Бүген Татарстан Республикасы Президенты Рөстәм Миңнеханов Россия һәм Татарстан Республикасы халык артисты, Россия Федерациясе һәм Татарстан Республикасы Композиторлар берлеге рәисе, композитор Рәшид Кәлимуллинны «Татарстан Республикасы алдындагы казанышлары өчен» ордены медале белән бүләкләде.    

Бүгенгә Татарстанда язгы чәчү 380 мең гектарда башкарылган, бу – планның 36%ы. Бүген бу хакта Татарстан Республикасы Хөкүмәте Йортында уздырылган республика киңәшмәсендә Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов хәбәр итте.  

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры  Алексей Песошин да катнашты.

Бүгенгә Татарстан Республикасында 42 муниципаль берәмлектәге 996 күп фатирлы йортның 766ында капиталь ремонт башланган. Бу хакта бүген Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте. 

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры Алексей Песошин да катнашты.

«Үлемсез полк» акциясендә катнашу ирекле булырга тиеш һәм анда катнашуга административ ресурсны җәлеп итү – ярамый торган хәл. Бүген бу хакта Татарстан Республикасы Президенты Рөстәм Миңнеханов Татарстан Республикасы Хөкүмәте Йортында узган иртәнге планеркада белдерде.

Рөстәм Миңнеханов ассызыклаганча, акцияне республиканың күп кешеләре хуплый, һәр гаиләнең Бөек Ватан сугышында катнашкан туганнары бар.    

Бүген Татарстан Республикасы Президенты Рөстәм Миңнеханов Бавария (Германия Федератив Республикасы) Премьер-министры Хорст Зеехофер белән очрашты.

Очрашу Мюнхенда узды, анда Рөстәм Миңнеханов ике көнлек эш сәфәрендә (2017 елның 4-5 мае).

Кунакларны сәламләп, Зеехофер хәбәр иткәнчә, Бавария белән Россия арасында күп еллар инде яхшы мөнәсәбәтләр сакланып килә. Ул билгеләп үткәнчә, Бавария җитәкчелеге ел саен Россиядә була, ил Президенты Владимир Путин белән очраша.

Бүген Татарстан Республикасы Президенты Рөстәм Миңнеханов Linde AG компаниясе президенты һәм генераль директоры профессор, доктор Альдо Беллони белән очрашты. 

Очрашу Мюнхенда (ФРГ, Бавария) Linde AG компаниясенең штаб-квартирасында узды.

Рөстәм Миңнеханов Мюнхенга килү мөмкинлеге һәм очрашу өчен рәхмәт белдерде. Ул билгеләп үткәнчә, «Линде» компаниясе инде ике дистә ел буена  Татарстан Республикасының нефть химиясе предприятиеләре – «Казаноргсинтез», «Нижнекамскнефтехим», ТАИФ-НК белән уңышлы хезмәттәшлек итә.  

Бүген Татарстан Республикасы Президенты Рөстәм Миңнеханов Мюнхенда «Линде Инжиниринг» предприятиесендә булды.   

Рөстәм Миңнехановка һәм аны озата йөрүче затларга «Линде» (Linde AG) компаниясен төзү тарихы турында сөйләделәр. 

Linde AG –  немец трансмилли инжиниринг химия корпорациясе, бик күп илләрдә филиаллары бар. Штаб-квартирасы Мюнхенда, Бавария (ФРГ).  Эшчәнлегенең башлангыч чорында суыткыч техника, газларны сыек хәлгә китерү технологияләрен эшләү һәм җитештерү, ректификацияләү һәм аеру өлкәсендә махсуслашкан.   

Бүген кич Татарстан Республикасы Президенты Рөстәм Миңнеханов Мюнхенга (Германия Федератив Республикасы) эш сәфәре белән килде. 

Аэропортта Рөстәм Миңнехановны Россия Федерациясенең Мюнхендагы Генераль консулы Сергей Ганжа каршы алды.

Бүген Татарстан Республикасы Президенты Рөстәм Миңнеханов Мәскәүгә эш сәфәре кыла.

Эш сәфәре кысаларында Рөстәм Миңнеханов Россия Федерациясе Дәүләт советының һәм Россияне социаль-икътисадый үстерүнең максатчан күрсәткечләренә ирешүне мониторинглау комиссиясенең уртак утыршында катнашты.  

Чара Кремльдә Россия Федерациясе Президенты Владимир Путин рәислегендә узды.

Утырышта катнашучылар – төбәкләр җитәкчеләре, федераль министрлар, Россия Федерациясе Дәүләт Думасы депутатлары – өч блок мәсьәлә буенча фикер алыштылар: КФҮ челтәре аша дәүләт һәм муниципаль хезмәт күрсәтүләр, социаль өлкәдә хезмәт күрсәтүләрнең сыйфатын бәйсез бәяләү һәм гражданнарны авария хәлендәге торактан күчерү. 

Татарстан Республикасы Президенты Рөстәм Миңнеханов Mazzoni LB һәм Desmet Ballestra Италия компанияләре вәкилләре белән очрашты.   

Очрашу барышында яклар яңа технологияләр һәм җайланмалар өлкәсендә нефть химиясе сәнәгате өлешендә хезмәттәшлекне үстерү мәсьәләләре буенча фикер алыштылар.  

Очрашуда Россия Федерациясе Дәүләт Думасы депутаты Ирек Богуславский да катнашты.