Саба районында РСФСР, Татарстан АССР атказанган урманчысы, “Мактау билгесе” һәм “Октябрь революциясе” орденнары кавалеры Нургали Миңнеханов истәлегенә өстәл теннисы буенча XIII Бөтенроссия турниры тәмамланды. Бүләкләү тантанасында ТР Президенты Рөстәм Миңнеханов катнашты.

Бүген Татарстан Республикасы Президенты Рөстәм Миңнеханов республика спортчылары - Сочидагы 2014 елгы РФ Паралимпия уеннарының җыелма командасы әгъзаларына Татарстан Республикасының дәүләт бүләкләрен тапшырды. Чара  2014 елгы Сочидагы XI Паралимпия кышкы уеннарында спортчыларның уңышлы чыгыш ясаулары уңаеннан ТР Президенты резиденциясендә үткәрелде. Рөстәм Миңнеханов паралимпийчыларны сәламләп зур уңышлары белән котлады. Ул Россия Паралимпия җыелма командасының кышкы уеннарда 80 медаль яулаганын искәртте, бу паралимпия хәрәкәте тарихында иң яхшы нәтиҗә. Мондый җиңүләрнең булганы юк иде әле, һәм бу җиңәүдә Татарстан паралимпия спортчыларының казанышлары да бар, дип әйтте Рөстәм Миңнеханов, сез искиткеч казанышларга ирештегез. 

Бүген Корея Халык-Демократик Республикасына эш сәфәре кысаларында Татарстан Республикасы Президенты Рөстәм Миңнеханов җитәкчелегендәге Татарстан Республикасы делегациясе КНДРның беренче юлбашчылары музеенда булдылар һәм КХДР Югары халык советы Президиумы рәисе Ким Ён Нам белән очраштылар.

Бүген Корея Халык-Демократик Республикасына эш сәфәре кысаларында Татарстан Республикасы Президенты Рөстәм Миңнеханов ике эре предприятиедә булды, болар – керамик материаллар һәм техник майлар җитештерү заводлары. Татарстан Республикасы Президентын Россия Федарациясенең КХДРдагы Гадәттән тыш һәм Тулы вәкаләтле илчесе Александр Тимонин озата йөрде.

Бүген Татарстан делегациясенең Пхеньянга эш сәфәре кысаларында Татарстан Республикасы Президенты Рөстәм Миңнеханов Татарстан белән Корея Халык-Демократик Республикасы арасында хезмәттәшлек перспективалары буенча фикер алышу өчен КХДР тышкы сәүдә министры Ли Рён Нам белән очрашты.

Бүген Татарстан Республикасы Президенты Рөстәм Миңнеханов эш сәфәре белән Корея Халык-Демократик Республикасына килде. Пхеньян аэропортында аны Россиянең КХДРдагы Гадәттән тыш һәм Тулы вәкаләтле илчесе Александр Тимонин каршы алды. Татарстан делегациясе составына шулай ук Татарстан Республикасы сәнәгать һәм сәүдә министры урынбасары Руслан Кәбиров, Татарстан Республикасы авыл хуҗалыгы һәм азык-төлек министры урынбасары Николай Титов, Татарстан Республикасы Сәүдә-сәнәгать палатасы башлыгы Шамиль Агиев, «Татнефтехиминвест-холдинг» ААҖ генераль директоры Рафинат Яруллин, «ТАИФ» ААҖ Директорлар советы рәисе Рөстәм Сультиев, Казан (Идел буе) федераль университеты проректоры Марат Сафиуллин кергән.

Бүген Татарстан Республикасы Президенты Рөстәм Миңнеханов белән Япония Премьер-министрының махсус киңәшчесе, Япония Министрлар Кабинеты Канцеляриясе каршындагы Россия – Япония хезмәттәшлеген җайга салу мәсьәләләре буенча хосусый-дәүләт җаваплы секретаре Эйити Хасэгава әфәнде арасында эшче очрашу уздырылды.