Татарстан Премьер-министры Илдар Халиков бүген Лениногорскиның оешуына 60 ел һәм “Татнефть” ААҖнең “Лениногорскнефть” НГДУсы оешуга 70 ел тулуны бәйрәм итүгә әзерлек буенча оештыру комитеты киңәшмәсендә булды.

Бүген Түбән Камада шәһәрнең 50 еллыгын бәйрәм итү кысаларында Татарстан Премьер-министры Илдар Халиков катнашында беренче күчмә киңәшмә узды.

Татарстан Премьер-министры Илдар Халиков Россия Наркотиклар әйләнешен контрольдә тоту хезмәте ТР буенча идарәсенең 2014 елгы эшчәнлегенә уңай бәя бирде һәм республикада вәзгыять киеренке һәм кайбер чараларны, шулай ук гамәлдәге законнарны үзгәртү буенча инициативаларны карауны таләп итә, дип белдерде.

Татарстанның Хезмәт, мәшгульлек һәм социаль яклау министрлыгы тарафыннан башкарыла торган эшләрнең әһәмияте бүгенге катлаулы икътисади вәзгыять шартларында тагын да арта. Бу хакта бүген ТР Премьер-министры Илдар Халиков министрлыкның киңәйтелгән коллегия утырышында белдерде.

Бүген Казанда ТР Хөкүмәте йортында ТР Премьер-министры Илдар Халиков рәислегендә “Татэнергосбыт” ААҖнең директорлар советы утырышы узды. Гадәттәгечә ел башында узган утырышта узган елга нәтиҗә ясала, агымдагы елга бюджет раслана һәм киләчәктә компания үсешенең өстенлекле юнәлешләре карала.

Бүген Татарстан Премьер-министры Илдар Халиков Даниянең Danfoss компаниясе делегациясе белән очрашты. Хөкүмәт йортында узган очрашуда ТР вице-премьеры - сәнәгать һәм сәүдә министры Равил Зарипов, Татарстанның Инвестицион үсеш агентлыгы җитәкчесе Талия Миңнуллина катнашты.

2015 елда Татарстанның юл-транспорт тармагына мөһим бурычларны хәл итәргә, шулай ук эшчәнлекнең гомуми нәтиҗәлелеген арттырырга туры киләчәк. Бу хакта бүген Татарстан Премьер-министры Илдар Халиков ТР Транспорт һәм юл хуҗалыгы министрлыгының йомгаклау коллегиясендә чыгыш ясаганда белдерде. Коллегия эшендә шулай ук Федераль юл агентлыгы җитәкчесе Роман Старовойт, Татарстан Республикасы буенча баш федераль инспектор Ренат Тимерҗанов, юл-транспорт тармагы предприятиеләре җитәкчеләре катнашты.

Кичә «Татнефтехиминвест-холдинг»та ТР нефть, газ һәм химия комплексында 2014 ел нәтиҗәләрен һәм чит илләрдән кертелә торган товарларны алмаштырырлык продукцияне үзебездә җитештерү мәсьәләсен карадылар. Татарстан Президенты Рөстәм Миңнеханов утырышта катнашучылар игътибарын РФ Хөкүмәтенең кризиска каршы программасына актив кушылуга һәм Татарстан предприятиеләреннән тәкъдимнәр әзерләүгә юнәлтте. Ул төп бурыч итеп базарны саклау һәм чит илгә товар чыгаруны арттыруны атады. Аның сүзләренә караганда, машина төзелеше һәм кече бизнес авыр хәлдә. Процент ставкалары югары булган банк кредитларын алу - проблемалы мәсьәлә. ТР Президенты тармак министрлыкларына кризиска каршы программа һәм читтән кертелә торган товарларны алмаштырырлык продукция җитештерү буенча чаралар кысаларында ташламалар алу өчен перспективалы проектларны анализлауны йөкләде.