Бүген Татарстан Республикасы Президенты Рөстәм Миңнеханов Халыкара хатын-кызлар көне уңаеннан "Метроэлектротранс" МУП коллективы хатын-кызлары белән очрашты. Автодром территориясенә килгәч (Казан, Оренбург тракты ур, 17), ТР Президенты "Метроэлектротранс" предприятиесе оештырган "Авто-леди" хатын-кызлар арасында автомобиль йөртү осталыгы конкурсында җиңүчеләрне бүләкләде. 

Бүген Казанда С.Сәйдәшев исемендәге Зур концертлар залында 8 март халыкара хатын-кызлар көненә һәм “Ел хатын-кызы. Ел ир кешесе: хатын-кыз карашы” республика конкурсына нәтиҗә ясауга багышланган тантаналы очрашу узды.

Анда Татарстан Республикасы Дәүләт Киңәшчесе Минтимер Шәймиев катнашты.

Бүген Татарстан Премьер-министры Илдар Халиков “Татфондбанк”ның алданган кертемчеләре инициативалы төркеме белән очрашты.

Очрашу ТР Сәүдә-сәнәгать палатасы мәйданчыгында узды (Казан).

ТР Хөкүмәте башлыгыннан тыш, очрашуда шулай ук ТР юстиция министры Лариса Глухова, ТР икътисад министры Артем Здунов, ТР эшмәкәрләр хокукы буенча вәкаләтле вәкил Тимур Нагуманов, ТР прокуроры урынбасары Марат Долгов катнашты.

Бүген Татарстан Республикасы Президенты Рөстәм Миңнеханов Казанда «Корстон» КССКда узган «Уңайлы шәһәр тирәлеген формалаштыру» өстенлекле проекты семинарының пленар утырышында катнашты.
 
Чарада шулай ук Россия Федерациясе Төзелеш һәм торак-коммуналь хуҗалыгы министры Михаил Мень, Россия Федерациясе Төзелеш һәм торак-коммуналь хуҗалыгы министры урынбасары Андрей Чибис, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Президенты ярдәмчесе Наталия Фишман, Татарстан Республикасы төзелеш, архитектура һәм ТКХ министры Ирек Фәйзуллин, Казан мэры Илсур Метшин, «Народный фронт «За Россию» БХФ иҗтимагый хәрәкәте башкарма комитеты җитәкчесе Алексей Анисимов  һәм башкалар катнашты. 

Бүген Татарстан Республикасы Президенты Рөстәм Миңнеханов Россия Федерациясе төзелеш һәм ТКХ министры Михаил Мень белән очрашты. 

ТР Хөкүмәте Йортында узган очрашуда ТР төзелеш, архитектура һәм ТКХ министры Ирек Фәйзуллин катнашты. 

Бүген Татарстан Республикасы Хөкүмәт йортында уздырылган республика киңәшмәсендә Татарстан Республикасы Премьер министр урынбасары – Татарстан Республикасы авыл хуҗалыгы һәм азык-төлек министры Марат Әхмәтов, республика авыл хуҗалыгы комплексының 2017 елгы ике айлык эшенә йомгак ясап, терлек һәм кош ите җитештерү буенча үсеш – 1 процент; сөтнең – 3,3 һәм тавык йомыркасының 2 процентка артыграк җитештерелүен хәбәр итте.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды.   

2017 елның 3 мартына Татарстан Республикасында 468,9 мең кв. м торак файдалануга тапшырылды, ягъни планның 19,5%ы.  Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды.

ТР Хөкүмәте Йортында Mastercard инновацион алымнарына һәм гамәлгә ашыра торган проектларына багышланган лекцияне Россиядә Mastercard вице-президенты Галина Ганиева һәм Россиядә, Беларусь, Армения һәм Казахстанда Mastercard компаниясенең бизнесны һәм цифрлы түләүләрне үстерү буенча директоры Михаил Федосеев укыдылар. 

Лекцияне Татарстан Республикасы Президенты Рөстәм Миңнеханов, ТР Премьер-министры Илдар Халиков, ТР Дәүләт Советы Рәисе Фәрит Мөхәммәтшин, республика министрлыклары һәм ведомстволары җитәкчеләре тыңлады. 

Бүген Татарстан Республикасы Президенты Рөстәм Миңнеханов Татфондбанкның һәм Интехбанкның банк гамәлләре башкаруга лицензияләрен чакыртып алуга бәйле рәвештә хокук саклау һәм күзәтчелек органнары җитәкчеләре белән ашыгыч киңәшмә уздырды.

Мәгариф Татарстанны социаль-икътисадый үстерүдә мөһим роль уйный. Республика кабул иткән Стратегия - 2030 куәтле мәгариф потенциалына таяна, фән, җитештерү һәм икътисадның реаль секторы арасында хезмәттәшлекне күз алдында тота. Бүген бу хакта Татарстан Республикасы Президенты Рөстәм Миңнеханов «Россия мәгарифе» (EDU Russia) беренче форумының «Кеше потенциалы – оссия төбәкләрен үстерүнең төп ресурсы»  панель дискуссиясендә хәбәр итте. Чара Казанда «Корстон» КСККда узды.

Форум эшендә шулай ук Россия Мәгариф министры урынбасары Павел Зенькович, Татарстан Республикасы Дәүләт Советы Рәисе Фәрит Мөхәммәтшин, «Агентство развития профессиональных сообществ и рабочих кадров «Ворлдскиллс Россия» берлеге генераль директоры Роберт Уразов, Татарстан Республикасы Премьер-министры урынбасары – Татарстан Республикасы мәгариф һәм фән министры Энгель Фәттахов, КФУ ректоры Илшат Гафуров, РФнең 35 төбәгеннән һәм 8 чит илдән мөгаллимнәр катнашты. Модераторы – «Учительская газета» баш мөхәррире Петр Положевец.