Яңалыклар

27.03.2014

Рөстәм Миңнеханов Казандагы 2015 елгы XVI су спорт төрләре чемпионатына әзерләнү турында: Без бөтен спортчылар һәм су спорт төрләрен яратучыларга бәйрәм ясыйбыз

Казандагы 2015 елгы XVI су спорт төрләре чемпионатына әзерләнү мәсьәләләре турында бүген Татарстан Республикасы Президенты Рөстәм Миңнеханов, Халыкара йөзү федерациясе(FINA) президенты Хулио Маглионе, FINA башкарма директоры Корнель Маркулеску, Бөтенроссия йөзү федерациясе вәкилләре сөйләште. Очрашу Татарстан Республикасы Хөкүмәте Йортында узды, Татарстан ягыннан чарада ТР яшьләр эшләре һәм спорт министры Рафис Борһанов, төзелеш, архитектура һәм ТКХ министры Ирек Фәйзуллин, Казан мэры Илсур Метшин, XVI су спорт төрләре чемпионатының рәсми оештыручысы - “Казан-2013” башкарма дирекциясе Азат Кадыров катнаштылар.

27.03.2014

Минтимер Шәймиев: “Болгар һәм Зөядә без туристларны шаккаттыра һәм шуннан рухи канәгатьлек алырга тиеш”

Бүген Казан Кремлендә ТР Тарихи һәм мәдәни һәйкәлләрне яңадан торгызу буенча республика фондының Попечительлек советы утырышы узды. Утырышны ТР Дәүләт киңәшчесе, ТР Тарихи һәм мәдәни һәйкәлләрне яңадан торгызу буенча республика фондының Попечительлек советы рәисе Минтимер Шәймиев үткәрде.

27.03.2014

Рөстәм Миңнеханов һәм Сергей Максин инновацион инжиниринг үзәген – «Смарт Сити Казан» мәйданчыгында «Швабе» ААҖ фән шәһәрчеген оештыру проекты буенча фикер алыштылар

Бүген Татарстан Республикасы Президенты Рөстәм Миңнеханов һәм «Швабе» ААҖ генераль директоры Сергей Максин инновацион инжиниринг үзәген – «Смарт Сити Казан» мәйданчыгында «Швабе» ААҖ фән шәһәрчеген оештыру проекты буенча фикер алыштылар. Очрашу Татарстан Республикасы Хөкүмәте Йортында узды.

Сергей Максин кыскача гына компаниянең икътисадый күрсәткечләре һәм киләчәктә үсеш перспективалары турында сөйләде.

27.03.2014

Татарстан Президенты: Бер кеше дә закон яклавыннан мәхрүм булмаска тиеш, моңарда прокурор күзәтчелегенең роле зур

Татарстан Республикасында, һәм гомумән Идел буе федераль округында, легаль булмаган эмиграция мәсьәләсе кискен тора, миграцион агымнарны күзәтү буенча җитди эш алып барыла. Бу хакта бүген Татарстан Республикасы Президенты Рөстәм Миңнеханов 2013 елда Идел буе федераль округы прокуратурасы органнарының эш йомгаклары һәм законлылыкны һәм хокук тәртибен ныгыту эшчәнлеге нәтиҗәлелеген арттыруга юнәлдерелгән чаралар буенча оператив киңәшмәдә белдерде. Оператив киңәшмә Казанда, ТР прокуратурасы бинасында (Кремль, ур. 14) узды, аны Россия Федерациясе Генераль прокуроры Юрий Чайка алып барды. Чарада Россия Федерациясе Президентының Идел буе федераль округында тулы вәкаләтле вәкиле Михаил Бабич, Россия Федерациясе Генераль прокуроры урынбасары Сергей Зайцев һәм башкалар катнашты.

27.03.2014

РФ Генераль прокуроры Юрий Чайка: җирле дәрәҗәдә прокурорлар коррупциячел фактларны ачуга җитәрлек игътибар бирмиләр

Бүген Казанда Татарстан Республикасы Прокуратурасы бинасында (Кремль, ур. 14) 2013 елда Идел буе федераль округы прокуратурасы органнарының эш йомгаклары һәм законлылыкны һәм хокук тәртибен ныгыту эшчәнлеге нәтиҗәлелеген арттыруга юнәлдерелгән чаралар буенча оператив киңәшмә уздырылды.

