген эстрада сәнгатенең “Йолдызлык – 2014” ачык республика телевизион фестивале җиңүчеләренә махсус дәүләт стипендияләрен тапшырды. Бу тантана ТР Хөкүмәте йортында узды.

Бүген Татарстан Республикасы Президенты Рөстәм Миңнеханов “Юл тарихлары: чирек гасыр Эхо белән” автойөрүендә катнашучылар белән очрашты. Очрашу Казан Кремленең Спасс манарасы янында узды.

Бүген Казанда “Шарм” сәнгать үзәге ачылышы балалар өчен чын бәйрәм булды. Үзәкнең тантаналы ачылышында ТР Президенты Рөстәм Миңнеханов, ТР Президенты Аппараты җитәкчесе Әсгать Сәфәров, ТР Президентының социаль мәсьәләләр буенча ярдәмчесе Татьяна Ларионова, Казан мэры Илсур Метшин һәм башка рәсми затлар катнашты.

Бүген Татарстан Республикасы Президенты Рөстәм Миңнеханов «Бала-Сити» полилингваль балалар бакчасында булды. Аны Казан шәһәре мэры Илсур Метшин озата йөрде.