14 сентябрь көнне кич “Бердәм Россия” партиясе Рәисе, РФ премьер-министры Дмитрий Медведев видеоконференция режимында сайлаулар үткәрелгән регионнар вәкилләре белән аралашты. Анда ТР Дәүләт Советы Рәисе Фәрит Мөхәммәтшин хөкүмәт башлыгына республика парламентына сайлаулар барышы турында мәгълүмат бирде.

Бүген Татарстан Президенты Рөстәм Миңнеханов Казанның Чехов базарында авыл хуҗалыгы ярминкәсендә булды, анда фермерлар, крестьян-фермерлык хуҗалыклары һәм шәхси хуҗалыклар вәкилләре сәүдә итә. Рөстәм Миңнехановны ТР Дәүләт Советы Рәисе Фәрит Мөхәммәтшин, ТР Премьер-министры урынбасары – авыл хуҗалыгы һәм азык-төлек министры Марат Әхмәтов, Казан мэры Илсур Метшин һәм Татарстан Фермерлар, крестьян хуҗалыклары һәм авыл хуҗалыгы кооперативы рәисе Камияр Байтимеров озатып йөрде.

Бүген Татарстан Республикасы Дәүләт Киңәшчесе Минтимер Шәймиев үзенең тормыш иптәше Сәкинә ханым белән Казан илкүләм тикшеренү технология университеты бинасында урнашкан 55 нче сайлау участогында V чакырылыш Дәүләт Советына сайлауларда тавыш бирүдә катнашты. Тавыш биргәннән соң, Минтимер Шәймиевкә, шулай ук барлык сайлауларда катнашучыларга бирелгән кебек, “Мин тавыш бирдем” беләзеге тапшырылды.

Бүген Татарстан Республикасы Премьер-министры Илдар Халиков үзенең тормыш иптәше белән бергә V чакырылыш Дәүләт Советына сайлауларда катнашты.

Татарстан Дәүләт Советы Рәисе Фәрит Мөхәммәтшин V чакырылыш Дәүләт Советына сайлауларда катнашты. Татарстан парламенты спикеры белән хәләл җефете Луиза Мөхәммәтшина Казанның 43 нче участогына иртәнге 8.00 сәгатьтән соң килде. Ул, залга керүгә, күзәтүчеләрне сәламләде.

Бүген Татарстан Республикасы Президенты Рөстәм Миңнеханов хатыны белән V чакырылыш ТР Дәүләт Советына сайлауларда тавыш бирделәр.  ТР Президент Казанның 42 нче сайлау участогында тавыш бирде. 

«INSERTS Инсертлар – Адмиралтейство бистәсе» халыкара проект-мәгариф семинары бүген Казанда тәмамланды. Семинарны тантаналы ябу чарасында Татарстан Республикасы Президенты Рөстәм Миңнеханов катнашты. Шулай ук ТР Президенты ярдәмчесе Олеся Балтусова, Казан мэры Илсур Метшин, ТР төзелеш, архитектура һәм ТКХ министры Ирек Фәйзуллин катнаштылар.

Хөрмәтле татарстанлылар! Татарстан Республикасы Дәүләт Советына бишенче чакырылыш депутатлары сайлау буенча кампания ахырына якынлашып килә. Парламенттагы урыннар өчен сигез сәяси партия вәкилләре көрәште. Сайлаулар - республиканың сәяси системасы үсешендә мөһим этап. Тавыш бирүчеләр белән очрашулар барышында һәм сайлау алды дебатларында күпләгән көнүзәк сораулар күтәрелде.