Бүген Казанда юл инфраструктурасы инвесторларының һәм операторларының ике көнлек II Халыкара форумы үз эшен башлады. Пленар утырышта Россия Президенты ярдәмчесе Игорь Левитин һәм ТР Премьер-министры Илдар Халиков, “Автодор” дәүләт компаниясе идарәсе рәисе Сергей Кельбах һ.б. катнашты.

Бүген Татарстан Республикасы Президенты Рөстәм Миңнеханов Гонконгка ике көнлек эш сәфәре кысаларында Гонконг финанслар министры Джон Цанг белән очрашты. Яклар Гонконг һәм Татарстанның икътисади һәм инвестицион мөмкинлекләре турында фикер алыштылар.

Бүген Казанда Югары медицина технологияләре буенча белем бирү үзәгендә “Медицина учреждениеләрендә сыйфат һәм рисклар белән идарә итү” темасына II халыкара конференция уза.

Конференциядә катнашучыларны ТР Премьер-министры Илдар Халиков сәламләде. Аның эшендә ТР сәламәтлек саклау министры Гадел Вафин, Җәмәгатьчелек сәламәтлеге илкүләм фәнни-тикшеренү институты директорының фәнни эш буенча урынбасары Александр Линденбратен, Россия сәламәтлек саклау өлкәсендә күзәтчелек хезмәтенең халыкка медицина ярдәме күрсәтүдә дәүләт контролен оештыру идарәсе башлыгы урынбасары Сергей Ковалев, төрле дәрәҗәдәге сәламәтлек саклау учреждениеләре белән идарә итүне оптимизацияләүгә юнәлдерелгән проектлар буенча директор Радомир Бошкович һәм башкалар катнаша.

Бүген Татарстан Республикасы территориясендә АКШ, Европа, Төркия һәм башка илләрнең компанияләре уңышлы бизнес алып бара. Гомумән, Россиядә, аерым алганда, Татарстанда, яңа производстволар ачу өчен чит ил инвесторларына шартлар тудырылачак. Бу хакта бүген Татарстан Республикасы Президенты Рөстәм Миңнеханов Гонконг эшлекле даирәләре өчен Татарстан Республикасының инвестицион һәм фәнни-техник потенциалын тәкъдим итү чарасында белдерде. Ул, Татарстан инвестицион программалар кысаларында Көньяк-Көнчыгыш Азия белән аз эшли, дип билгеләп үтте.

Татарстан Республикасы икътисад, инновацияләр, логистика, инфраструктура проектлары өлкәсендә Гонконг белән хезмәттәшлек итү яклы. Бу хакта бүген Татарстан Республикасы Президенты Рөстәм Миңнеханов Гонконгның Тышкы сәүдәне үстерү советында очрашу барышында белдерде. Гонконгның Тышкы сәүдәне үстерү советы (Hong Kong Trade Development Council – HKTDC) – 1966 нчы елда нигез салынган рәсми орган. HKTDC тышкы сәүдә оешмасы, ул Гонконг сәүдә компанияләренә, товар җитештерүчеләренә һәм дөнья базарын товар белән тәэмин итүчеләргә ярдәм итә. 

Бүген Татарстан Президенты Рөстәм Миңнеханов Гонконгның фәнни-технологик паркында булды (Hong Kong Science and Technology Park). Татарстан Республикасы делегациясе вәкилләренә паркның мөмкинлекләре һәм аның алга таба үсеш перспективалары турында хәбәр иттеләр.  Сорауларга Гонконгның фәнни-технологик паркы вице-президенты Бен Луи җавап бирде. Әлеге парк Гонконгта 2001 елда ачылган. Ул 22 га җирдә бизнес өчен инфраструктура тәкъдим итә һәм 330 мең кв. метрлык фәнни-тикшеренү өчен бүлмәләрдән тора.  

Бүген Татарстан Республикасы Президенты Рөстәм Миңнеханов Meridian Capital компаниясенең директорлар советы рәисе Марк Хольцман белән очрашты. Очрашу Гонконгта узды, Рөстәм Миңнеханов анда эш визиты белән килде (2014 елның 16-17 апреле). Яклар авыл хуҗалыгы һәм эшкәртә, биотехнологияләр кебек өкләләрдә хезмәттәшлек мәсьәләләре турында сөйләштеләр.

Кичә кич Татарстан Республикасы Президенты Рөстәм Миңнеханов, Кытай Халык Республикасына Татарстан делегациясенең эшлекле визиты кысаларында, Гонконгка килде. Биредә Татарстан Республикасы делегациясенең очрашуларын һәм эшлекле сөйләшүләрен үткәрү планлаштырылган.

Татарстан Республикасы Премьер-министры Илдар Халиков бүген “Транснефть” АК” ААҖ вице-президенты Владимир Рушайло белән очрашты.
Очрашу ТР Хөкүмәте Йортында узды, анда шулай ук ТР Президенты Аппараты җитәкчесе Әсгать Сәфәров катнашты.

Бүген Пекинда ТР Президенты Рөстәм Миңнеханов Кытайның алдынгы дәүләт корпорацияләре – Кытай инвестицион корпорациясе һәм “Поли Груп” төркеме - җитәкчелеге белән очрашты.  Очрашуларда шулай ук ТР вице-премьеры – сәнәгать һәм сәүдә министры Равил Зарипов, ТР вице-премьеры – авыл хуҗалыгы һәм азык-төлек министры Марат Әхмәтов, ТР вице-премьеры – мәгълүматлаштыру һәм элемтә министры Роман Шәйхетдинов, ТР Инвестицион үсеш агентлыгы җитәкчесе Линар Якупов, ТР Президентының халыкара мәсьәләләр буенча ярдәмчесе Радик Гыйматдинов, ТР Дәүләт Советының Икътисад, инвестицияләр һәм эшкуарлык комитеты рәисе Марат Галиев, ТР Сәүдә-сәнәгать палатасы рәисе Шамил Агеев, “Татнефть” ААҖ генераль директоры Наил Маганов, “КАМАЗ” ААҖ генераль директоры Сергей Когогин, “ТАИФ” ААҖ Директорлары советы Рөстәм Сүлтиев һәм “Газпром Межрегионгаз Казан” ЯАҖ генераль директоры Ринат Ханбиков катнашты.