Бүген Казанда “Куркынычсызлык һәм элемтә” форумы кысаларында “Тормыш куркынычсызлыгының бүгенге көн проблемалары: хәзерге вакыт һәм киләчәк” исемле III Халыкара фәнни-гамәли конференциясенең “Юлларда тормыш куркынычсызлыгы” исемле секция утырышы үтте. Аны Россия ЭЭМның Юл хәрәкәте иминлеген тәэмин итү буенча Баш идарәсе җитәкчесе урынбасары Владимир Кузин ачты. Утырышта 250 кеше катнашты. Алар арасында Россия һәм Татарстан министрлыклары, ведомстволарыннан вәкилләр, үзебезнең һәм чит ил галимнәре дә бар иде.

27 февральдән 1 мартка кадәр Казанда “Куркынычсызлык һәм элемтә” форумы үтә. Әлеге чара кысаларында “Куркынычсызлык”, “Элемтә”, “Сак һәм хезмәт куркынычсызлыгы” күргәзмәләре, шулай ук “Тормыш куркынычсызлыгының бүгенге көн проблемалары: хәзерге вакыт һәм киләчәк” исемле III Халыкара фәнни-гамәли конференция үткәрелә.

Татарстан Республикасы Президенты Рөстәм Миңнеханов кичә, 2014 елның 26 февралендә, федераль массакүләм матубгат чараларына Татарстан җитәкчелеге, Татарстан Дәүләт Советы һәм Бөтендөнья татар конгрессы Кырым татарларын Кырымда яшәүче рус кешеләре белән тынычлык һәм татулыкта яшәргә өндәүләрен белдерде. Бүген Татарстан Республикасы Дәүләт Советының чираттан тыш утырышында Кырым Автономияле Республикасы халыкларына мөрәҗәгать кабул ителде. Мөрәҗәгать текстында, аерым алганда, шундый сүзләр бар: “Татарстан Республикасы Дәүләт Советы иҗтимагый-сәяси һәм социаль-икътисадый вәзгыятькә тирән борчылып, көч куллануны гаепләп һәм “мәйдан” аша аерым төркемнәр файдасына сәяси карарлар кабул итүне, бу омтылышларның Кырым Автономияле Республикасы территориясенә үтеп керүен булдырмаска өнди”.

Татарстан Республикасы Премьер-министры Илдар Халиков бүген Ertico – ITS Europe компаниясе вәкилләре белән очрашты.
Очрашу ТР Хөкүмәте Йортында узды, Татарстан ягыннан анда ТР буенча Эчке эшләр министрлыгы башлыгы Артем Хохорин, ТР Премьер-министры урынбасары – ТР мәгълүматлаштыру һәм элемтә министры Роман Шәйхетдинов, Эчке эшләр министрлыгының ТР буенча ЮХИДИ идарәсе башлыгы Рифкать Миңнеханов һ.б. катнашты.

Яшел Үзәннең Горький исемендәге заводында (предприятие “Ак Барс” холдинг компаниясе”ААҖ компанияләре төркеменә керә) 22160 проектының баш патруль корабленә нигез салу тантанасы узды.
Бу чарада ТР Премьер-министры Илдар Халиков, Россиянең Хәрби-диңгез флоты баш командующие Виктор Чирков, РФ Оборона министрлыгы, Татарстан министрлыклары һәм ведомстволары, Яшел Үзән муниципаль районы хакимияте һәм “Ак Барс” холдинг компаниясе” ААҖ вәкилләре катнашты.

Яшел Үзәннең Горький исемендәге заводында бүген салкын-ката торган катнашмалар линиясен файдалануга тапшыру тантанасы булды.
Бу чарада ТР Премьер-министры Илдар Халиков, Россиянең Хәрби-диңгез флоты баш командующие Виктор Чирков, РФ Оборона министрлыгы, Татарстан министрлыклары һәм ведомстволары, Яшел Үзән муниципаль районы хакимияте һәм “Ак Барс” холдинг компаниясе” ААҖ вәкилләре катнашты.

Бүген Әлмәттә “Татнефть” ААҖ нең төп офисында Татарстан Президенты Рөстәм Миңнеханов республиканың кече нефть компанияләре җитәкчеләре белән киңәшмә үткәрде. Анда 2013 ел эшчәнлеге нәтиҗәләре һәм 2014 елга бурычлар каралды. Киңәшмәдә “Татнефть” генераль директоры Наил Маганов, ТР тармак министрлыклары һәм ведомстволары, федераль органнарның территориаль бүлекчәләре җитәкчеләре катнашты.

Бүген М.Җәлил исемендәге Татар дәүләт опера һәм балет академия театрында Резедә Ахиярова музыкасына Георгий Ковтун хореографиясендә “Алтын Урда” балеты күрсәтелде. Спектакльне ТР Дәүләт Киңәшчесе Минтимер Шәймиев, балетмейстер, хореограф, театр режиссёры, педагог, СССР халык артисты Владимир Васильев һәм "Telmondis" Франция компаниясе вәкилләре карады.

Бүген Татарстан Республикасы Премьер-министры урынбасары Юрий Камалтынов Мамадыш муниципаль районында булды. Ул Мамадыш районы Советы сессиясендә катнашты. Юрий Камалтынов шәһәрнең берничә оешмасында һәм “Мамадыш” совхозы поселогында 40 фатирлы торак йорт ачылышы тантанасында булды.