Татар авылы кешеләренең шәхси хуҗалыкларын күрсәтә торган скульптур композиция бүген Иске Татар бистәсендә пәйда булды – Суриков исемендәге Мәскәү дәүләт академия сәнгать институтының Казандагы филиалы студентлары үз эшләрен шәһәргә бүләк итеп тапшырдылар. Скульптураларны бүген Татарстан Республикасы Президенты Рөстәм Миңнеханов та бәяләде.

Бүген Татарстан Республикасы Президенты Рөстәм Миңнехановка театр сәнгате музее проектын тәкъдир иттеләр. Бу чара музей урнашачак бинада узды.

Татар театр сәнгате музеен Г.Камал исемендәге театр каршында Татарстан урамындагы реставрацияләнгән 8нче йортта урнаштыру карала.

Бүген иртән Татарстан Республикасы Министрлар Кабинеты фойесында Татарстан җитештерүчеләренең азык-төлек товарлары күргәзмәсе оештырылды.

Экспозициягә сөт продукциясе, ит һәм колбаса, икмәк әйберләре, яшелчә продукциясе җитештерүче эре предприятиеләрнең үз продукциясе, шулай ук фермер хуҗалыкларының азык-төлек товарлары куелган иде.

Мөхтәрәм татарстанлылар!

Дәүләт Советы, республика Хөкүмәте исеменнән һәм шәхсән үзем сезне Республика көне белән чын йөрәктән тәбрик итәм.

Без Татарстанның төп бәйрәмен киләчәккә ныклы ышаныч белән каршы алабыз. Республиканың тотрыклылыгы аның уңышлы икътисадый һәм иҗтимагый үсешенә, мөһим инновацион проектларны тормышка ашыруга нигезләнгән.

Татарстан Республикасы күп кенә социаль-икътисадый күрсәткечләр буенча Россия Федерациясенең алдынгы регионы булып тора. Бүген Рөстәм Миңнеханов бу хакта Татарстан Республикасы көнен бәйрәм итү уңаеннан Татарстан Республикасы Президенты исеменнән уздырылучы кабул итү мәҗлесендә белдерде.

Тантаналы чара «Корстон» (Казан) кунакханә комплексында узды, анда Татарстан Республикасы Министрлар Кабинеты, Татарстан Республикасы Президенты Аппараты, Татарстан Республикасы Дәүләт Советы, республика министрлыклары һәм ведомстволары, муниципаль берәмлекләр, эре сәнәгать предприятиеләре вәкилләре, хезмәт һәм дәүләт хезмәте ветераннары, башка кунаклар катнашты. Чарада Россия Федерациясе Элемтә һәм массакүләм коммуникацияләр министры Николай Никифоров, Россия Хәрби Диңгез флоты главнокомандующие Виктор Чирков, Ингушетия Республикасы Башлыгы Юныс-бәк Евкуров һәм башкалар да катнашты.

Бүген Татарстан Республикасы Президенты Рөстәм Миңнеханов «Иннополис» университеты магистрлары белән очрашты.

Очрашу «Корстон» (Казан) кунакханә комплексында узды, анда шулай ук Россия Федерациясе Элемтә һәм массакүләм коммуникацияләр министры Николай Никифоров,Татарстан Республикасы Премьер-министры урынбасары – Татарстан Республикасы мәгълүматлаштыру һәм элемтә министры Роман Шәйхетдинов, Татарстан Республикасы Президенты Аппараты Җитәкчесе Әсгать Сәфәров һәм башкалар катнашты.