Татарстан Премьер-министры Илдар Халиков бүген Euromoney төркеменең идарәче директоры Нил Осборн белән очрашты.

Очрашу XVIII Петербург халыкара икътисад форумы кысаларында узды.

Татарстан Республикасы Премьер-министры Илдар Халиков бүген Санкт-Петербургка эшлекле очрашуга килде. Очрашуның төп максаты – XVIII Петербург халыкара икътисад форумында катнашу.

Искә төшерәбез, форум 2014 елның 22-23 маенда “Ленэкспо” мәйданчыгында уза, быел аның темасы – “Үзгәртеп корулар чорында ышанычны ныгыту”.

Бүген Россия Саклык банкы уздырган эшлекле иртәнге ашта 21 гасыр икътисады өчен яңа белем бирү модельләре турында сүз барды. Чара Петербург халыкара икътисадый форумы кысаларында узды. Анда Татарстан Республикасы Президенты Рөстәм Миңнеханов катнашты.

Бүген без энергия нәтиҗәлелеге буенча Көнбатыш конкурентларыннан ике-өч мәртәбә артта барабыз. Бу хакта Татарстан Республикасы Президенты Рөстәм Миңнеханов Петербург халыкара форумында «Энергия нәтиҗәлелеген арттыру: кем тизрәк- хосусый сектормы яисә дәүләтме?» панель дискуссиясе кысаларында чыгыш ясаганда хәбәр итте. Рөстәм Миңнеханов искә төшергәнчә, энергияне сак тоту законы кысаларында Татарстанда энергия ресурсларын сак тоту буенча өч республика программасы кабул ителгән инде. Бу программалар 2000 елдан бирле ҖРП сыешлыгын 47%ка киметергә ярдәм итте, диде Рөстәм Миңнеханов.

Бүген ТР Дәүләт Киңәшчесе, “Яңарыш” Республика фонды попечительләр советы рәисе Минтимер Шәймиев Болгар музей-тыюлыгында булды. Эш сәфәре барышында Татарстанның беренче Президенты Болгар шәһәрчеге объектларында торгызу һәм төзелеш эшләре, 14 нче июньдә булачак “Изге Болгар җыены”на әзерлек барышы белән танышты.

Ямалдан Идел буена, углеводород чималын җиткерү өчен, магистраль торба үткәргечләрен төзү проекты турында бүген Татарстан Республикасы Президенты Рөстәм Миңнеханов һәм Ямал-Ненецк автономияле округы губернаторы (ЯНАО) Дмитрий Кобылкин очрашу барышында сөйләштеләр. Очрашу Петербург халыкара икътисадый форумы барышында узды. 

Бүген Санкт-Петербургта Татарстан Республикасы Президенты Рөстәм Миңнеханов Россия Федерациясендә Люксембург Бөек Герцоглыгының Гадәттән тыш һәм Тулы вәкаләтле илчесе Пьер Ферринг белән очрашты.  Очрашу Петербург халыкара икътисадый форум кысаларында узды. 

Татарстан Республикасы Air Liquide («Эр Ликид») компаниясе белән алты ел дәвамында хезмәттәшлек итә. Бу хакта бүген Татарстан Республикасы Президенты Рөстәм Миңнеханов Air Liquide компаниясенең баш вице-президенты Жан-Пьером Дюприйе белән очрашуда белдерде.