Киңәшмәне Россия Федерациясе Генераль прокуроры Юрий Чайка алып барды. Чарада Россия Федерациясе Президентының Идел буе федераль округында тулы вәкаләтле вәкиле Михаил Бабич, Россия Федерациясе Генераль прокуроры урынбасары Сергей Зайцев, Татарстан Республикасы Президенты Рөстәм Миңнеханов һәм башкалар катнашты.

Киңәшмәне ачып, Юрий Чайка хәбәр иткәнчә, узган ел прокурорларның бөтен көче социаль һәм икътисадый өлкәләрдә хокук бозуларга каршы күзәтчелек чаралары уздыруга юнәлде, вәкаләтле органнар белән үзара хезмәттәшлек тәэмин ителде һәм закон бозу фактларына оператив мөнәсәбәт күрсәтелде.

27.03.2014

Илдар Халиков Тюрингия икътисади үсеш агентлыгы башлыгы белән очрашты

Татарстан Премьер-министры Илдар Халиков бүген Казанда Тюрингия федераль җиренең Икътисади үсеш агентлыгы генераль директоры Андреас Край белән очрашты. ТР Хөкүмәте Йортындагы очрашуда шулай ук ТР вице-премьеры - сәүдә һәм сәнәгать министры Равил Зарипов, ТР сәламәтлек саклау министры Адель Вафин, ТР төзелеш, архитектура һәм торак-коммуналь хуҗалык министры Ирек Фәйзуллин, ТР инвестицион үсеш агентлыгы җитәкчесе Линар Якупов катнашты.

27.03.2014

Татарстан Президенты Maire Technimont төркеме җитәкчесе белән очрашты

Бүген Татарстан Республикасы Президенты Рөстәм Миңнеханов Maire Technimont Италия компанияләре төркеменең Директорлар советы рәисе Фабрицио Ди Амато белән очрашты. ТР Хөкүмәте Йортында узган очрашуда ТР вице-премьеры – сәнәгать һәм сәүдә министры Равиль Зарипов, халыкара мәсьәләләр буенча ТР Президенты ярдәмчесе Радик Гыйматдинов, "Татнефть" ААҖ генераль директоры Наиль Маганов, "Татнефтехиминвест-холдинг" ААҖ генераль директор Рафинат Яруллин, "Түбән Кама нефтехим" ААҖ Директорлар советы рәисе Владимир Бусыгин катнаштылар.

27.03.2014

Рөстәм Миңнеханов «Татнефть» ААҖ Директорлар советы утырышын уздырды

Бүген Казанда Татарстан Республикасы Президенты Рөстәм Миңнеханов рәислегендә «Татнефть» ААҖ Директорлар советының чираттагы утырышы уздырылды. Утырышта «Татнефть» ААҖнең 2014 елның ике аенда бюджеты үтәлеше каралды һәм апрель аена һәм быелның икенче кварталына бюджеты расланды.

26.03.2014

Конгресста Украинадагы вәзгыять турында фикер алыштылар

Бүген Страсбургта Европа Советының Җирле һәм төбәк хакимиятләре конгрессының XXVI сессиясе кысаларында төбәкләр Палатасы утырышы булды. Утырышта ТР ДС Рәисе, Европа төбәкләре Ассамблеясы бюросы әгъзасы Фәрит Мөхәммәтшин катнашты.

26.03.2014

Казан Кремлендә 2013 елда коррупциягә каршы эшчәнлек нәтиҗәләрен ясадылар

Бүген Казан Кремлендә Татарстан Республикасы Президенты Рөстәм Миңнеханов рәислегендә Коррупциягә каршы көрәш буенча Совет утырышы узды. Утырыш эшендә шулай ук ТР Дәүләт Киңәшчесе Минтимер Шәймиев, Премьер-министры Илдар Халиков, министрлык һәм ведомстовлар җитәкчеләре, муниципаль берәмлекләр башлыклары катнашты.