Бүген Татарстан Республикасы Президенты Рөстәм Миңнеханов  Россия-Кытай VI Эшлекле Форумында һәм "Бердәм Россия" партиясе –Кытай Коммунистлар партиясе» партияара диалогында катнашучылар белән очрашты. Чара Казанда «Корстон» КСККда узды.  

Очрашуда «Бердәм Россия» партиясе Югары советы Рәисе Борис Грызлов, Татарстан Республикасы Дәүләт Советы Рәисе Фәрит Мөхәммәтшин, Кытай Коммунистлар партиясе ҮКның Халыкара бүлеге мөдире Сун Тао, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасы Президентының халыкара мәсьәләләр буенча киңәшчесе Радик Гыйматдинов, Татарстан Республикасы Инвестицион үсеш агентлыгы җитәкчесе Талия Миңнуллина, Казан мэры Илсур Метшин һәм башкалар катнашты. 

Бүген кече һәм урта эшкуарлыкны үстерү икътисадый үсешнең төп факторы. Әлеге юнәлеш инвестицияләрне җәлеп итү мөмкинлекләре һәм административ каршылыкларны киметү белән бер рәттән Татарстанның 2030 елга кадәр социаль-икътисадый стратегиясендә теркәлгән. Бу хакта бүген Татарстан Республикасы Президенты Рөстәм Миңнеханов Идел буе федераль округында инвестицион климатны яхшырту, административ каршылыкларны киметү һәм кече һәм урта эшкуарлыкны үстерү комиссиясе утырышныда белдерде. 

Бүген Татарстан Республикасы Президенты Рөстәм Миңнеханов «Корпорация «МСП» АҖ генераль директоры Александр Браверман белән очрашты. Очрашу ТР Хөкүмәте Йортында узды. Чарада шулай ук ТР Премьер-министры Илдар Халиков, ТР Премьер-министры урынбасары - авыл хуҗалыгы һәм азык-төлек министры Марат Әхмәтов, ТР Президенты ярдәмчесе Альберт Нәфигыйн, ТР икътисад министры Артем Здунов катнаштылар. 

Бүген Россия Федерациясе Президентының Идел буе федераль округындагы Тулы вәкаләтле вәкиле Михаил Бабич һәм Татарстан Республикасы Президенты Рөстәм Миңнеханов Казанның Фатыйх Әмирхан урамындагы ишегалдында булдылар. Бу күптән түгел төзекләндерелгән территорияне  карауда шулай ук Татарстан Республикасы Президенты ярдәмчесе Наталия Фишман, Казан мэры Илсур Метшин һәм башкалар катнашты.

Бүген Казанда кече һәм урта эшкуарлыкка мәгълүмати  һәм маркетинг ярдәме системалары һәм сервисларын куллану мәсьәләсе буенча киңәшмә узды.

Бу чарада “Кече һәм урта эшкуарлыкны үстерү буенча федераль  корпорация” АҖ генераль директоры Александр Браверман, Татарстан Республикасы Премьер-министры Илдар Халиков, идарә әгъзасы, Корпорация генераль директоры урынбасары Наталья Ларионова катнашты.

Бүген Россия Федерациясе Президентының Идел буе федераль округындагы Тулы вәкаләтле вәкиле Михаил Бабич Татарстанга эш сәфәре кысаларында Казандагы күп функцияле үзәк (Ямашев ур., 82) эше белән танышты. Аны Татарстан Республикасы Президенты Рөстәм Миңнеханов, Татарстан Республикасы икътисад министры Артем Здунов, Татарстан Республикасы буенча баш федераль инспектор Ренат Тимерҗанов һәм башкалар озата йөрде. 

Иртәгә, 2017 елның 22 мартында, Татарстан Республикасына Россия Президентының Идел буе федераль округындагы тулы вәкаләтле вәкиле Михаил Бабич килә.

Казанда Михаил Бабич Идел буе федераль округында инвестицион климатны яхшырту, административ каршылыкларны киметү, кече һәм урта эшмәкәрлекне үстерү буенча комиссия утырышын уздырачак.

Бүген Татарстан Республикасы Президенты Рөстәм Миңнехановка Коръәннең сирәк нөсхәсен бүләк иттеләр. 

Ул Мәскәүдә эш сәфәрендә. 

Мөселманнарның изге китабын Рөстәм Миңнехановка Мәскәү эшкуарлары исеменнән Ильяс Мөслимов тапшырды. Чара Татарстан Республикасының Мәскәүдәге Тулы вәкаләтле вәкиллеге бинасында узды. 

Бүген Татарстан Республикасы Дәүләт Советы утырышында 2016 ел өчен Татарстан хакимияте органнары эшчәнлеге хисабы каралды.

Бу мәсьәлә буенча төп докладны Татарстан Премьер-министры Илдар Халиков ясады.

Илдар Халиков 2016 ел нәтиҗәләренә күчкәнче, кыскача икътисадтагы хәлнең торышы турында сөйләде.

Бүген Татарстан Республикасы Президенты Рөстәм Миңнеханов «Россельхозбанк» АҖ идарәсе рәисе урынбасарлары Ирина Жачкина һәм Оксана Лут белән очрашты. 

Очрашу Рөстәм Миңнехановның Татарстан Республикасы Хөкүмәте Йортындагы эш кабинетында узды.  

Татарстан ягыннан очрашуда Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов, Татарстан Республикасы Президенты ярдәмчесе Альберт Нәфыйгин катнашты.