Бүген ТР Мәдәният министрлыгында РФ Президенты каршындагы Геральдия совете белән ТР Президенты каршындагы Геральдия советының тантаналы уртак утырышы узды. Анда Универсиада һәм Универсиада авылы, шулай ук Татарстан муниципаль районнарының ике берлеге флагларын РФ Дәүләт геральдия регистрына һәм ТР Геральдия реестрына кертү турындагы таныклык тапшырылды.

Татарстан Республикасы 1 млн. 852,5 мең кв.м. күләмендә торак тапшырып Россия субъектлары арасында 3 урынны һәм Идел буе федераль округы буенча 1 урынны били. Бүген ТР Хөкүмәт йортында торак төзелеше һәм тапшыру буенча узган республика киңәшмәсендә ТР төзелеш, архитектура һәм торак-коммуналь хуҗалык министрының беренче урынбасары Фәрит Хәнифов Россия буенча Росстат агымдагы елның 10 ае өчен ясаган нәтиҗәләрне белдерде.

Быел Татарстанда агросәнәгать комплексында продукция күләме 155 млрд. сум тәшкил итә. Бүген ТР Хөкүмәт йортында узган республика киңәшмәсендә ТР Премьер-министры урынбасары – ТР авыл хуҗалыгы һәм азык-төлек министры Марат Әхмәтов шундый мәгълүмат белдерде.

Татарстанда күп балалы гаиләләр җир алу өчен 21 меңнән артык гариза биргән. Бу хакта бүген ТР Хөкүмәт йортында узган республика киңәшмәсендә ТР җир һәм милек мөнәсәбәтләре министры Азат Хамаев белдерде. Киңәшмәне Татарстан Президенты Рөстәм Миңнеханов үткәрде, анда шулай ук ТР Премьер-министры Илдар Халиков та катнашты.

Бүген ТР Президенты Рөстәм Миңнеханов Әлмәттә агымдагы елның 9 аена Татарстан нефть тармагы эше нәтиҗәләре буенча киңәшмә уздырды. ТР Президенты нефтьчеләргә ТР һәм Россия социаль-икътисади үсешенә өлеш керткәннәре өчен, рәхмәт белдерде. Ул хәбәр иткәнчә, ТР нефтьчеләренең 9 айга барлык дәрәҗә бюджетларга салым түләүләре 10 миллард евро булган. Аларның 90 проценты федераль бюджетка туры килә.

Бүген ТР Премьер-министры Илдар Халиков республиканың Әгерҗе районында булды. Сәфәре вакытында И.Халиков Бөек ватан сугышы ветераннары өчен, 15 фатирлы йорттагы төзелеш эшләре барышы белән танышты. Өметов урамындагы йортта төзелеш ахырына якынлаша. Гыйнварда ветераннарга яңа фатир ачкычларын тапшыру планлаштырыла.

ТР Президенты Рөстәм Миңнеханов бүген Әлмәткә эш сәфәре барышында гомумпрактика табибларының “Гаилә табибы” (“Семейный доктор”) офисында булды. Офис Әлмәт шәһәренең 60 еллык юбилее һәм Татарстанда нефть ятмалары үзләштерелә башлауга 70 ел тулу уңаеннан кала халкына бүләк булды. Ул әле күптән түгел генә нефтьчеләр башкаласының халык тыгызлыгы зур булган “Яшьлек” микрорайонында ишекләрен ачкан иде. Бүген биредә яшәүчеләр саны 4000 нән артык, микрорайон киңәюен дәвам итә. Әлеге социаль әһәмияттәге проект шәһәр халкын үтемле амбулатор ярдәм белән тәэмин итә.

Бүген Әлмәттә компаниянең Директорлар советы рәисе - ТР Президенты Рөстәм Миңнеханов җитәкчелегендә “Татнефть” ААҖ Директорлар советының чираттагы утырышы үтте.

Бүген Казан Кремлендә Татарстан Премьер-министры Илдар Халиков Россия Федерациясе һәм Татарстан Республикасы дәүләт бүләкләрен тапшырды. “Татарстан күп еллар дәвамында сәнәгать, дәүләт һәм муниципаль идарә өлкәсендә лидер булып тора. Без ел саен тапшырган бүләкләр ТР һәм РФ уңышлары өчен хезмәт итүнең ачык дәлиле”, - дип билгеләп үтте Илдар Халиков тантаналы чараны ачып.

Бүген Казан Ратушасында “Татарстан Республикасының иң яхшы товарлары һәм хезмәтләре” республика бәйгесе һәм “Россиянең иң яхшы 100 товары” Бөтенроссия конкурсы җиңүчеләрен бүләкләү тантанасы узды. Лауреатлар һәм дипломантларны котларга ТР Премьер-министры Илдар Халиков килгән иде.