"Россия гаиләләре өчен торак" федераль программасы буенча Татарстанда эконом-класс торакларын төзүдә ярдәм мәсьәләләре турында бүген ТР Хөкүмәт Йортында узган киңәшмәдә сөйләштеләр. Аны Татарстан Президенты Рөстәм Миңнеханов уздырды. Киңәшмә эшендә Россия Федерациясе Төзелеш һәм торак-коммуналь хуҗалык министры урынбасары Александр Плутник катнашты.

"2013 елда Татарстан агросәнәгать комплексы үсеше йомгаклары һәм 2014 елга авыл хуҗалыгы җитештерүенең нәтиҗәлелеген арттыру юллары" Татарстан Республикасы Авыл хуҗалыгы һәм азык-төлек министрлыгының йомгаклау коллегиясе утырышының Интернет челтәре аша трансляциясе 2014 елның 19 февралендә ТР Хөкүмәтенең рәсми порталында оештырылачак. Йомгаклау коллегиясендә Татарстан республикасы Президенты Рөстәм Миңнеханов катнашачак.  

Түбән Кама шәһәре һәм Түбән Кама районы – Татарстан икътисады үсешенең таяныч ноктасы. Мондый фикерне бүген Татарстан Республикасы Президенты Рөстәм Миңнеханов Түбән Кама шәһәре һәм Түбән Кама районы советларының йомгак сессиясендә чыгыш ясаганда белдерде. Сессия башланыр алдыннан Татарстан Президенты дәүләт һәм муниципаль хезмәт күрсәтүләрнең күп функцияле үзәгендә булды. КФҮтә дәүләт теркәве, кадастр һәм картография органнары, ТКХ һәм төзекләндерүнең, җир һәм мөлкәт мөнәсәбәтләренең, төзелеш һәм архитектураның муниципаль органнары, загс, миграция хезмәте, салым хезмәте, социаль хезмәт органнары, пенсия фонды урнашкан. Барлыгы КФҮтә 100дән артык дәүләт һәм муниципаль хезмәтләр күрсәтелә.

ТРның “Халык контроле” дәүләт мәгълүмат системасының 2013 елдагы эшчәнлеге нәтиҗәләре турында бүген журналистларга ТР Хөкүмәте Йортында узган брифингта сөйләделәр.
Брифингта ТР Премьер-министры урынбасары – ТР мәгълүматлаштыру һәм элемтә министры Роман Шәйхетдинов һәм ТРда Кеше хокуклары буенча вәкаләтле вәкил Сәрия Сабурская катнашты.

Бүген ТР Министрлар Кабинетында ТР Президенты Рөстәм Миңнеханов рәислегендә “Татнефтехиминвест-холдинг” ААҖ Директорлары советы утырышы булды, анда ТР икътисады өчен перспектив тәкъдимнәр каралды. Ягулык элементлары үсеше перспективалары турында РФАның Казан фәнни үзәге А.Е.Арбузов исемендәге Органик һәм физик химия институты профессоры Марсил Кадыйров сөйләде. Ул искәртеп үткәнчә, 70 нче еллар уртасыннан “водород энергетикасы” төшенчәсе формалашкан. Энергия йөртүче водородның өстенлекләре турында сөйләгәндә, чыгыш ясаучы аның запасларының чиксез булуын, транспортировкалау өчен универсальлеген билгеләп үтте.

Бүген Татарстан Республикасы Президенты Рөстәм Миңнеханов Сочида Россия җыелма командасының Җанатарлар йортында булды. Россия Олимпия комитеты президенты Александр Жуков хөрмәтле кунакка Йортның зоналарын һәм экспонатларын күрсәтте. 

Бүген Татарстан Республикасы Президенты Рөстәм Миңнеханов 2014 елгы    XXII Кышкы Олимпия уеннары башкаласы - Сочи шәһәренә килде. Килеп төшүгә  Рөстәм Миңнеханов ТР яшьләр эшләре, спорт һәм туризм министры Рафис Борһанов һәм "Казан 2013" башкарма дирекциясе" АКО генераль директоры Азат Кадыров белән Олипия паркына юнәлде.